មន្ត្រី​ជំនាញ​បញ្ជាក់ថា សំណល់​គ្រាប់បែក​អាម៉េរិក មាន​មួយ​ចំនួន​ពិតជា​អាវុធ​គីមី​មែន

100

ភ្នំពេញ៖ ​នៅ​ថ្ងៃ ១៩ ធ្នូ នាយ​ឧ​ត្ត​ម​សេនីយ៍ ជ័យ​សុន ​អគ្គលេខាធិការ​អាជ្ញាធរ​អាវុធ​គីមី​នៃ​ក្រសួងការពារជាតិ ឱ្យដឹង​ថា ​ក្នុង​បេសកកម្ម​ចុះ​ពិនិត្យ​និង​វាយតម្លៃ​លើ សំណល់​គ្រាប់បែក​អាម៉េរិក​ដែល​ទម្លាក់​លើទឹក​ដី​កម្ពុជា​របស់​ក្រុមបច្ចេកទេស​អង្គការ​ហាមឃាត់​អាវុធ​គីមី គឺ Organization for the Prohibition of Chemical Weapons ហៅ​កាត់ OPCW

ក្រុម​ជំនាញ​របស់ OPCW បាន​ទទួល​ស្គាល់ថា សំណល់​គ្រាប់បែក​របស់​អាម៉េរិក ដែល​រក ឃើញ​នៅ​ខែត្រ​មណ្ឌលគិរី​, ត្បូងឃ្មុំ និង ស្វាយរៀង ពិតជា​ប្រភេទ​អាវុធ​គីមី ដែល​ប្រើ​ក្នុង អំឡុងពេល​សង្គ្រាម​នាទ​ស​វត្សរ៍ ១៩៦០ និង ១៩៧០ ប្រាកដ​មែន​។​

យ៉ាងនេះ​ក្ដី នាយ​ឧត្ដមសេនីយ៍​បញ្ជាក់​បន្ថែមថា កម្ពុជា​កំពុង​រង់ចាំ​លទ្ធផល​វិភាគ ដែល​ចេញ​ជា​ផ្លូវការ​របស់​អង្គការ​នេះ ដែល​នឹង​បញ្ជូនមក​កម្ពុជា នាពេល​ឆាប់ៗ​ខាងមុខ​។​

សូម​រម្លឹក​ផងដែរ​ថា ក្រុម​អ្នកជំនាញ​របស់ OPCW បានមក​កាន់​កម្ពុជា តាមរយៈ​ការស្នើសុំ​ពី ភាគី​កម្ពុជា ដើម្បី​ពិនិត្យមើល​សំណល់​គ្រាប់បែក​ដែល​អាម៉េរិក​ទម្លាក់​នៅ​អំឡុង​សម័យ​សង្គ្រាម​នៅ​កម្ពុជា​។ ក្រោយ​មកដល់​កម្ពុជា ក្រុម​ជំនាញ​របស់ OPCW បាន​ទៅ​ពិនិត្យមើល​លើ សំណល់​គ្រាប់បែក​អាម៉េរិក នៅក្នុង​ទឹកដី​នៃ​ខែត្រ​មណ្ឌលគិរី​, ត្បូងឃ្មុំ និង​ស្វាយរៀង ព្រមទាំង​បាន​រកឃើញថា គ្រាប់បែក​ដែល​ស្ថិតនៅតាម​ទីតាំង​ដែល​បាន​ពិនិត្យ​នោះ ពិតជា​អាវុធ គីមី​ប្រាកដ​មែន​ផងដែរ​៕