ឆ្នាំនេះ​ក្រសួង​អប់រំ​នឹង​ដាក់​បញ្ចូល​វិញ្ញាសា​សរសេរ​តាម​អាន​និង​តែង​សេចក្តី​ទៅ​ក្នុង​កម្មវិធី​ប្រលង​ឌីប្លូម​

426

ភ្នំពេញ​៖​ ក្រសួង​អប់រំ​យុវជន​ និង​កីឡា​នៅ​ឆ្នាំនេះ ​នឹង​ដាក់​បញ្ចូល​វិញ្ញាសា​តែងសេចក្តី ​និង​សរសេរ​តាម​អាន​ទៅ​ក្នុង​កម្មវិធី​ប្រលង​សញ្ញាបត្រ​មធ្យមសិក្សា​ទុតិយភូមិ​ឬ​ប្រលង​ឌី​ប្លូ​ម​។​

​​ឯកឧត្ដម ​ហង់ ​ជួនណា​រ៉ុ​ន​ រដ្ឋមន្ត្រីក្រសួង​អប់រំ​យុវជន ​និង​កីឡា​ បាន​មានប្រសាសន៍ ​នៅក្នុង​ទិវា​ជាតិ​អំណាន​ថ្ងៃទី​១១ ​មីនា​ នៅ​សាកលវិទ្យាល័យ​ភូមិន្ទ​ភ្នំពេញ​ថា​ឆ្នាំនេះ​ ក្រសួង​នឹង​ដាក់​បញ្ចូល​បន្ថែម​វិញ្ញាសា​សរសេរ​តាម​អាន ​និង​វិញ្ញាសា​ត​តែងសេចក្តី​ទៅ​ក្នុង​កម្មវិធី​ប្រលង​ឌី​ប្លូ​ម ​ដើម្បី​ឲ្យ​សិស្ស​មាន​ទម្លាប់​អាន​ឲ្យ​បាន​ច្រើន​និង​សរសេរ​ពាក្យពេចន៍​ឲ្យ​បាន​ត្រឹមត្រូវ​។​

គួរ​បញ្ជាក់​ថា ​ប្រលង​ឌី​ប្លូ​ម​កាលពី​ឆ្នាំ​២០១៥​ក្រ​សួ​រៀបចំ​ បាន​រៀបចំ​ការ​ប្រលង​នៅ​ថ្ងៃទី​១០​និង​ថ្ងៃទី​១១​សីហា​ដោយមាន​បេក្ខជន​ចូលរួម​ប្រលង​ប្រមាណ​១៤​ម៉ឺន​នាក់ ​ដោយ​ចំណាយ​សំរាប់​ដំណើរការ​ប្រលង​ប្រមាណ​៥​ពាន់​លាន​រៀល​ស្មើនឹង​ជាង​មួយ​លាន​ដុល្លា​អាមេរិក​។​

ចំណែក​កា​រប្រលង​មធ្យមសិក្សា​ប​ឋ​ម​ភូមិ​កាលពី​ឆ្នាំ​២០១៤​ក្រសួង ​បាន​រៀបចំ​ប្រលង​រយៈពេល​២​ថ្ងៃ​គឺ​នៅ​ថ្ងៃទី​១៤​និង​១៥​ខែ​កក្កដា ​ឆ្នាំ​២០១៤ ​ដោយមាន​បេក្ខជន​ចូលរួម​ប្រលង​ចំនួន​ប្រមាណ​១៤​ម៉ឺន​នាក់​ នៅ​តាម​សាលា​ចំនួន​១៥៧៦​សាលា​ នៅ​ទូទាំងប្រទេស​ហើយ​ក្រសួង​បាន​ចំណាយ​ថវិកា​ប្រមាណ​៥​ពាន់​លាន​រៀល​ដូចគ្នា​។​

​​​ក្រសួង​អប់រំ​យុវជន​និង​កីឡា​ បានធ្វើ​ការកែ​ទំរង់​ដោយ​ឲ្យ​សាលា​នីមួយៗ​ជា​អ្នក​រៀបចំ​ការ​ប្រលង​ដោយ​ខ្លួនឯង​។​ ការ​កែ​ទំរង់​នេះ ​បាន​ធ្វើ​ឲ្យ​កា​ចំណាយ​លើ​ការ​ប្រលង​ឌីប្លូម​មានការ​ថយចុះ​គួរ​ឲ្យ​គត់​សំគាល់​។​

ជាង​នេះ​ទៀត ​ការដែល​ឲ្យ​សាលា​នីមួយៗ​ជា​អ្នក​រៀបចំ​ដោយ​ខ្លួនឯង​នេះ​ បាន​ធ្វើ​ឲ្យ​អាណាព្យាបាល​ក៏ដូចជា​សិស្សានុសិស្ស​និង​សាធារណជន​ហាក់​មិន​មាន​ការចាប់អារម្មណ៍​នោះ​ទេ​ ព្រោះ​គិតថា​ការ​ប្រលង​វា​ទៅជា​រឿង​ធម្មតា​ទៅ​ហើយ​ ពោល គឺ​ដូចជា​ប្រលង​ឆមាស​ឬ​ប្រលង​ប្រចាំខែ​អញ្ចឹង​ដែរ​៕​