លោកជំទាវ ហ៊ុន ម៉ាណា ​និង​ឯកឧត្តម ឌី វិជ្ជា ​ចូលរួមរំលែកទុក្ខដ៏ក្រៀមក្រំ​ ចំពោះ​ក្រុម​គ្រួសារ​សព ​ក្នុង​ឧបទ្ទវហេតុ​រលំ​អគារ ​ក្នុង​ខេត្តព្រះសីហនុ

100

ព្រះសីហនុ ៖ នៅថ្ងៃចន្ទ ៧រោច ខែជេស្ឋ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៤ ​ខែមិថុនា ឆ្នាំ២០១៩ លោកជំទាវ ហ៊ុន ម៉ាណា អគ្គនាយិកាទូរទស្សន៍ វិទ្យុបាយ័ន និង ឯកឧត្តម ឌី វិជ្ជា សូម​ចូល​រួមរំលែកទុក្ខដ៏ក្រៀមក្រំ ​និង​ សោកស្ដាយជាទីបំផុត ​ចំពោះការបាត់បង់​អាយុជីវិត​កម្មករ ​ក្នុង​ឧបទ្ទវហេតុ ​បាក់រលំអគារសង្កត់លើ នៅក្នុងខេត្តព្រះសីហនុ ។

លោកជំទាវ ហ៊ុន ម៉ាណា ​សូម​បួងសួង​ឱ្យ​វិញ្ញាណក្ខន្ធ​ នៃ​សពទាំងអស់ ​បាន​ទៅកាន់​សុគតិភព​ កុំបី​ឃ្លៀងឃ្លាតឡើយ។

គួរ​បញ្ជាក់​ថា ​សម្តេ​ចតេជោ ​ហ៊ុន សែន​ ធ្វើ​ដំណើរ​តាមរថយន្តម​ក​កាន់ទីតាំង​អគារ៧​ជាន់​នៅខេ​ត្តព្រះសីហនុទាំង​យប់​ ក្រោយ​ពីបា​នអញ្ជើញវិ​លត្រ​ឡប់ម​កពីចូល​រួម​កិច្ចប្រ​ជុំកំពូល​អាស៊ា​នលើកទី ​៣៤​ នៅ​ទីក្រុងបាង​កក​ ប្រទេ​ស ថៃ កា​លពីរសៀល​ថ្ងៃ​ទី២៣ ខែមិថុនា​។

ការ​អញ្ជើញម​កទាំ​ងយ​ប់របស់ សម្តេចតេជោ គឺដើម្បីផ្តល់កម្លាំង​ចិត្តដល់ក្រុ​មគ្រួ​សារជនរងគ្រោះ​ និង​លើកទឹក​ចិត្ត​ដល់​បងប្អូន​ដែល​កំពុង​ចូលរួ​មនៅក្នុង​បេសកកម្មរុករ​កអ្នក​រងគ្រោះដោយសា​រ​អគារបាក់​រលំ​សង្កត់កាល​ពីថ្ងៃ​ទី២​២ មិថុនា កន្លងទៅនេះ នៅក្នុងខេត្តព្រះសីហនុ។

ក្នុងនាម សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា គឺសម្តេចមានការសោកស្តាយយ៉ាងខ្លាំងចំពោះគ្រោះថ្នាក់នេះ ហើយក៏បានចូលរួមរំលែកទុក្ខជាមួយគ្រួសារជនរងគ្រោះ និងគ្រួសារនៃសព។ ទន្ទឹមនឹងនេះ សម្តេចតេជោ បានអំពាវនាវដល់សប្បុរសជនចូលរួមវិភាគទានជួយដល់គ្រួសារជនរងគ្រោះផងដែរ៕