បន្ទាយមានជ័យ ៖ ផ្ទុះរឿងជាថ្មីប្រជាពលរដ្ឋដែលមានទំនាស់ដីធ្លីរ៉ាំរ៉ៃ នៅចំណុចខាងលិចភ្នំព្រះ ក្នុងឃុំថ្មពួក ស្រុកថ្មពួក ខេត្តបន្ទាយមានជ័យ បាននាំគ្នារាប់សិបនាក់ តំណាងឲ្យ១៧០គ្រួសារ ជាម្ចាស់ទំហំ២៩៣,១៤ហិចតា មកមុខសាលាខេត្ត សូមឲ្យអាជ្ញាធរ និងតុលាការជួយដោះស្រាយ និងរកយុត្តិធម៌ ខណៈដែលរឿងវិវាទដីធ្លីកំពុងតែស្ថិតក្នុងការប្តឹងផ្តល់ស្រាប់តែភាគីម្ខាង១៤គ្រួសារទទួលបានប័ណ្ណកាន់កាប់ដីធ្លីស្របច្បាប់ ហើយប្តឹងពលរដ្ឋដែលកំពុងអាស្រ័យផលទៅតុលាការ កោះហៅព្រោងព្រាត ។ តាមការលើកឡើង របស់ប្រជាពលរដ្ឋ១០រូប តំណាងឲ្យប្រជាពលរដ្ឋ១៧០គ្រួសារ ក្នុងជំនួបជាមួយអាជ្ញាធរខេត្ត កាលពីព្រឹកថ្ងៃទី២៦ ខែមេសា ឆ្នាំ២០១៧ បានលើកឡើងថា អភិបាលខេត្តទាំងចាស់ និងថ្មី បានតែសន្យាដោះស្រាយជូនពួកគាត់ ក្នុងរឿងជម្លោះដីធ្លី ចំណែកតុលាការចេះតែចេញដីកាកោះហៅ មិនព្រមដោះស្រាយជូនពួកគាត់ ដែលធ្វើឲ្យពួកគាត់ ក្នុងនាមជាកូនជាចៅ មិនសុខចិត្ត...

រតនគិរី ៖ ផ្ទះលួចបើករោងសិប្បកម្មកែច្នៃឈើប្រណីតខុសច្បាប់មួយកន្លែង ត្រូវបានព្រះរាជអាជ្ញាចុះបង្ក្រាប នឹងរឹបអូសឈើធ្នង់២ រម៉កយក្ស កាលពីវេលាម៉ោង១០នឹង៣០ នាទី ព្រឹកថ្ងៃទី២៥ ខែមេសា ឆ្នាំ២០១៧ ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង។ ប្រតិបត្តិការចុះបង្ក្រាបនេះ ដឹកនាំដោយលោក ជា ពេជ្រ ព្រះរាជអាជ្ញាសាលាដំបូងខេត្ត កម្លាំងប៉ុស្តិ៍ឡាបានសៀក កម្លាំងអធិការនគរបាលក្រុងបានលុង មន្ត្រីខណ្ឌរដ្ឋបាលព្រៃឈើ នឹងលោក អ៊ុក ស៊ីដេត អភិបាលរងក្រុងបានលុង។ សមត្ថកិច្ច ចុះបង្ក្រាប បានឲ្យដឹងថា ផ្ទះជនជាតិវៀតណាមលួចលាក់បើករោងសិប្បកម្មដោយខុសច្បាប់ រយៈពេល៥-៦ឆ្នាំ មកហើយ ត្រូវបានព្រះរាជអាជ្ញាឡើងថ្មី ចុះបង្ក្រាប នឹងរឹបអូសឈើជាច្រើនដុំ...

កំពង់ធំ ៖ ប្រជាពលរដ្ឋ និយាយថា កំណាត់ផ្លូវលំប្រមាណ៣២គីឡូម៉ែត្រ ពីភូមិត្រពាំងឬស្សី ឃុំក្រយារ(ក្រយៀរ) ស្រុកសន្ទុក ទៅភូមិខូស ឃុំទំរីង កាន់តែខូចខាតខ្លាំងជាមុន ដោយសារ រថយន្តធន់ធំ ផ្ទុកលើសទម្ងន់ ធ្វើចរាចរលើកំណាត់ផ្លូវនេះ ជាច្រើនគ្រឿង ក្នុង១ថ្ងៃ ទាំងក្នុងរដូវប្រាំង និងរដូវវស្សា ដោយគ្មានសមត្ថកិច្ចណាអើពើ និងមានវិធានការនោះ ទេ។ ប្រជាពលរដ្ឋ បន្តនិយាយឲ្យដឹងថា កាលពីរដូវវស្សា កន្លងទៅ ក្នុងឆ្នាំ២០១៦ កំណាត់ផ្លូវលំនេះ នៅកន្លែងខ្លះ បែកភក់ និងរណ្ដៅជ្រៅៗ និងកន្លែងខ្លះទៀតមានទឹកដក់ ដូចអូរ ប្រឡាយ ធ្វើឲ្យប្រជាពលរដ្ឋពិបាកក្នុងធ្វើដំណើរជាខ្លាំង...

ភ្នំពេញ ៖ មន្ត្រីជាន់ខ្ពស់ និងជាអ្នកនាំពាក្យរបស់គណបក្សប្រជាជនកម្ពុជា ឯកឧត្តម សុខ ឥសាន បានចាត់ទុកមេធាវី របស់លោក មាច សុវណ្ណារ៉ា ថាមិនដឹងខ្យល់អ្វីទាល់តែសោះ ខណៈតុលាការរដ្ឋកាលីហ្វូញ៉ា របស់អាមេរិកទម្លាក់ការចោទប្រកាន់លោក ហ៊ុន ម៉ាណែត ដែលជានាយរងសេនាធិការចម្រុះ នៃកងយោធពលខេមរភូមិន្ទកាលពីកន្លងទៅថ្មីៗ។ កាលពីខែមេសា ឆ្នាំ២០១៦កន្លងទៅ លោក មាច សុវណ្ណារ៉ា សមាជិកគណបក្សជំទាស់បច្ចុប្បន្នកំពុងជាប់ក្នុងពន្ធនាគារព្រៃស បានដាក់ពាក្យបណ្តឹងប្តឹងលោក ហ៊ុន ម៉ាណែត នាយរងសេនាធិការចម្រុះ នៃកងយោធពលខេមរភូមិន្ទទៅតុលាការអាមេរិក ពីបទ ពីការធ្វើទារុណកម្ម អំពើភេរវកម្មនិងការទារុណកម្មតាមរយៈការឃុំខ្លួនស្រេចតែអំពើចិត្ត ក្រៅច្បាប់និងរយៈពេលយូរជាដើម។ តែយ៉ាងណាក្តីពាក្យបណ្តឹងនេះ ត្រូវបានតុលាការ...

ភ្នំពេញ ៖ រឿងក្ដីលោក គឹម សុខ អ្នកឃ្លាំមើលបញ្ហាសង្គម និងនយោបាយ ត្រូវបានបិទការស៊ើបសួរហើយ កាលពីពេលថ្មីៗនេះ ។ មន្ត្រីតុលាការ បង្ហើបថា សំណុំរឿងត្រូវបានបញ្ជូនទៅបើកសវនាការជំនុំជម្រះ តែពុំទាន់កំណត់ថ្ងៃជាក់លាក់នៅឡើយ ។ លោក ជូង ជូងី ជាមេធាវីការពារក្ដីលោក គឹម សុខ ពុំទាន់ អាចទំនាក់ទំនងសុំការបញ្ជាក់បាននៅឡើយទេ នៅរសៀលថ្ងៃទី១៨ ខែមេសា ដោយសារទូរស័ព្ទពុំអាចទំនាក់ទំនងបាន ។ ដោយឡែកលោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ ក៏ពុំទាន់មានការឆ្លើយតបបែបណាជុំវិញករណីនេះ ។ លោក គឹម សុខ...

កំពង់ធំ ៖ ស្នងការនគរបាលខេត្តកំពង់ធំ បានស្នើសុំឲ្យកងកម្លាំងនគរបាលខេត្តទាំងអស់ ប្រញាប់ដកខ្លួនចេញឲ្យឆ្ងាយពីបទល្មើស ដោយមិនត្រូវយកខ្លួនទៅកាងបទល្មើសផ្សេងៗជាដាច់ខាត ប្រសិនបើមាន គឺត្រូវតែចាត់ការតាមច្បាប់ ដោយមិនមានការអប់រំណែនាំដូចមុនតទៅទៀតនោះឡើយ។ លោកឧត្តមសេនីយ៍ត្រី អ៊ុក កុសល ស្នងការនគរបាលខេត្តកំពង់ធំ នៅក្នុងពិធីសម្ពោធដាក់ឲ្យប្រើប្រាស់ប៉ុស្តិ៍រដ្ឋបាលត្រពាំងឫស្សី ក្នុងឃុំត្រពាំងឫស្សី ស្រុកកំពង់ស្វាយ កាលពីថ្ងៃទី១០ ខែមេសា នេះ បានស្នើសុំប្រជាពលរដ្ឋឲ្យចូលរួមសហការជាមួយកម្លាំងសមត្ថកិច្ចនគរបាល នៅពេលដែលកើតមានបទល្មើសនៅក្នុងមូលដ្ឋានរបស់ខ្លួន ដើម្បីអនុវត្តគោលនយោបាយភូមិឃុំមានសុវត្ថិភាពបានល្អប្រសើរ ជាពិសេស នៅពេលដែលមានបទល្មើសកើតឡើង គឺត្រូវតែរួមសហការ គ្នាចុះធ្វើការតាមដាន ស្រាវជ្រាវរកមុខសញ្ញាយកមកផ្តន្ទាទោសចំពោះមុខច្បាប់ឲ្យខានតែបាន។ លោកឧត្តមសេនីយ៍ត្រី បានបញ្ជាក់ថា ប៉ុស្តិ៍នគរបាលរដ្ឋបាល មានសារសំខាន់ណាស់ គឺជាកន្លែងប្រមូលព័ត៌ មាន និងជាកន្លែងផ្តល់ព័ត៌មានផងដែរ។ ប៉ុស្តិ៍នគរបាល ជាកន្លែងផ្តល់អត្តសញ្ញាណប័ណ្ណ...

ភ្នំពេញ ៖ នគរបាលជាន់ខ្ពស់នៃអគ្គស្នងការដ្ឋាននគរបាលជាតិ ថ្ងៃទី១១ ខែមេសា បានបញ្ជាឲ្យនគរបាលចរាចរណ៍ប្រចាំការនៅតាមគោលដៅទាំងអស់ នៅតាមបណ្តារាជធានីខេត្ត គឺត្រូវបង្កើនការត្រួតពិនិត្យល្បឿនការបើកបរគ្រប់យានយន្តទាំងអស់ ដែលធ្វើដំណើរទៅលេងស្រុកកំណើត ក្នុងឱកាសមុន និងក្រោយថ្ងៃបុណ្យចូលឆ្នាំថ្មីប្រពៃណីខ្មែរ។ ក្នុងឱកាសត្រួតពិនិត្យបណ្តាប្រធានគោលដៅរបស់កងកំលាំងនគរបាលចរាចរណ៍ ប្រចាំការក្នុងឱកាសថ្ងៃបុណ្យចូលឆ្នាំថ្មីប្រពៃណីខ្មែរ ឧត្តមសេនីយ៍ឯក រុន រ័ត្នវាសនា ប្រធាននាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ បានថ្លែងថា គ្រប់ការដាក់គោលដៅ ត្រួតពិនិត្យល្បឿន និងត្រួតពិនិត្យស្ថានភាពរថយន្តដឹកជញ្ជូនអ្នកដំណើរឲ្យមានសណ្តាប់ធ្នាប់ល្អ និងធានាបានរក្សាសុខសន្តិភាព ហើយថា ក្នុងករណីអ្នកបើកបរមិនស្តាប់តាមការណែនាំកងកំលាំងនគរបាល គឺត្រូវ ផាក ពិន័យ ហើយករណីអ្នកទាំងនោះ តវ៉ា គឺត្រូវដាក់ហូតរថយន្តរក្សាទុកបីថ្ងៃទៅតាមច្បាប់ចរាចរណ៍មាត្រាទី៦៦។ ឧត្តមសេនីយ៍ឯក រុន រ័ត្នវាសនា ថ្លែងថា ក្នុងឱកាសថ្ងៃបុណ្យចូលឆ្នាំថ្មីឈានចូលមកដល់នេះ...

ភ្នំពេញ៖សាលាដំបូងរាជធានីភ្នំពេញ នៅថ្ងៃទី១១ ខែមេសា ប្រកាសសាលក្រមផ្តន្ទាទោស ក្រុមចោរប្លន់៦នាក់ដែលតែងតែធ្វើសកម្មភាពប្លន់និងសម្លាប់ជនរងគ្រោះជាច្រើនករណី ផ្តន្ទាទោសដាក់ពន្ធនាគារក្នុងម្នាក់ៗជិត១០០ឆ្នាំ ។ ប៉ុន្តែក្រុមជនជាប់ចោទ បដិសេធថា ពុំបានប្រព្រឹត្តដូចការចោទប្រកាន់នោះទេ ។ ប្រធានក្រុមប្រឹក្សាជំនុំជម្រះសាលាដំបូងរាជធានីភ្នំពេញ លោក ហេង កេសរោ ប្រកាសសាលក្រមផ្តន្ទាទោសឈ្មោះ សេត ម៉ាត់រូហ្សេត ហៅសេត ឌៀង អាយុ២២ឆ្នាំ ដាក់ពន្ធនាគារ៧៣ឆ្នាំ ។ ផ្តន្ទាទោស ឈ្មោះ ប៉ែន ចំណាប់ ហៅពីន អាយុ១៨ឆ្នាំ ឈ្មោះ អ៊ឹម សុភ័ក្រ អាយុ២៣ឆ្នាំ និង ឈ្មោះ អេង...

បាត់ដំបង ៖ ប្រជាពលរដ្ឋក្មេង-ចាស់ចំនួន៣៤នាក់ បានពុលម្ហូបអាហារបណ្តាលអោយក្អួតចង្អោរ និង វិលមុខធ្ងន់ និងស្រាលត្រូវបានបញ្ជូនទៅកាន់មន្ទីរពេទ្យ។ យោងតាមការអះអាងពីកម្លាំងជំនាញ នៃទីបញ្ជាការកងរាជអាវុធហត្ថខេត្តបាត់ដំបងបានអោយដឹងថា ករណីពុលអាហារខាងលើបានបង្កការភ្ញាក់ផ្អើល នៅវេលាម៉ោង៦ និង ០០នាទីថ្ងៃទី០៩ ខែមេសា ឆ្នាំ២០១៧ ត្រង់ចំណុចភូមិព្រៃកូនសេក សង្កាត់អូរចារ ក្រុងបាត់ដំបង ខេត្តបាត់ដំបងដែលបង្កអោយពុលម្ហូបអាហារបន្តបន្ទាប់គ្នា ក្រោយពីបានហូបបាយនៅក្នុងកម្មវិធីបច្ច័យបួនរួច ហើយបានវិលត្រឡប់មកកាន់លំនៅឋានរៀងៗ ខ្លួនបានប្រមាណ ជា៣០នាទី។ ក្នុងហេតុការណ៍ពុលអាហារនេះបណ្តាលអោយមានមនុស្សទាំងក្មេង ទាំងចាស់ប្រុស និងស្រីចំនួន៣៤ នាក់ រងការប៉ះពាល់ធ្ងន់ និងស្រាលត្រូវបញ្ជូនទៅសង្គ្រោះបន្ទាន់នៅមន្ទីរពេទ្យខេត្តបាត់ដំបងទាំងយប់ ក្នុងនោះការប៉ះពាល់ចំនួន២០នាក់ជានារី ៩នាក់បុរស និងមនុស្សចាស់ចំនួន០៥នាក់ផងដែរ។ ករណីខាងលើនេះ មិនបណ្តាលអោយប៉ះពាល់ដល់អាយុជីវិតមនុស្សឡើយមកទល់ពេលនេះ មួយធំត្រូវបានធូរស្រាលខ្លះហើយ ក្រោមការសន្និដ្ឋានបឋមបញ្ជក់ថា ករណីពុលខាងលើបណ្តាលមកពីម្ហូបក្នុងកម្មវិធីបុណ្យបច្ច័យបួនក្នុងភូមិ...

ភ្នំពេញ៖ សំឡេងផ្ទុះយ៉ាងកក្រើក បណ្តាលឱ្យមានការភ្ញាក់ផ្អើលនៅវេលាម៉ោង ១០ និង៤០នាទីព្រឹកថ្ងៃទី៨ ខែមេសា ឆ្នាំ២០១៧ នៅក្នុងរោងចក្រមួយបណ្ដោយផ្លូវ៣៧១ ស្ថិតនៅក្នុងភូមិឬស្សី សង្កាត់ស្ទឹងមានជ័យ ខណ្ឌមានជ័យ បណ្តាលឱ្យមនុស្ស២នាក់បានស្លាប់ និងរបួសជាច្រើននាក់។ សមត្ថកិច្ចបានបញ្ជាក់ថា ករណីផ្ទុះ គឺជាករណីផ្ទុះឡ ចំណាយទឹកប្រើប្រាស់ក្នុងរោងចក្រកាត់ដេរ បណ្ដាលឲ្យមនុស្សស្លាប់២នាក់ និង៦នាក់ផ្សេងទៀតរងរបួសធ្ងន់-ស្រាល (ស្រី២)។ ក្រោយមានករណីផ្ទុះឡចំហាយទឹក ម្ចាស់ទីតាំងត្រូវបាននាំខ្លួនទៅសាកសួរនៅប៉ុស្ដិ៍នគរបាលស្ទឹងមានជ័យ។ចំណែកទីតាំងកើតហេតុ សមត្ថកិច្ចកំពុងត្រូវហុំព័ទ្ធខ្សែរង់ចាំសមត្ថកិច្ចជំនាញធ្វើការត្រួតពិនិត្យ៕