ការ​វិនិយោគ​ពី​ហុងកុង​មក​កម្ពុជា នឹង​ប្រសើរ​ឡើង​នៅ​ឆ្នាំនេះ​និង​ឆ្នាំ​បន្ទាប់​

67

ភ្នំពេញ៖ ឯកឧត្តម ប៉ាន សូរ​ស័ក្តិ រដ្ឋមន្ត្រីក្រសួង​ពាណិជ្ជកម្ម បាន​បញ្ជាក់ថា ទំនាក់ទំនង​ការងារ ពិសេស​ខាង ផ្នែក​ពាណិជ្ជកម្ម​រវាង​កម្ពុជា​និង​ហុងកុង នឹង​កាន់តែ​ល្អ​ប្រសើរឡើងទៀត​នា​ឆ្នាំនេះ និង​ឆ្នាំ​បន្ទាប់ ខណៈ​ដែ ល​ក្រុម​ប្រតិភូ​នៃ​តំបន់​ពិសេស​ហុងកុង អញ្ជើញ​បំពេញ​ទស្សនកិច្ច​នៅ​កម្ពុជា ក្នុង​គោលបំណង​ស្វែងយល់ អំពី​ឱកាស​វិនិយោគ និង​ផ្លាស់ប្តូរ​ទស្សនៈ​គ្នា​ទៅវិញទៅមក​ទាក់ទង​នឹង​វិស័យ​វិស្វកម្ម​។​

នៅក្នុង​ជំនួប​ពិភាក្សា​ការងារ​នៅ​រសៀល​ថ្ងៃ​១៩ មីនា នៅ​ទីស្តីការក្រសួង​ជាមួយ​គណៈប្រតិភូ​ដឹកនាំ​ដោយ លោក​ធូ​ម៉ាស ចាន់​វ៉ក ឆឹង​(Thomas Chan Kwok Cheung)​ប្រធាន​វិទ្យាស្ថាន​វិស្វកម្ម​នៃ​តំបន់​រដ្ឋបាល ពិសេស​ហុងកុង ឯកឧត្តម ប៉ាន សូរ​ស័ក្តិ បាន​ជម្រាប​គណៈប្រតិភូ​ហុងកុង អំពី​ស្ថានភាព​សេដ្ឋកិច្ច ពា​ណិ ជ្ជ​កម្ម វិនិយោគ​នៅ​កម្ពុជា និង​គម្រោង​មួយចំនួន​របស់​រាជរ​ដ្ឋា​ភិ​បាល​មានដូចជា ការកសាង​វា​រី​អគ្គីសនី ផ្លូវ ថ្នល់ ស្ពាន ផ្លូវដែក និង​ព្រលានយន្តហោះ​អន្តរជាតិ ដែល​គម្រោង​ទាំងនោះ​នឹង​ជួយ​សម្រួល​ដល់​ការធ្វើ​ពា ណិ​ជ្ជ​កម្ម​នៅ​កម្ពុជា​។​

ជាការ​ឆ្លើយតប ភាគី​ជំនួប​បាន​រៀបរាប់​ពី​គោលបំណង​នៃ​ដំណើរ​ទស្សនកិច្ច​របស់​គណៈប្រតិភូ​មកកាន់​ក ម្ពុ​ជា​ថា ដើម្បី​ស្វែងយល់​ឲ្យ​កាន់តែ​ស៊ីជម្រៅ​អំពី​ប្រទេស​កម្ពុជា និង​ស្វែងរក​ឱកាស​នានា​សម្រាប់​អ្នកជំនាញ ផ្នែក​វិស្វកម្ម​នៅ​ហុងកុង ព្រមទាំង​ដើម្បី​ផ្លាស់ប្តូរ​ទស្សនៈ​លើ​វិស័យសេដ្ឋកិច្ច និង​ការអភិវឌ្ឍ​ហេ​ដ្ឋា​រចនា សម្ព័ន្ធ ដែល​ទាក់ទង​នឹង​វិស័យ​វិស្វកម្ម​ផងដែរ​។

ភាគី​ហុងកុង ​បាន​ឲ្យ​ដឹង​ទៀតថា នឹង​នាំយក​ព័ត៌មាន​ទាំង អស់ ដែល​ទទួលបាន​នាពេលនេះ ទៅ​ផ្សព្វផ្សាយ​ដល់​វិស្វករ និង​វិនិយោគិន​ហុងកុង​ឲ្យ​បាន​ស្គាល់ និង​ដឹង អំពី​សេដ្ឋកិច្ច​ដ៏​ល្អប្រសើរ​របស់​កម្ពុជា​ថែមទៀត​។​

សូមបញ្ជាក់ថា ទំហំ​ពាណិជ្ជកម្ម​រវាង​កម្ពុជា​-​ហុងកុង ក្នុង​ឆ្នាំ​កន្លងៗ​ទៅ មាន​ទំហំ​ជាង ៧៣០​លាន​ដុល្លារ​អាមេរិក ដែល​ក្នុងនោះ​កម្ពុជា​នាំចេញ​ទៅ​ហុងកុង​មាន​ទំហំ​ទឹកប្រាក់​ជាង ២១៣​លាន​ដុល្លារ និង​កម្ពុជា​នាំចូល​ពី​ហុងកុង​មាន​ទំហំ​ទឹកប្រាក់​ជាង ៥១៦​លាន​ដុល្លារ​អាមេរិក​៕