ព្រះមហា​អរិយវង្ស​សៅរ៍ ចន្ទ​ថុលៈ ​ការអប់រំ​នេះ​គឺជា​កត្តា​ចម្បង​សំខាន់​បំផុត​សម្រាប់​គ្រប់រូប

142

ភ្នំពេញ៖ ព្រះមហា​អរិយវង្ស​បណ្ឌិត​សៅរ៍ ចន្ទ​ថុល ​បាន​មាន​ព្រះថេរ​ដីកា​ថា ការអប់រំ​គឺជា​កត្តា​ចម្បង​បំផុត សម្រាប់​មនុស្ស​គ្រប់រូប ពិសេស​សាមណសិស្ស​នានា ដែល​ត្រូវ​ត្រង់ត្រាប់​ស្តាប់ និង​សិ​ស្សា​រៀនសូត្រ ដើម្បី​បង្កើន​គុណភាព​ជីវិត​របស់ខ្លួន​។​

ក្នុង​ពិធី​សំណេះសំណាល​ជាមួយ​សាស្ត្រាចារ្យ លោកគ្រូ អ្នកគ្រូ​និង​សមណ​សិស្ស​ចំនួន​៥០០​អង្គ​នាក់ នៅ​សាលា ពុទ្ធិក អនុវិទ្យាល័យ​សម្តេច​អគ្គមហាសេនាបតី​តេ​ជោ​ហ៊ុនសែន​ក្រុង​ច្បារមន​ខេត្តកំពង់ស្ពឺ​សម្តេច​ព្រះមហា​អ​រី​យ វង្ស​បណ្ឌិត សៅរ៍ ចន្ទ​ថុល អនុប្រធាន​ទី​៣ ថេរៈ​សភា​សង្ឃ​ជាន់ខ្ពស់​ព្រះពុទ្ធសាសនា នៃ​ព្រះរាជណាចក្រ​កម្ពុជា និង​ជា​ព្រះ​អគ្គាធិការរង​ពុទ្ធិកសិក្សា​ជាតិ​បាន​មាន​ថេរ​ដិ​កា​បន្តថា សមណ​សិស្ស​ចំនួន​៥០០​អង្គ​នាក់​នេះ​ត្រូវ​ប្រតិបត្តិ​អនុវត្តន៍​តាម​កម្មវិធី​របស់​សាលា ហើយ​ត្រូវខិតខំ​យកចិត្តទុកដាក់​ព្យាយាម ស្ដាប់​លោកគ្រូ អ្នកគ្រូ​បង្ហាត់បង្រៀន ការសិក្សា​រៀនសូត្រ គឺអាច​ផ្ដល់ឱកាស​ដល់​យើង​គ្រប់គ្នា​។​សមណ​សិស្ស​ទាំងអស់នេះ គឺជា​ទំពាំង​ស្នង​ឬ​ស្សី​សម្រាប់​ថ្ងៃ​អា​នាគ​ត​។​

សាលា​ពុទ្ធិករ​អនុវិទ្យាល័យ​សម្តេច​អគ្គមហាសេនាបតី​តេ​ជោ​ហ៊ុន សែន​ក្រុង​ច្បារមន បានចាប់ផ្តើម​ដំណើរការ​ដំបូង​ទទួល​សមណ​សិស្ស​សិក្សា​ជំនា​ន់ទី​១​ចាប់តាំងពី​បាទ​ដៃទទេ ទាំង​ព្រះ​ឧ​ទ្ទេ​ចា​រ្យ លោក​ឧ​ទ្ទេ​ចា​រ្យ​បង្រៀន​ដោយ​ស្ម័គ្រចិត្ត​មិនមាន​ប្រាក់បៀវត្ស​ឬ​ប្រាក់​ម៉ោង​ជួល​ឡើយ​ដោយមាន​ការយកចិត្តទុកដាក់​ពី​មន្ត្រី​ធម្មការ​និង​សាសនា​ខេត្ត​បានធ្វើអោយ​សាលា​ពុទ្ធិករ​អនុវិទ្យាល័យ​នេះ​បន្តដំណើរ​ការបង្រៀន​និង​រៀន​មកដល់​សព្វថ្ងៃនេះ​បាន​៤​ជំនាន់​និ​មួយៗ​។​

ភិក្ខុ​ឥន្ទ​ប្ប​ញ្ញោ គង់ សុខ​ហាន​ព្រះ​នាយក​សាលា​ពុទ្ធិករ​អនុវិទ្យាល័យ​សម្តេច​អគ្គមហាសេនាបតី​តេ​ជោ​ហ៊ុនសែន​ក្រុង​ច្បារមន​មាន​សង្ឃដីកា​ថា​សម្រាប់​ឆ្នាំ​២០១៧២០១៨ ជំនា​ន់ទី​៤ មាន​៦​ថ្នាក់​មាន​សមណ​សិស្ស​សរុប​ចំនួន​១៩៦​អង្គ​។​

ព្រះអង្គ​បាន​បន្តថា អាគារ​សាលា​បាលី​នេះ​មាន​ចំនួន​១​ខ្នង​កំពស់​២​ជាន់ មាន​បន្ទប់​សរុប​ចំនួន​១១​បន្ទប់​និង​បន្ទប់​សម្រាប់​សមណ​សិស្ស​សិក្សា​មាន​ចំនួន​៦​បន្ទប់ ទីចាត់ការ​១​បណ្ដា​ល័យ​១​និង​បន្ទប់​ចំនួន​៣​ទៀត សម្រាប់​រដ្ឋបាល និង​ប ច្ចេកទេស​។​

​​​សម្តេច​ព្រះមហា​អរិយ៍វង្ស សៅ​រ៏ ច័ន្ទ​ថុល្ល​បាន​មាន​ថេរ​ដិ​កា​បន្ថែមថា​ទោះ​មាន ឬ​ក្រ មានយស​មាន​ស័ក្តិ​ប៉ុណ្ណា​ក៏ដោយ ត្រូវតែមាន​គុណធម៌​នៅក្នុង​ខ្លួន​ចេះ​ស្គាល់​គុណ​ទោស បុណ្យ​បាប ស្គាល់​គុណមាតា​បិតា ជីដូន ជីតា និង​ញាតិ​ការ ទោះបីជា​លោក​នៅមាន​ព្រះជន្ម ក៏​យើង​ត្រូវតែ​គោរព​ប្រតិបត្តិ មើលថែ​លោក ឬ​បើ​អស់ព្រះជន្ម​ទៅហើយ​ក្តី​ក៏​ការគោរព​ដឹងគុណ​នៅតែមាន ត្រូវ​ទុកដាក់​លោក​អោយបាន​សមរម្យ​ទៅតាម​គន្លង​ប្រពៃណី​ព្រះពុទ្ធសាសនា​នៃ​យើង​។​ដូច្នេះ​ការ​តបគុណ​គឺ​ត្រូវតែមាន​ជាប់​រហូត​ក្នុងនាម​យើង​ជា​អ្នក​កាន់​ព្រះពុទ្ធសាសនា​។​

សម្តេច​ព្រះមហា​អរិយ៍វង្ស​សៅ​រ៏ ចន្ទ​ថុល្ល លើកឡើងថា ដោយមាន​យក​ទឹក​ព្រះទ័យ​ពី​សម្តេចព្រះសង្ឃរាជ​ទាំងពីរ​គណៈ​បាន​យកចិត្តទុកដាក់​និង​ជំរុញអោយមាន​ការបង្កើត​សាលា​ពុទ្ធិកសិក្សា ឲ្យ​បាន​ច្រើន​ទូទាំងប្រទេស​ក៏​ស្របទៅនឹង​ការអភិវឌ្ឍ​ទាំង​ហេដ្ឋារចនាសម្ព័ន្ធ​នានា ឲ្យ​មានការ​រីកចម្រើន ធ្វើ​ឲ្យ​ប្រទេស​មាន​សុខសន្តិភាព​សមិទ្ធផល​នេះហើយ​ទទួលបាន​ដោយសារ​ការដឹកនាំ​ប្រកបដោយ​គតិបណ្ឌិត​រប​ស់ស​ម្តេច​អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី​កម្ពុជា​ដែល​បានបង្ហាញ​ឱ្យឃើញ​អំពី​ឧ​ត្ត​ម​គតិ​និង​ការ​បេ្ត​ជ្ញា​ដ៏​មោះមុត​របស់​រាជរដ្ឋាភិបាល​ក្នុងការ​ពុះពារ​បម្រើ​ជាតិ​និង​ប្រជាជន​យក​ផលប្រយោជន៍​រួម​ជាធំ​សំដៅ​បន្ត​ការពារ​និង​កសាង​មាតុភូមិ​ឆ្ពោះទៅរក​អនាគត​ដ៏​រុងរឿង ស្របតាម​ឆន្ទៈ​និង​បំណងប្រាថ្នា​របស់​ប្រជាជន​៕