ភ្នំពេញ​៖ លោក ហ៊ឹម វិបុលផល ប្រធាន​នាយក​ដ្ឋាន​អភិវឌ្ឍន៍​វប្បធម៌ ​នៃ​ក្រសួង​វប្បធម៌​ និង​វិចិត្រ​សិល្បះ​ បាន​បា្រប់​ឲ្យដឹង​នៅ​ថ្ងៃនេះ​ថា​ ការបា្ររព្ធ​បើក​មហោ​ស្រព​បង្ហើរ​ខ្លែង​ គឺ​ដើម្បី​ពង្រីក​ និង​ផ្សព្វ​ផ្សាយ​វប្បធម៌​ លើ​វិស័យ​ខ្លែង​ខ្មែរ​លើ​ឆាក​អន្តរជាតិ ​និង​ប្រើ​បា្រស់​សក្តានុពល​វប្បធម៌​ខ្មែរ​ជា​គ្រឹះ​ជំរុញ​កំណើន​វិស័យ​ទេសចរណ៍​ និង​រួម​ចំណែក​អភិវឌ្ឍន៍​សេដ្ឋកិច្ច​ជាតិ ។ ​ពិសេស​ប្រែក្លាយ​ព្រះរាជាណា​ចក្រ​កម្ពុជា ជា​មជ្ឈមណ្ឌល​ផ្សព្វផ្សាយ​វប្បធម៌​ខែ្មរ​ ព្រម​ទាំង​អប់រំ​កូន​ចៅ​ជំនាន់​ក្រោយ​ឲ្យ​ទទួល​យក ​និង​ថែ​រក្សា​នូវ​​ទំនៀម​ទម្លាប់​ប្រពៃណី ​នៃ​ការ​បង្ហើរ​ខ្លែង​ខ្មែរ​ទៅ​អនាគត​ ។ ជា​រៀង​រាល់​ឆ្នាំ​ក្រសួង​វប្បធម៌​ និង​វិចិត្រ​សិល្បះ ​តែង​តែ​បា្ររព្ធ​ពិធី​បើក​មហោ​ស្រព​បង្ហើរ​ខ្លែង​ខ្មែរ​ ក្នុង​ក្រប​ខណ្ឌ​ទូទាំង​ប្រទេស...