អ្នក​បើក​បរ​យន្តហោះ​រុស្ស៊ី​និយាយ​ថា​៖​ខ្លួន​ពុំ​បាន​ទទួល​សញ្ញា​ព្រមាន​ណាមួយ​ពី​ទួរគី​ទេ

300

រុស្ស៊ី ៖ មួយ​ថ្ងៃ​បន្ទាប់​ពី​យន្តហោះ​ចម្បាំង​១គ្រឿង​ត្រូវ​បាន​ទួរគី​បាញ់​ទម្លាក់​នៅ​ភាគ​ខាង​ជើង​ប្រទេស​ស៊ីរី​មក​ អ្នក​បើកបរ​យន្តហោះ​រុស្ស៊ី​ម្នាក់​ដែល​បាន​នៅ​រស់​រាន​មាន​ជីវិត​និង​ជនជាតិ​ទួរគី​បាន​ធ្វើការ​រៀបរាប់​ពី​ហេតុការណ៍​ដែល​បាន​កើត​ឡើង​ ​ពោល​គឺ​លោក​កុន​ស្ដាន់​ស្ទីន​មូរ៉ាទីន​ ដែល​ជា​អ្នក​បើកបរ​យន្តហោះ​ចម្បាំង​រុស្ស៊ី​បាន​និយាយ​ថា ៖ វា​មិន​អាច​ទៅ​រួច​ឡើយ​​ ហើយ​ក៏​គ្មាន​ហេតុការណ៍​លើក​ទី​២ដែរ ។លោក​កុន​ស្ដាន់ស្ទីន​ មូរ៉ាទីន ត្រូវ​បាន​កងទ័ព​ពិសេស​រុស្ស៊ី​និង​ស៊ីរី​ជួយ​សង្គ្រោះ​ប៉ុន្តែ​អ្នក​បើកបរ​យន្តហោះ​ម្នាក់​ទៀត​ត្រូវ​បាន​ពួក​ឧទ្ទាម​បាញ់​សម្លាប់​នៅ​ក្នុង​ខណៈ​ដែល​បាន​លោត​ឆ័ត្រយោង​មក​លើ​ដី។

ទួរគី​បាន​និយាយ​ថា ៖ យន្តហោះ​ចម្បាំង​រុស្ស៊ី​១គ្រឿង​បាន​រំលោភ​ដែនអាកាស​របស់​ខ្លួន​ប៉ុន្តែ​ការ​អះអាង​នោះ​ត្រូវ​បាន​អ្នក​បើកបរ​យន្តហោះ​រុស្ស៊ី​ដែល​នៅ​រស់​បាន​បដិសេធន៍ ទោះ​បី​ជា​ទួរគី​និយាយ​ថា​បាន​ធ្វើ​ការ​ថត​សំលេង​ស្ដីពី​សញ្ញា​ព្រមាន​ដល់​យន្តហោះ​ចម្បាំងរុស្ស៊ី​ក៏​ដោយ​ ក៏លោក​មូរ៉ាទីន​និយាយ​ថា​លោក​ពុំបាន​ឭ អ្វី​ទាំង​អស់​ លោក​បន្តទៀត​ថា​លោក​ពុំបាន​ឭ សញ្ញា​ព្រមាន​​ ឬ​វិទ្យុ​ទាក់​ទង​ ឬ​ការ​ទាក់​ទង​ណា​មួយ​ឡើយ​ ៕