គ្រួសារ​​អតីត​យុទ្ធជន​​នៅ​ស្រុក​បន្ទាយ​អំពឹល​ ​ទទួល​បាន​ផ្ទះ​១​ខ្នង​ ជា​អំណោយ​របស់​សម្តេច​តេ​ជោ

95

ឧត្ដរមានជ័យ ​៖ ​​តំណាង​អោយ​ឯកឧត្តម​បណ្ឌិត​ ហ៊ុន​ ម៉ា​ណែ​ត លោក​ឧ​ត្ត​ម​សេនីយ៍​ទោ​ ម៉ែន ​លី​ ស្នងការ​នគរបាល​ខេត្ត​ឧ​ត្ត​រមានជ័យ​ ​​​នឹង​ជា​ប្រធាន​សមាគម​​​អតីត​យុទ្ធជន​ខេត្ត​ ​​បាន​ប្រគល់​ផ្ទះ​ និង​សម្ភារៈ​ប្រើ​ប្រាស់​មួយ ​ចំនួន​ ដល់​គ្រួសារ​​អតីត​យុទ្ធជន​​ មួយ​គ្រួសារ​ ​នៅ​ស្រុក​បន្ទាយ​អំពឹល ​នា​ព្រឹក​ថ្ងៃទី​១៤​ មករា ​២០១៨​នេះ ។

លោក​ឧ​ត្ត​ម​សេនីយ៍​ទោ​ ម៉ែន ​លី បាន​បញ្ជាក់​ថា ​​នា​ពេល​​កន្លងទៅ​ថ្មីៗ​នេះ​ ឯកឧត្តម​បណ្ឌិត ហ៊ុន ម៉ាណែ​ត​ បាន​អញ្ជើញ​ចុះ​សួរ​សុខ​ទុក​ដល់​គ្រួសារ​អតីត​យុទ្ធជន​កង​ទ័ព​ពលី​ដែល​ចូល​សោធន និវត្តន៍​ ​​នឹង​បាន​ផ្តល់​ផ្ទះ​ចំនួន​១​ខ្នង​ ជា​អំណោយ​ដ៏​ថ្លៃថ្លា ​របស់​សម្តេច​តេ​ជោ​ ​នឹង​សម្តេច​កិត្តិ​ព្រឹត្ត​បណ្ឌិត ​ប៊ុន រ៉ានី​ហ៊ុន សែន ​ផ្តល់​ជូន​ដល់​ក្រុម​គ្រួ​សារ​ ​អតីត​យុទ្ធជន​កង​ទ័ព​សោធន​និវត្ត​ន៍​​ ដែល​មាន​ទីលំនៅ​ភូមិ​គោក​មន ​ឃុំ​គោក​មន ​ស្រុក​បន្ទាយ​អំ​ពឹ​ល​​ ​ដែល​បាន​ទទួល​មរណ​ភាព​កាល​ពីពេល​កន្លងទៅ​ថ្មីៗ​នេះ ។

ក្នុងនោះ​លោក​ស្នងការ​នគរបាល​ខេត្ត​ បាន​ពាំ​នាំ​នូវ​ពាក្យ​ផ្ដាំផ្ញើ​សាកសួរ​សុខ​ទុក​ ​ពី​សំណាក់​ឯកឧត្តម​ បណ្ឌិត​ ហ៊ុន​ ម៉ា​ណែ​ត​ ដែល​ជា​និច្ច​ជា​កាល​ឯកឧត្តម​បណ្ឌិត​ តែងតែ​មាន​ការ​គិតគូរ​នឹង​យកចិត្តទុកដាក់​យ៉ាង​ខាំ្លង ​មក​លើ​បងប្អូន​ប្រជាពលរដ្ឋ​ ដែល​បាន​ជួប​ការ​លំបាក​គ្រប់ៗ​គា្ន​ ​ពិសេស​នោះ​​គ្រួសារ​​​អតីត​យុទ្ធជន​ពលី ​នៅ​ស្រុក​បន្ទាយ​អំ​ពឹ​ល​នេះ ​តែម្តង​ ដែល​កំពុង​មាន​ការ​លំបាក​។

លោក​ឧ​ត្ត​ម​សេនីយ៍​ទោ​ ម៉ែន ​លី ​ក៏​បាន​ផ្ដាំផ្ញើ​ឲ្យ​អ្នក​មីង​ ភួយ ​អួ​យ​ ដែល​ជា​ភរិយា​គ្រួសារ​អតីត​យុទ្ធជន​ពលី ​ដែល​បាន​ទទួល​​ផ្ទះ​១​ខ្នង ​នឹង​សម្ភារៈ​ប្រើ​ប្រាស់​មួយ​ ​ចំនួន​ ​ត្រូវ​ចេះ​ថែ​រក្សា​ផ្ទះ​សំបែង​របស់​ខ្លួន​ឲ្យ​បាន​ល្អប្រសើរ​ នឹង​គង់វង្ស​យូរអង្វែង​។

គួរ​បញ្ជាក់ថា ​​អំណោយ​​ដែល​ត្រូវ​ផ្ដល់​ដល់​គ្រួសារ​​​​អតីត​យុទ្ធជន​​នាពេលនេះ ៖ ផ្ទះ១ខ្នង​ ​គ្រែ១ ​​នឹង​សម្ភារៈ​ប្រើប្រាស់​មួយ​​ចំនួន​រួមមាន​ ៖ ​អង្ករ​៥០​គីឡូក្រាម មី​២​កេស​ ទឹកត្រី​ទឹក​ស៊ីអ៊ីវ ​នឹង​ផ្តល់​ថវិកា​ជូន​ដល់​ក្រុម​គ្រួសារ​អតីត​យុទ្ធជន​ នឹង​ប្រជាពលរដ្ឋ​ជួប​ការ​លំបាក​ ដែល​បាន​មក​ចូលរួម ​ចំនួន​៣៥​នាក់​ ក្នុង​មា្នក់ៗ​ ទទួល​បាន​ថវិកា​ចំនួន​២​ម៉ឺន​រៀល​​ផងដែរ​៕