បន្ទាយមានជ័យ ៖ឆ្លើយតប និងការប្រមូលផ្តុំជាច្រើនលើករបស់អាជីវករ អ្នករត់ម៉ូតូឌុប និងកម្មករអូសរទេះ ដែលគាំទ្រ និងស្នើសុំដល់នាយឧត្តមសេនីយ៍ សុខ ផល អគ្គនាយកដ្ឋាននគរបាលអន្តោប្រវេសន៍ នៃក្រសួងមហាផ្ទៃអនុញ្ញាតអោយលោក ឈាន ពិសិដ្ឋ ដែលត្រូវបានអាជ្ញាធរខេត្តស្នើដក ឫ ផ្លាស់ប្ដូរតំណែងអោយត្រលប់មកធ្វើ ការវិញឯកឧត្តម ឧត្តមសេនីយ៍ សុខ ផល ថាគ្មានការដកតំណែងលោក ឈាន ពិសិដ្ឋ ទេ ហើយបញ្ហាកកស្ទះនៅច្រកអន្តរជាតិប៉ោយប៉ែតនាពេលខាងមុខ ឆាប់ៗនឹងលែងមាន។ ការលើកឡើងដូចនេះ បន្ទាប់ពីឯកឧត្តមឧត្តមសេនីយ៍ សុខ ផល ជួបជាមួយ ខាងមេនគរបាលអន្តោប្រវេសន៍ថៃ កាលពីថ្ងៃទី១៥ មករា ២០១៧...

បន្ទាយមានជ័យ ៖ក្នុងការចុះត្រួតពិនិត្យគុណភាពម្ហូបអាហារតាមកន្លែងលក់ដូរក្នុងសាលារៀន នៃមូលដ្ឋានឃុំបន្ទាយឆ្មារ ដើម្បីស្រាវជ្រាវរកភាពមិនប្រក្រតី នៃការលក់នំចំណីខូចគុណភាព ប៉ះពាល់ដល់សុខភាពក្មេងៗក្រោយពីដកហូត បាននំកូនក្មេង និងភេសជ្ជៈ ខូចគុណភាពជាច្រើនប្រភេទរួចមក មន្ត្រីកាំកុងត្រូលខេត្តបន្ទាយមានជ័យ បានធ្វើការព្រមាន និងចាត់វិធានការលើអ្នកលក់ទំនិញខូចគុណភាពតាមសាលារៀន។ ការចុះត្រួតពិនិត្យនេះធ្វើឡើងកាលពីថ្ងៃទី១៦ ខែមករា ឆ្នាំ២០១៧ ដោយមានការចូលរួមពីនគរបាលប្រឆាំង បទល្មើសសេដ្ឋកិច្ចខេត្ត/ក្រសួង និងមន្ទីរពាណិជកម្មខេត្ត។ លោក ហុង លៀង អនុប្រធានទី១ ទទួលបន្ទុកប្រមូលចំណូល និងទីផ្សារ នៃសាខាកាំកុងត្រូលខេត្តបន្ទាយមានជ័យ បានមានប្រសាសន៍ថា ថ្ងៃនេះ ក្រុមការងារយើងបានចុះពិនិត្យនៅសាលាបឋមសិក្សាបន្ទាយឆ្មារស្រុកថ្មពួក ក្រោយមានពលរដ្ឋ និងអាណាព្យាបាលសិស្សបានរាយការណ៍មកថា សាលានេះ មានគេលួចលក់ទំនិញនិងផលិតផលខូចគុណភាព។ លោកបន្តថា ជាលទ្ធផលសមត្ថកិច្ចយើងបានរកឃើញនំកូនក្មេង និងភេសជ្ជៈ ខូចគុណភាពជាច្រើនប្រភេទ រួមមាន...

ភ្នំពេញ៖ មន្ត្រីជាន់ខ្ពស់នៃស្នងការនគរបាលរាជធានីភ្នំពេញ បានឲ្យដឹងថា នៅក្នុងចំណោមជនសង្ស័យដែលសមត្ថកិច្ចឃាត់ខ្លួនបានមានជាង៦៧,១៥ភាគរយ បានរកឃើញថា មានសារធាតុញៀនក្នុងខ្លួន។ ក្នុងកិច្ចប្រជុំគណៈបញ្ជាការឯកភាពរាជធានីភ្នំពេញ នៅថ្ងៃទី១៦មករានេះ លោកឧត្តមសេនីយ៍ ជួន សុវណ្ណ អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានឲ្យដឹងថា ជនសង្ស័យដែលបានប្រព្រឹត្តិបទល្មើសផ្សេងៗហើយត្រូវសមត្ថកិច្ចបង្ក្រាបនិងឃាត់ខ្លួនបានចំនួន១.៦៣៥នាក់ នៅក្នុងឆ្នាំ២០១៦កន្លងមកនេះ បានរកឃើញថា មានចំនួន ១០៩៨ នាក់ស្មើនឹង៦៧,១៥ភាគរយ មានសារធាតុញៀនក្នុងខ្លួន ក្នុងនោះ មុខសញ្ញាប្រព្រឹត្តិបទល្មើសឧក្រិដ្ឋចំនួន១៨៥នាក់ មានអ្នកប្រើគ្រឿងញៀន១៣៨នាក់ និងមុខសញ្ញាប្រព្រឹត្តិបទល្មើសមជ្ឈិមចំនួន១៤៥០នាក់ មានអ្នកប្រើគ្រឿងញៀន៩៦០នាក់។ លោកឧត្តមសេនីយ៍ ជួន សុវណ្ណ បានបន្តទៀតថា នៅក្នុងឆ្នាំ២០១៦កន្លងនេះ បទល្មើសគ្រឿងញៀន និងបទល្មើសផ្សេងៗគឺមានការកើនឡើងជាងឆ្នាំ២០១៥។ ប៉ុន្តែ បញ្ហាគ្រឿងញៀន និងបទល្មើសនេះត្រូវនាសមត្ថកិច្ចធ្វើសកម្មភាពទប់ស្កាត់និងបង្ក្រាបបានច្រើន...

បន្ទាយមានជ័យ ៖ លោក ឧត្ដមសេនីយ៍ត្រី ឱ បូរិន្ទ ជាមេបញ្ជាការ នឹងត្រៀមធ្វើកោសល្យវិច័យលើទឹកនោម ចំពោះអាវុធហត្ថ ទូទាំងខេត្ត ដើម្បីរកសារធាតុ ញៀន បើសិនជា នាយ នាយរង និងពលអាវុធហត្ថណា មានសារធាតុ ត្រូវកាត់ឈ្មោះចេញពីក្របខណ្ឌ។ ហើយបន្ទាប់ មកទៀត បន្តធ្វើកោសល្យវិច័យដល់អ្នកបើកបររថយន្តគ្រប់ភេទផងដែរ ។ លោក ឧត្ដមសេនីយ៍ត្រី ឱ បូរិន្ទ មេបញ្ជាការកងរាជអាវុធហត្ថខេត្តបន្ទាយមានជ័យ លើកឡើងក្នុងពិធីប្រកាសមុខងារ និងបំពាក់ឋានន្តរសក្ដិ ជូននាយទាហាន នៃកងរាជអាវុធហត្ថ ខេត្តបន្ទាយមានជ័យ កាលពីរសៀលថ្ងៃទី១៣ ខែមករា...

កណ្ដាល៖ បុរសម្នាក់សារភាពថា គាត់បានផឹកស្រាបៀរ ABC អស់៦កំប៉ុង រួចបើករថយន្តក្នុងស្ថានភាពស្រវឹងក៏ជ្រុលបុកម៉ូតូមួយគ្រឿងបណ្ដាលឲ្យមនុស្សប្រុសស្រី៣នាក់ស្លាប់យ៉ាងអាណោចអាធ័ម។ ប៉ុន្តែទីបំផុតជនបង្ក ត្រូវបានតុលាការខេត្តកណ្ដាល សម្រេចឃុំខ្លួនដាក់បណ្ដោះអាសន្ន ដើម្បីរង់ចាំការស៊ើបអង្កេតបន្តទៀត។ មន្ត្រីតុលាការ បញ្ជាក់ថា ជនបង្កត្រូវបានលោក ទី សំណាង ចៅក្រមស៊ើបសួរសាលាដំបូងខេត្តកណ្ដាល សម្រេចកាលពីល្ងាចថ្ងៃទី១២ ខែមករា ឆ្នាំ២០១៧ ឃុំខ្លួនដាក់ពន្ធនាគារ ក្រោមការចោទប្រកាន់ពីបទបើកបរធ្វេសប្រហែសបណ្តាលឲ្យស្លាប់អ្នកដទៃ តាមមាត្រា៨៥ច្បាប់ ស្តីពីចរាចរណ៍ផ្លូវគោក។ ហេតុការណ៍គ្រោះថ្នាក់ចរាចរនេះ កើតឡើងកាលពីវេលាម៉ោង១១និង៣០ យប់ថ្ងៃទី១០ ខែមករា ឆ្នាំ២០១៧ នៅលើផ្លូវជាតិលេខ៤ ត្រង់ចន្លោះគីឡូម៉ែត្រ លេខ២៤និង២៥ ក្នុងភូមិព្រៃពពេល ឃុំពើក ស្រុកអង្គស្នួល។ សមត្ថកិច្ចបញ្ជាក់ថា មុនកើតហេតុ មានរថយន្តមួយគ្រឿងម៉ាកប៊ិឡាញ...

ភ្នំពេញ៖លោកឌិន ពុទ្ធី ប្រធានសមាគមពង្រឹងសេដ្ឋកិច្ចក្រៅប្រព័ន្ធកម្ពុជា ដែលមានជម្លោះជាមួយលោក ឈាន ពិសិដ្ឋ នាយរងប៉ុស្តិ៍ច្រកទ្វារព្រំដែន អន្តរជាតិប៉ោយប៉ែត ត្រូវបានសភាស៊ើបសួរសាលាឧទ្ធរណ៍ សម្រេចដោះលែងឲ្យមានសេរីភាពឡើងវិញ ។ លោក គីម សុជាតិ មេធាវីការពារក្ដីលោក ឌិន ពុទ្ធី បញ្ជាក់នៅព្រឹកថ្ងៃទី១៣ ខែមករា ថា ក្រោយបើកសវនាការជាអសាធារណៈ លោក ងួន រតនា ប្រធានក្រុមប្រឹក្សាជំនុំជម្រះសភាស៊ើបសួរសាលាឧទ្ធរណ៍ សម្រេចដោះលែងលោក ឌិន ពុទ្ធី ឲ្យនៅក្រៅឃុំបណ្តោះអាសន្ន ដោយភ្ជាប់លក្ខខណ្ឌ ពោលគឺមិនត្រូវផ្លាស់ប្ដូរទីលំនៅ និង ត្រូវចូលបំភ្លឺតាមដីកាកោះរបស់តុលាការ ជាដើម ៕ ...

ស្វាយរៀង ៖ ក្នុងយុទ្ធនាការបង្ក្រាបគ្រឿងញៀន មេបញ្ជាការកងរាជអាវុធហត្ថខេត្តស្វាយរៀង បានស្នើឲ្យមន្ត្រីកងរាជអាវុធហត្ថចៀស ឆ្ងាយ ពីបញ្ហាគ្រឿងញៀន។ លោកឧត្តមសេនីយ៍ត្រី សែ វុទ្ធី មេបញ្ជាការកងរាជអាវុធហត្ថ ខេត្តស្វាយរៀង ក្នុងពិធីប្រកាសចូលកាន់មុខតំណែងមេបញ្ជាការរង និងបំពាក់ឋានន្តរសក្ដិនាយរង និងមន្ត្រីដែលមានមុខតំណែងនៅតាមមន្ទីរនានាជុំវិញទីបញ្ជាការដ្ឋានកងរាជអាវុធហត្ថខេត្ត នៅថ្ងៃទី១២ ខែមករា នេះ បានព្រមានដល់នាយរង និងពលកងរាជអាវុធហត្ថនៅទូទាំងខេត្ត ថា បើមន្ត្រីកងរាជអាវុធណាម្នាក់ ដែលរកឃើញថាមានការប្រើប្រាស់គ្រឿងញៀនពិតប្រាកដ នឹងស្នើសុំគោលការណ៍លុបឈ្មោះចេញពីបញ្ជីក្របខ័ណ្ឌ។ ទោះជាយ៉ាងណា លោកឧត្តមសេនីយ៍ត្រី បានថ្លែងនូវការកោតសរសើរ ចំពោះនាយ នាយរង និងពល រាជអាវុធហត្ថ ដែលកន្លងមកបានរួមអនុវត្តការងារជំនាញកសាងមូលដ្ឋាន និងបំពាក់គ្រឿងបរិក្ខារនៅគ្រប់ស្រុកក្រុង ដែលជាមូលដ្ឋានគ្រឹះឆ្ពោះទៅអនុវត្តការងារជំនាញ និងការងារមនុស្សធម៌ ជាមួយ...

ភ្នំពេញ៖ ម្ចាស់ជយលាភីលេខ២ទូទាំងប្រទេសផ្នែកចម្រៀងចាប៉ី នាឆ្នាំ២០០២ លោកតា សួន សាន អះអាងថា ទោះបីលោកតាក្រក៏មិនដើរសុំទានគេដែរ ពោល គឺខិតខំតស៊ូរស់នៅខ្លួនទីពឹងខ្លួន។ លោកតា សួន សាន វ័យ៦៩ឆ្នាំ ដែលអង្គុយលើរទេះរុញ ស្ថិតក្នុងផ្ទះជួលជាន់ទី២ នាសង្កាត់បឹងទំពុន ខណ្ឌមានជ័យ អះអាងប្រាប់ កាលពីរសៀលថ្ងៃទី១២ ខែមករា ឆ្នាំ២០១៧ ថា លោកតាសព្វថ្ងៃពុំអាចដើរបានទេ ដោយពិការជើងតាំងពីសម័យសង្គ្រាមមកម្ល៉េះ។ ប៉ុន្តែ លោកតា នៅតែខិតខំប្រឹងប្រែងរស់ និង តស៊ូរហូតទទួលបានចំណាត់ថ្នាក់លេខ២ ទូទាំងប្រទេសផ្នែកចម្រៀងចាប៉ី ។ លោកតា បញ្ជាក់ថា បច្ចុប្បន្នលោកតាមានកូនប្រុសស្រីចំនួន ៦នាក់...

កណ្តាល៖ស្ត្រីម្នាក់ដែលបើករថយន្តបុកម៉ូតូបណ្តាលឲ្យមនុស្សពីរនាក់ស្លាប់ ត្រូវបាននគរបាលស្រុកមុខកំពូលដោះលែង ឲ្យមានសេរីភាពឡើងវិញ បន្ទាប់ពីឃាត់ខ្លួនបានប៉ុន្មានម៉ោងប៉ុណ្ណោះ ។ អធិការរងនគរបាលចរាចរណ៍ស្រុកមុខកំពូល អះអាងថា ការសម្រេចដោះលែងនេះ គឺ មានការឯកភាពពីលោក លឹម សុគន្ថា ព្រះរាជអាជ្ញាអមសាលាដំបូងខេត្តកណ្ដាល ។ មជ្ឈដ្ឋានមួយចំនួន លើកឡើងថា បញ្ហាគ្រោះថ្នាក់ចរាចរដែលជាក្តីកង្វល់របស់រាជរដ្ឋាភិបាលកម្ពុជា នឹងពុំអាចថយចុះនោះទេ ប្រសិនបើជនបង្កបុកមនុស្សស្លាប់ចេះតែត្រូវបានតុលាការសម្រេចដោះលែងបែបនេះ ។ នគរបាល អះអាងថា ស្ត្រីបង្កមានឈ្មោះ ស ហៀង អាយុ២៧ឆ្នាំ មានទីលំនៅផ្ទះលេខ២២ ផ្លូវលេខ៣៣៩ ភូមិ៥ សង្កាត់បឹងកក់១ ខណ្ឌទួលគោក រាជធានីភ្នំពេញ ។ របាយការណ៍សមត្ថកិច្ច បង្ហាញថា កាលពីវេលាម៉ោង២០និង១០នាទី ថ្ងៃទី៧...

ភ្នំពេញ៖ នៅពេលអ្នកមានផ្ទៃពោះ ការថែរក្សាសុខភាពឲ្យបានល្អ និងអនុវត្តទម្លាប់ទទួលទានប្រចាំថ្ងៃល្អ បង្កប់នូវអត្ថន័យថ្មីមួយ។ ឥឡូវនេះអ្នកកំពុងទទួលទានអាហារសម្រាប់មនុស្សពីរនាក់ ប្រភេទអាហារ និងបរិមាណដែលអ្នកទទួលទាន នឹងដើរតួនាទីយ៉ាងសំខាន់ មិនត្រឹមតែសម្រាប់សុខភាពផ្ទាល់ខ្លួនអ្នកប៉ុណ្ណោះទេ ប៉ុន្តែក៏សម្រាប់សុខភាពកូនក្នុងផ្ទៃអ្នកផងដែរ។ សូមទទួលទានជីវជាតិចិញ្ចឹមសំខាន់ៗទាំងអស់សម្រាប់ទារកក្នុងផ្ទៃ និងខ្លួនអ្នកផ្ទាល់ ដោយសារទាំងអ្នកនិងកូនក្នុងផ្ទៃអ្នក ត្រូវការចាប់ផ្ដើមពីរបបអាហារចម្រុះក្នុងបរិមាណសមស្រប។ កាលណាអ្នកទទួលទានអាហារបំប៉នចម្រុះកាន់តែច្រើន អ្នកទាំងពីរមានឱកាសទទួលបាននូវវីតាមីន និងសារធាតុរ៉ែខនិកសំខាន់ៗ ជាពិសេស កាល់ស្យូមបានគ្រប់គ្រាន់។ អ្នកដឹងថាកាល់ស្យូមជួយឲ្យសុខភាពឆ្អឹង និងធ្មេញរឹងមាំ ហើយកាល់ស្យូមក៏ជួយបង្ការជំងឺពុកឆ្អឹងដែលបណ្ដាលឲ្យឆ្អឹងខ្សោយ និងស្រួយផងដែរ។ នេះជារឿងសំខាន់ដែលមនុស្សគ្រប់គ្នាគួរយល់ដឹង។ ដើម្បីឲ្យអ្នកយល់កាន់តែច្បាស់អំពីកាល់ស្យូម ខាងក្រោមនេះជាតារាងសំណួរចម្លើយដែលតែងចោទសួរញឹកញាប់ដែលនឹងធ្វើឲ្យអ្នកទទួលស្គាល់ថាកាល់ស្យូមសំខាន់បែបណាចំពោះអ្នក និងកូនក្នុងផ្ទៃអ្នក។ មិនពិត! ទោះបីកាល់ស្យូមជាសារធាតុរ៉ែខនិកសំខាន់បំផុតក្នុងរាងកាយអ្នកក៏ដោយ រាងកាយអ្នកមិនអាច ផលិតកាល់ស្យូមបានទេ។ ផ្ទុយមកវិញ អ្នកបានបាត់បង់សារធាតុរ៉ែខនិកនេះជាប្រចាំថ្ងៃតាមរយៈស្បែក សក់ ក្រចក ញើស និងនៅពេលបន្ទោរបង់។ អ្នកគ្រាន់តែអាចទទួលយកកាល់ស្យូមពីរបបអាហារ ឬកាល់ស្យូមបំពេញបន្ថែមតែប៉ុណ្ណោះ។ សូមចងចាំថាប្រសិនបើអ្នកទទួលទានកាល់ស្យូមមិនគ្រប់គ្រាន់សម្រាប់រាងកាយទេ...

ព័ត៌មានថ្មីៗ