ក្រុម​ហ៊ុន​ RCBCC Co,Ltd​ ​បំភ្លឺ​ពាក់​ព័ន្ធ​ព័ត៌មាន​ចុះផ្សាយ​ថា​ ​រត់​ការ​លក់​អចលនទ្រព្យ​ចំនួន​១៣​កន្លែង​ នៅ​ក្រុង​ព្រះសីហនុ​​​

371

ព្រះសីហនុ៖ ​បន្ទាប់​ពី​សារ​ព័ត៌មាន​ ចុះផ្សាយ​ព័ត៌មាន​ពាក់ព័ន្ធ​នឹង​ការ​រត់​ការ​លក់​អចលនទ្រព្យ​ចំនួន​១៣​កន្លែង​ នៅ​ក្នុង​ក្រុង​ព្រះ​សីហនុ​របស់​ក្រុមហ៊ុន​  RCBCC Co,Ltd ​ មេធាវី​ការ​ពារ​ក្ដី​ឲ្យ​ក្រុមហ៊ុន​នេះ បាន​បញ្ជាក់ថា ​​ក្រុមហ៊ុន ​អស៊ីប៊ីស៊ីស៊ី ​ខូអិលធីឌី​ ជា​ក្រុមហ៊ុន​ឯកជន​ទទួល​ខុស​ត្រូវ​មាន​កម្រិត​ ធ្វើ​សកម្មភាព​​អាជីវកម្ម​ផ្ដល់​សេវា​ពិគ្រោះ​​យោបល់​លើ​ផ្នែក​វាយតម្លៃ​ផល​ប៉ះពាល់​បរិស្ថាន​  ​មិន​មែន​ជា​ក្រុមហ៊ុន​រក​ស៊ីលក់​ទិញ​អចលន​ទ្រព្យទេ ​ហើយ​ ​ក៏​មិន​មាន​អចលនទ្រព្យ​១៣​កន្លែង​ នៅ​ក្រុង​ព្រះសីហនុ​ ដូច​ការ​ចុះផ្សាយ​ក្នុង​បណ្ដាញ​សារព័ត៌មាន​ កាល​ពីថ្ងៃទី​២៧ ​ខែវិច្ឆិកា ឆ្នាំ​២០១៥​នោះដែរ។

ភ្ជាប់​ជាមួយ​ឯកសារ​ពាក់​ព័ន្ធផ្សេងៗ​របស់​ក្រុមហ៊ុន​ ផ្ញើរ​មក​កាន់​គេហទំព័រ​បាយ័ន​ មេធាវីក្រុមហ៊ុន ​បាន​បញ្ជាក់​ទៀត​ថា ​​តាមពិត​ក្រុមហ៊ុន​  RCBCC Co,Ltd ​​ពុំ​មាន​ភាគ​ហ៊ុន​របស់​លោក​ TIKHANOV OLEG (ជនជាតិរុស្សី)​ ​ដែល​សមត្ថកិច្ច​​ប៉ូលិស​(INTERPOL)​ប្រទេស​របស់​ខ្លួន​​និង​ប្រទេស​កម្ពុជា​​ តាម​ចាប់ខ្លួន​នោះទេ​ ផ្អែក​តាម​លក្ខន្តិកៈ​ក្រុមហ៊ុន​ និង​វិញ្ញាបនបត្រ ​បាន​ចុះ​បញ្ជី​ពាណិជ្ជកម្ម​លេខ ​៧៦១៣ ​ពណ.ចបព ​ចុះ​ថ្ងៃទី​១២​ ខែកញ្ញា ​ឆ្នាំ​២០១៤ របស់​ក្រសួង​ពាណិជ្ជកម្ម​ ​នៃ​រាជ​រដ្ឋាភិបាល​កម្ពុជា​។ ក្រុមហ៊ុន ​  RCBCC Co,Ltd ​ ក៏​មិន​មាន​អចលនទ្រព្យ ចំនួន​១៣​កន្លែង នៅ​ក្នុង​ក្រុង​ព្រះសីហុន​ដែរ។

លិខិត​បំភ្លឺ​របស់ក្រុមហ៊ុន​​ បាន​បញ្ជាក់​ទៀត​ថា​ ក្រុមហ៊ុន​  RCBCC Co,Ltd  ​ដែល​មាន​ទីតាំង​ស្ថិត​នៅផ្ទះ​លេខ ​AA-១៣E0 ​ផ្លូវលេខ​៩៩ ភូមិ០៦ សង្កាត់​បឹងត្របែក ​ខណ្ឌ​ចំការមន​រាជ​ធានី​ភ្នំពេញ (ទូរស័ព្ទ ៖ ០២៣ ៩៩៣ ០០៣ ,Email: [email protected]) [email protected]ឹក្សា​ ឯករាជ្យ ​ដែល​ទើប​តែ​បាន​បង្កើត​ឡើង​នៅ​ថ្ងៃទី​១២​ ខែកញ្ញា​ ឆ្នាំ ២០១៤​ ។​មក​ទល់ បច្ចុប្បន្ន​ ក្រុម​ហ៊ុន​  RCBCC Co,Ltd ​ ទើប​តែ​បាន​ដំណើរ​ការ​អាជីវកម្ម​របស់​ខ្លួន​លើ​ផ្នែក​សិក្សាស្រាវជ្រាវ​ និង​រៀប​ចំ​របាយ​ការណ៍​វាយ​តម្លៃ​ហេតុ​ប៉ះ​ពាល់​បរិស្ថាន(EIA)​តែប៉ុណ្ណោះ៕