រូប​សំណាក​របស់ Lionel Messi​ នៅ​ក្នុង​ទីក្រុង Buenos Aires រង​ការ​ខូច​ខាត​

79

បាល់ទាត់៖ រូបសំណាកដែលសង់ឡើងដើម្បីដឹងគុណកីឡាករ Lionel Messi នៅរដ្ឋធានី Buenos Aires ត្រូវបានបាក់ពាក់កណ្ដាលធ្លាក់ចុះ ពោលគឺត្រឹមក្បាលដោយដៃនឹងក្បាលបានបាក់បែកចេញពីគ្នា នេះបើតាមសេចក្ដីរាយការណ៍នៅថ្ងៃអង្គារម្សិលម៉ិញនេះ។

 
រូបសំណាក Messi ត្រូវបានគេដាក់តាំងបង្ហាញតាមដងមាត់ទន្លេ Paseo de La Gloria ត្រូវបានបែកបាក់ជាពីកំណាត់ដោយមិនដឹងមូលហេតុ ហើយបើតាមសំដីរបស់សាលាក្រុងបានឲ្យដឹងថា មិនទាន់មានការបញ្ជាក់ណាមួយ អំពីការបែកបាក់រូបសំណាកនេះនៅឡើយទេ។ គួររំលឹកថា រូបសំណាករបស់កីឡាករខ្សែប្រយុទ្ធអាហ្សង់ទិនរូបនេះ បានដាក់តាំងបង្ហាញជាសាធារណៈកាលពីចុងខែមិថុនា ក្រោយចាញ់ការប្រកួតវគ្គផ្ដាច់ព្រ័ត្រនៃពានរង្វាន់ Copa America ក្រោមថ្វីដៃក្រុមឈីលីដោយបាល់ប៉េណាល់ទី៕

ដោយ៖ ទឹម សុវណ្ណារិទ្ធ