fbpx
Home អរូបិយ ផ្អើលនាំគ្នាទៅបន់ស្រន់ជាមួយគល់ឈើមួយកន្លែងល្បីថាសក្តិសិទ្ធនៅប្រទេសថៃ

ផ្អើលនាំគ្នាទៅបន់ស្រន់ជាមួយគល់ឈើមួយកន្លែងល្បីថាសក្តិសិទ្ធនៅប្រទេសថៃ

ថ្មីៗនេះនៅក្នុងប្រទេស ថៃ កំពុងតែមានការភ្ញាក់ផ្អើលជាមួយការលេចឡើងនៅគល់ឈើមួយដែលមានរូបរាងស្រដៀងទៅនឹងមនុស្ស។ ប្រភពព័ត៌មាននេះបានលេចឡើងចេញពីហាងអាហារមួយកន្លែង ឈ្មោះថា B- Story Garden Cafe & Restaurants ស្ថិតនៅក្នុងទីក្រុងបាងកកប្រទេសថៃ។

ដោយខាងហាងបានបង្ហោះរូបគល់ឈើដែលមានរាងដូចជាមនុស្ស មានបំពាក់គ្រឿងប្រដាប់ និងម្កុដ ហើយត្រូវបានគេហៅថា «បងស្រី» ។ តាមរយៈការបង្ហោះរូបអមជាមួយក្លឹមសារមួយចំនួនក្នុងន័យអបិយជំនឿថា «បងស្រីផ្តល់លាភសក្ការៈឲ្យចំពោះអ្នកដែលបានសុំពរពីបងស្រី»

ក្រោយៗមកក៏ឃើញមានអ្នកចូលទៅបញ្ចេញមតិស្រដៀងគ្នាក្នុងន័យថា «ខ្លួនក៏បានសុំពរពីបងស្រីឲ្យត្រូវឆ្នោត ហើយក៏បានត្រូវមែន» អ្នកខ្លះវិញទៀតក៏ថា «ខ្លួនបានសុំឲ្យការងារដែលកំពុងមានបញ្ហាបានដោះស្រាយរួច ហើយក៏សមដូចបំណងប្រាថ្នាមែន» ។  

ឃើញដូចនេះក៏មានអ្នកចូលទៅសួរនាំជាច្រើនថា «តើពិតមែនឬ? » «តើត្រូវធ្វើបែបណាដើម្បីបានគោរពបូជាបងស្រី?» ដោយឃើញថាមានអ្នកដែលនៅទីឆ្ងាយៗមិនអាចធ្វើដំណើរទៅដល់កន្លែងគោរពបងស្រីបាន ខាងហាងក៏បានរៀបចំវិធីមួយទៀតសម្រាប់អ្នកដែលជឿទៅលើបារមីរបស់បងស្រីគឺអាចផ្ញើជាគ្រឿងសក្ការៈបូជាមាន ផ្កាភ្ញី គ្រឿងប្រដាប់ និងភេសជ្ជៈដែលអាចកម្មង់បានពីខាងហាងផ្ទាល់ដើម្បីយកទៅថ្វាយបងស្រីក្នុងការសុំពរឲ្យសម្រេចបំណងប្រាថ្នាណាមួយ។

ប៉ុន្មានថ្ងៃក្រោយមកសន្ទុះនៃការជឿទៅលើបងស្រីកាន់តែខ្លាំងឡើង អត្រាអ្នកកម្មង់ភេសជ្ជៈ និងផ្ញើគ្រឿងប្រដាប់ដើម្បីទៅថ្វាយបងស្រីក៏កាន់តែខ្លាំងឡើង ព្រមទាំងចំនួនមនុស្សដែលទៅដល់ទីនោះរឹតតែណែនណាន់តាន់តាប់ រហូតដល់ខាងម្ចាស់ហាងត្រូវរៀបចំម៉ោងសម្រាប់បើកបិទក្នុងការចូលទៅធ្វើការគោរពបូជាបងស្រី។ បើនិយាយពីចំនួនភ្ញៀវដែលចូលក្នុងអាហាររដ្ឋានមួយនេះវិញកើនច្រើនឡើងសឹងមិនគួរឲ្យជឿរហូតដល់រកកន្លែងអង្គុយមិនចង់បាន។ 

ម្ចាស់ហាងអះអាងថាមូលហេតុដែលហាងខ្លួនមានភ្ញៀវចូលមិនដាច់បែបនេះគឺដោយសារតែខ្លួនបានបន់ស្រន់សុំពីបងស្រី។ តែមតិមួយចំនួនទៀតក៏បានលើកឡើងថា «នេះគ្រាន់តែជាការធ្វើទីផ្សារដោយមិនចំណាយលុយរបស់ម្ចាស់ហាង ព្រោះគេដឹងថាជនជាតិថៃមួយចំនួនគឺងប់ងល់ជាមួយអបិយជំនឿហើយវាក៏បានផលពិតមែន។» តើប្រិយមិត្តយល់ឃើញយ៉ាងណាដែរចំពោះរឿងរ៉ាវមួយនេះ?

អត្ថបទដោយ៖ Momo

អត្ថបទពេញនិយម

ខ្សែភាពយន្តភាគថ្មី «បងខ្លា» នឹងចូលមកអង្រួតបេះដូងទស្សនិកជនក្នុងពេលឆាប់ៗនេះ!​

ត្រឹមតែជាក្មេងស្រីអាយុ ១៣ ឆ្នាំបែរជាត្រូវមកទទួលបន្ទុកគ្រួសារទាំងមូល។នៅពេលដែលជីវិតតូចមួយត្រូវមក

សម្ដេចតេជោ បង្ហើបអំពីគម្រោងសាងសង់ស្ពានមួយទៀតនៅម្ដុំព្រែកប្រា តម្លៃខ្ទង់លានដុល្លារ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហើបអំពីគម្រោងសាងសង់ស្ពានមួយទៀតនៅម្ដុំព្រែកប្រា នៃរាជធានីភ្នំពេញ ដែលប្រសិនបើមិត្តចិនយល់ព្រមជាមួយនឹងគម្រោងនេះ គឺការដ្ឋាននេះ អាចនឹងត្រូវបើកសម្រាប់ឆ្នាំក្រោយ។

ធនាគារ វីង បើកសាខាថ្មីបំផុតរបស់ខ្លួននៅខេត្តព្រះសីហនុ ខណៈពេលដែលខេត្តមួយនេះកំពុងប្រែក្លាយខ្លួនទៅជាតំបន់សេដ្ឋកិច្ចពិសេសគំរូពហុបំណង

ធនាគារ វីង (ខេមបូឌា) ម.ក បានសម្ពោធសាខាខេត្តព្រះសីហនុជាផ្លូវការក្រោមវត្តមានដ៏ខ្ពង់ខ្ពស់របស់ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យធនាគារជាតិនៃកម្ពុជា ឯកឧត្តម ម៉ាង ស៊ីណេត អភិបាលរងនៃគណៈអភិបាលខេត្តព្រះសីហនុ ព្រមទាំង អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប ក៏ដូចជាឥស្សរជនកិត្តិយសជាច្រើនរូបទៀត។

សម្ដេចតេជោ អរគុណអេស្ប៉ាញ និងបណ្ដាប្រទេសអឺរ៉ុប ដែលបានរួមចំណែកក្នុងការប្រយុទ្ធប្រឆាំងកូវីដនៅកម្ពុជា

ក្នុងនាមប្រជាជន និងរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែង​អំណរគុណជូនចំពោះប្រជាជន និងរដ្ឋាភិបាលអេស្ប៉ាញ និងបណ្ដាប្រទេសជាសមាជិកផ្សេងទៀតនៃសហភាពអឺរ៉ុប ដែលបាននិងកំពុងបន្តចូលរួមចំណែកយ៉ាងសំខាន់ ក្នុងការប្រយុទ្ធប្រឆាំងជំងឺកូវីដ-១៩ ក៏ដូចជាការងើបឡើងវិញនៃសង្គម-សេដ្ឋកិច្ចកម្ពុជា តាមរយៈការផ្ដល់ជំនួយវ៉ាក់សាំង ជាពិសេសសម្រាប់កុមារ និងជំនួយបច្ចេកផ្សេងៗ ជាបន្តបន្ទាប់។