បញ្ជូន​ខ្លួន​ជនសង្ស័យ​៥​នាក់ ​ទៅ​តុលាការ​ ពាក់ព័ន្ធ​​គ្រឿង​ញៀន​២៧​កញ្ចប់​ ​

232
សមត្ថកិច្ច​ខេត្តកំពង់ឆ្នាំង​ ឃាត់ខ្លួន​ជនសង្ស័យ​គ្រឿងញៀន ២០០ នាក់​ក្នុង​ឆ្នាំនេះ

 

សៀមរាប ៖ សមត្ថកិច្ច​ប្រឆាំង​គ្រឿងញៀន ​នៃ​ស្នងការ​ខេត្ត​សៀមរាប​បាន​បញ្ជូន​ជនសង្ស័យ​ទាំង​​៥​នាក់​ រួម​នឹង​វត្ថុតាង​ជា​គ្រឿងញៀន​ចំនួន​២៧​កញ្ចប់​តូច ​ស្មើ​និង​ទម្ងន់​៤.០​ក្រាម​ ដាវ​សាំ​ម៉ូ​រ៉ៃ​ចំនួន​០២​ដើម​ ពូថៅ​ចំនួន​០២​ដើម ​ទូរស័ព្ទ​ដៃ​ចំនួន​០៥​គ្រឿង​ ម៉ូតូ​ចំនួន​០២​គ្រឿង​ បញ្ជូន​ទៅកាន់​សាលាដំបូង​នៅ​ព្រឹក​ថ្ងៃ​ទី​១៤ ខែ​ធ្នូ ឆ្នាំ​២០១៥ ដើម្បី​ចំណាត់​ទៅតាម​ផ្លូវច្បាប់។


សមត្ថកិច្ច​ប្រឆាំង​គ្រឿងញៀន នៃ​ស្នងការ​ខេត្ត​សៀមរាប​បាន​សហការ​ជាមួយ​កម្លាំង​ការិយា​ល័យ​ការពារ​ និង​អន្តរាគមន៍ ​នៃ​ស្នងការដ្ឋាន​នគរបាល​ខេត្ត​សៀមរាប បាន​ធ្វើ​បទល្មើស​រក្សាទុក​ និង​ប្រើប្រាស់​ដោយ​ខុសច្បាប់​នៅ​សារធាតុ​ញៀន ​ស្ថិតនៅ​ចំណុច​ភូមិ​សាលា​កន្សែង សង្កាត់​ស្វាយដង្គំ ក្រុង/ខេត្ត​សៀមរាប និង​ធ្វើការ​ឃាត់ខ្លួន​ជនសង្ស័យ​រក្សាទុក​ និង​ប្រើប្រាស់​គ្រឿងញៀន​ចំនួន​០៥​នាក់ ​បញ្ជូន​មក​កាន់​ការិយាល័យ​ដើម្បី​សាកសួរ។
ប្រតិបត្តិការ​ចុះ​បង្ក្រាប​នេះ​បាន​ធ្វើ​ឡើង​កាលពី​វេលា​ម៉ោង​១​រំលង​ អធ្រាត្រ ​ឈាន​ចូល​ថ្ងៃ​ទី​១៤​ខែ​ធ្នូ ឆ្នាំ​២០១៥ ​ស្ថិតនៅ​ចំណុច​ភូមិ​សាលា​កន្សែង សង្កាត់​ស្វាយដង្គំ ក្រុង/ខេត្ត​សៀមរាប។
លោក​វរសេនីយ៍​ទោ ​អ៊ុំ​ សា​អាត​ នាយ​ការិយាល័យ​នគរបាល​ប្រឆាំង​គ្រឿង​បាន​បញ្ជាក់​ថា​ជនសង្ស័យ​ទាំង​៥​នាក់ ដែល​ត្រូវ​បាន​សមត្ថកិច្ច​ឃាត់ខ្លួន ទី​១.​ឈ្មោះ តឹក ​បូ​ណា ​ភេទ​ប្រុស អាយុ ២១​ឆ្នាំ មាន​ទីលំនៅ​ភូមិ​ទ្រាំង ​សង្កាត់​ស្វាយដង្គំ ក្រុង​សៀមរាប។ ២.​ឈ្មោះ ស៊ុន ​វណ្ណ​សាក់ ភេទ​ប្រុស អាយុ​១៧​ឆ្នាំ ជា​សិស្ស មាន​ទីលំនៅ​ភូមិ​បឹង​ដូន​ប៉ា សង្កាត់​ស្លក្រាម ក្រុង​សៀមរាប។ ៣.​ឈ្មោះ នី​ ហ៊ាង ​ភេទ​ប្រុស​ អាយុ​១៩​ឆ្នាំ មុខរបរ​ជាងឈើ មាន​ទីលំនៅ​ភូមិ​ត្រពាំង​សេះ សង្កាត់​គោកចក​ ក្រុង​សៀមរាប។ ៤.ឈ្មោះ រិ​ន ​មន្នី​សា​រ៉ា​ ហៅ​តឿ​ ភេទ​ប្រុស អាយុ​២០​ឆ្នាំ មាន​ទីលំនៅ​ភូមិ​បឹង​ដូន​ប៉ា សង្កាត់​ស្លក្រាម ខេត្ត​សៀមរាប។ ៥.​ឈ្មោះ សា​រះ​ សុភ​ក្រ័ ​ភេទ​ប្រុស អាយុ​២០​ឆ្នាំ មាន​ទីលំនៅ​ភូមិ ភូមិ​បឹង​ដូន​ប៉ា សង្កាត់​ស្លក្រាម ក្រុង/ខេត្ត​សៀមរាប។
លោក​បាន​បញ្ជក់​ថា ​ជនសង្ស័យ​ទាំង​៥​នាក់​នេះ បច្ចុប្បន្ន​ត្រូវ​បាន​សមត្ថកិច្ច​កសាង​សំណុំរឿង​ជនសង្ស័យ​ទាំង​៥​នាក់ ​រួម​នឹង​វត្ថុតាង​បញ្ជូន​ទៅកាន់​សាលា​ដំបូង​ខេត្ត​សៀមរាប ​ដើម្បី​ដាក់ទោស​ទៅ​តាម​ផ្លូវច្បាប់​នៅ​ព្រឹក​ថ្ងៃ​ទី​១៤ ខែ​ធ្នូ ឆ្នាំ​២០១៥​នេះ​ហើយ​៕