មេដឹកនាំ​ក្រុម​រដ្ឋ​អ៊ីស្លាម Abu Bakr al-Baghdadi លេច​មុខ​ក្នុង​វីដេអូ​ជា​លើក​ដំបូង​ក្នុង​ពេល​ ៥​ឆ្នាំ​ដើម្បី​បញ្ជាក់​ថា​គេ​នៅ​មាន​ជីវិត

148

ស៊ីរី៖ មេដឹកនាំ​ក្រុមរដ្ឋ​អ៊ីស្លាម​ដែល​រត់​គេច​ខ្លួន​គឺ​លោក​ Abu Bakr al-Baghdadi ​បាន​បង្ហាញ​ខ្លួន​នៅ​ក្នុង​ខ្សែ​វីដេអូ​ឃោសនា​មួយ ​ជា​លើកដំបូង​ក្នុង​រយៈពេល ៥​ឆ្នាំ​ដើម្បី​បញ្ជាក់​ថា​រូបគេ​នៅ​មាន​ជីវិត​នៅឡើយ ដែល​គេ​រូប​គេ​ទទួល​ស្គាល់​ការ​បរាជ័យ ​របស់​ក្រុម​ភេរវកម្ម​នៅ​ក្នុង​ភូមិ​ Baghuz ​របស់​ប្រទេស​ស៊ី​រី​។

ការ​បង្ហាញ​មុខ​ក្នុង​វីដេអូ​ត្រឹមតែ​ ១​វិនាទី​ប៉ុណ្ណោះ​របស់​ Baghdadi បាន​មាន​ឡើង​ច្រើន​សប្ដាហ៍ ​បន្ទាប់​ពី​អ្នក​ប្រយុទ្ធ​នៅ​សេស​សល់​នៃ​ក្រុម​អាយ​ស៊ី​ស ត្រូវ​បាន​គេ​បណ្ដេញ​ចេញពី​មូលដ្ឋាន​រ៉ឹង​មាំ​ចុង​ក្រោយ​របស់​ពួកគេ ​នៅ​ក្នុង​វាល​ខ្សាច់​ប្រទេស​ស៊ី​រី​ភាគ​ខាងកើត​។ ​ដោយ​សម្លឹង​មើល​ទៅ​ទ្រុឌទ្រោម​ជាង ​នៅ​ពេល​ដែល​រូបគេ​បាន​ប្រកាស​ពី​ការ​ចាប់​កំណើត​ នៃ​ព្រះ​ចៅ​កាលី​ហ្វី​នៅ​ពាក់កណ្ដាល​ឆ្នាំ​2014 ​ដែល​ពេលនេះ​បាន​ដួល​រលំ​ Baghdadi ​បាន​ដាក់​ការ​ស្ដីបន្ទោស​លើ​ភាព​រលំ​រលាយ​របស់​ខ្លួន ​ព្រោះ​តែ​ភាព​សាហាវ​ព្រៃផ្សៃ​របស់​ពួក​គ្រិស្ត​សាសនិក​។​ អង្គុយ​ពែនភ្នែន​ដៃ​កាន់​កាំភ្លើង​ម៉ាក Kalashnikov គេ​បាន​និយាយ​រយៈពេល​តិច​ជាង ៤០​វិនាទី​ ហើយ​ហាក់​ដូច​ជា​សកម្មភាព​របស់​គេ​ធ្វើ​មាន​កម្រិត​។

​Baghdadi បាន​និយាយ​ថា ការ​បំផ្ទុះ​គ្រាប់បែក​នៅ​ស្រីលង្កា​ដែល​ក្រុម​រដ្ឋ​អ៊ីស្លាម​ បាន​អះអាង​ទទួល​ខុស​ត្រូវ​បង្ហាញ​ពី​សកម្មភាព​សងសឹក ​ចំពោះ​ការ​បរាជ័យ​របស់​ក្រុម​រដ្ឋ​អ៊ីស្លាម​ក្នុង​ភូមិ​បាក​ហ៊ូ​ស។ គេ​បាន​និយាយ​ថា ​ក្រុម​រដ្ឋ​អ៊ីស្លាម​បាន​ធ្វើ​ប្រតិបត្តិការ​ភេរវកម្ម​ចំនួន​ ៩២​លើក​នៅ​ក្នុង​ប្រទេស​៨ ដើម្បី​សង​សឹក​ឲ្យ​បងប្អូន​ប្រុស​របស់​គេ​នៅ​ក្នុង​ខេត្ត​ Bilad al-Sham មានន័យថា ​ជា​ដែនដី​របស់​ប្រទេស​ស៊ី​រី​ដែល​ធ្លាប់​ បាន​គ្រប់គ្រង​ដោយ​រដ្ឋ​ភេរវកម្ម​មួយ​នេះ៕

អត្ថបទ​៖ ​សុខ​មាន