មនុស្ស​យ៉ាង​ហោច​ ៣៦​នាក់​ត្រូវ​បាន​សម្លាប់ អំឡុង​ការ​វាយ​ប្រហារ​ដោយ​គ្រាប់​បែក​អត្តឃាត​នៅ​រដ្ឋ​ប័រណូ​​

352
មនុស្ស​យ៉ាង​ហោច​ ៣៦​នាក់​ត្រូវ​បាន​សម្លាប់ អំឡុង​ការ​វាយ​ប្រហារ​ដោយ​គ្រាប់​បែក​អត្តឃាត​នៅ​រដ្ឋ​ប័រណូ​​

​នីហ្សេរីយ៉ា៖ ប្រភព​ព័ត៌មាន​ពី​ក្រុម​នគរបាល និង​ក្រុម​គ្រូពេទ្យបាន​ឲ្យ​ដឹង​កាលពី​ថ្ងៃ​សុក្រ​ថា មនុស្ស​យ៉ាង​ហោច​ណាស់​ ៣៦​នាក់​ត្រូវ​បាន​សម្លាប់ អំឡុង​ការវាយប្រហារ​ដោយ​គ្រាប់បែក​អត្តឃាត​ជាច្រើនលើក​មក​លើ​វិហារ និង​អគារ​រស់នៅ​របស់​ប្រជាពលរដ្ឋ ស្ថិតនៅ​តំបន់​ភាគ​ខាង​ឦសាន​នៃ​រដ្ឋ​ប័រណូរបស់​ប្រទេស​នី​ហ្សេ​រី​យ៉ា​។​
​គួរ​ឲ្យ​ដឹង​ថា រដ្ឋ​ប័​រ​ណូគឺ​ជាទី​ដើមកំណើត​នៃ​ការបះបោរ​របស់​ក្រុម​ឧទ្ទាម​បូ​កូ ហា​រ៉ាំ ហើយ​តែងតែ​ទទួលរង​នូវ​ការវាយប្រហារ​ពី​ក្រុម​មូស្លីម​ជ្រុលនិយម​មួយ​នេះ ជា​ញឹកញាប់ដោយ​បាន​សម្លាប់​មនុស្ស​ជាង​១​ពាន់​នាក់​រួច​មក​ហើយ ចាប់តាំងពី​លោក​ប្រធានាធិបតី​មូ​ហា​ម៉ា​ឌូ ប៊ូ​ហារី ឡើង​កាន់​អំណាច​កាលពី​ខែឧសភា​កន្លងទៅ​។​ ការ​បំផ្ទុះ​គ្រាប់​ភ្លោះ​មក​លើ​វិហារ ស្ថិតនៅ​តំបន់​ជាយក្រុង​នៃ​រដ្ឋធានី​ម៉ៃ​ឌូ​ហ្គូ​រី បាន​សម្លាប់​មនុស្ស​យ៉ាង​ហោច ​២៩​នាក់​កាលពី​ល្ងាច​ថ្ងៃ​ព្រហស្បតិ៍​។ នេះ​បើ​យោង​តាម​ប្រភព​ព័ត៌មាន​ពី​ក្រុម​មន្ត្រី​សុខាភិបាល​។​ ដោយឡែកមនុស្ស​៦​នាក់​ផ្សេងទៀតត្រូវ​បាន​សម្លាប់​ផង​ដែរ ដោយសារ​ការ​វាយ​ប្រហារ​ដោយ​គ្រាប់បែក​អត្តឃាត​មួយទៀត កាលពី​ព្រឹក​ថ្ងៃ​សុក្រនៅ​ជិត​នឹង​កន្លែង​ចាស់ ប៉ុន្តែ​មិន​មែន​ជា​វិហា​នោះ​ទេ ខណៈ​ដែល​អ្នក​បំផ្ទុះ​គ្រាប់បែក​ក៏បាន​ស្លាប់​ផង​ដែរ និង​បណ្ដាល​ឲ្យ​មនុស្ស​១៧​នាក់​ផ្សេងទៀតរង​របួស​។​ ទោះបីជា​យ៉ាងណាក៏ដោយមក​ទល់​នឹង​ពេលនេះ នៅ​មិន​ទាន់​មាន​អ្នក​ប្រកាស​ទទួលខុសត្រូវ​ ចំពោះ​ការវាយប្រហារ​ទាំងនេះ​ឡើយតែ​គេ​បានដឹង​ច្បាស់​ថា វា​គឺជា​អំពើ​របស់​ក្រុម​ចលនា​ឧទ្ទាម​ជី​ហាដ​៕
អត្ថបទ៖​សារ៉ាត់