ប្រធានាធិបតី​បារាំង​​បាន​ចុះ​ហត្ថលេខា​​លើ​ច្បាប់​​សន្តិសុខ​​ និង​ប្រឆាំង​​ភេរវកម្ម​ដ៏​ចម្រូងចម្រាស​

70

បារាំង៖ ប្រធានាធិបតី​បារាំង​លោក អ៊ីម៉ាណូអែល ម៉ាក្រុន ​បាន​ចុះ​ហត្ថលេខា​​លើ​ច្បាប់​​សន្តិសុខ និង​​ប្រឆាំង​ភេរវកម្ម​ដ៏​ចម្រូងចម្រាស​​មួយ​ ដែល​នឹង​​តម្រូវ​ឲ្យ​ប្រកាស​​ភ្ជាប់​​ទៅ​លើ​ច្បាប់​​​​​រដ្ឋ​គ្រា​អាសន្ន​​ ដែល​បាន​ចូល​ជា​ធរមាន​តាំង​ពី​​មាន​ការ​វាយប្រហារ​​កាល​ពី​ខែ​វិច្ឆិកា​ឆ្នាំ​២០១៥ ​មក​ម្ល៉េះ។

យោង​តាម​​​ច្បាប់​សន្តិសុខ​ និង​ប្រឆាំង​​ភេរវកម្ម​នេះ​ក្រសួង​មហាផ្ទៃ ​​អាច​នឹង​​បង្កើត​ឲ្យ​មាន​​តំបន់​សន្តិសុខ​​នៅ​ពេល​​មាន​ការ​គំរាម​​កំហែង​​ ពោល​គឺ​​រឹត​បន្តឹង​​សកម្មភាព​មនុស្ស​ និង​​រថយន្ត​​ទាំង​ចូល​ និង​ចេញ​​នៅ​ក្នុង​តំបន់​​ដែល​ត្រូវ​​ឆែកឆេរ​​ ដោយ​មិន​បាច់​មាន​ការ​​សម្រេច​ពី​តុលាការ​ឡើយ។ ច្បាប់​នេះ​នឹង​ធ្វើ​ឲ្យ​​មាន​អំណាច​​កាន់​តែ​ច្រើន​​ថែម​ទៀត​​ នៅ​ក្នុង​ការ​បិទ​​ព្រះវិហារ​​អ៊ីស្លាម និង​កន្លែង​​បុព្វ​ជិត​​ដទៃ​ទៀត​​ ប្រសិន​​បើ​ភ្នាក់ងារ​​សមត្ថកិច្ច​​រក​ឃើញ​ថា ​មេដឹកនាំ​​សាសនា​​បាន​ញុះញង់​​​ឲ្យ​មាន​​អំពើ​ហិង្សា​​នៅ​ក្នុង​ប្រទេស​បារាំង​ ឬ​នៅ​បរទេស​ ឬ​ក៏​ជំរុញ​​ឲ្យ​ធ្វើ​សកម្មភាព​​ភេរវកម្ម​ផ្សេង​ៗ​នោះ៕

អត្ថបទ៖ មករា