Philipp Lahm នឹង​បញ្ចប់​អាជីព​បាល់ទាត់​ចុង​សប្ដាហ៍​នេះ​

145

បាល់ទាត់៖ ខ្សែការពារអាល្លឺម៉ង់ Philipp Lahm បាននិយាយថ្ងៃព្រហស្បតិ៍ម្សិលម៉ិញនេះថា គេនឹងបញ្ចប់អាជីពបាល់ទាត់របស់ខ្លួនចុងសប្ដាហ៍នេះហើយ ក្រោយបញ្ចប់ការប្រកួតបិទរដូវកាលអាល្លឺម៉ង់ Bundesliga ដែល Bayern Munich ជួបជាមួយ Freiburg នៅ Allianz Arena។F15ជិត ១២ឆ្នាំហើយដែលកីឡាករវ័យ ៣៣ឆ្នាំរូបនេះលេងអោយ Bayern Munich ជួយក្រុមឈ្នះជើងឯកហូរហែដូចជា Bundesliga, German Cup និង UEFA Champions League។ Lahm បាននិយាយទៀតថា ក្រោយចូលនិវត្តន៍គេនឹងប្រើពេលវេលាទំនេរមួយរយៈគិតគូរពីជីវិតផ្ទាល់ខ្លួន។ យ៉ាងណាក៏ដោយការសំរេចចាកចោលពីបាល់ទាត់របស់ Philipp Lahm នៅតែបើកចំហរថា គេនឹងវិលមកបាល់ទាត់វិញក្នុងពេលវេលាណាមួយ៕
អត្ថបទ៖នាង សុភាវុធ