​ភ្នំពេញ ​៖​ ការសាងសង់​រោង​ដែក​របស់​​​ឧកញ៉ា នួន​សុន ​ដែល​សង់​នៅ​ជួរ​មាត់​ទន្លេសាប​មួយ​កន្លែង​ដោយ​ពុំ​មាន​ការ​អនុញ្ញាត​ពី​អាជ្ញាធរ​មូលដ្ឋាន​និង​សាងសង់​លើ​ដី​គំរោង​អភិវឌ្ឍន៍​សួនច្បារ​របស់​សាលា​រាជធានី​ភ្នំពេញ​ ។ ដែល​ស្ថិត​ក្រោម​ការ​គ្រប់គ្រង​របស់​កំពង់ផែ​ស្វ័យ​ត​ភ្នំពេញ​ត្រូវ​បាន​អាជ្ញាធរ​ខណ្ឌឫស្សីកែវ​ដាក់​វិធានការណ៍​ចុះ​ទប់ស្កាត់​ជាបន្ទាន់​កាល​ពី​វេលា​ម៉ោង​០៣​និង​០០​នាទី​រសៀល​កាល​ពី​ថ្ងៃទី​២២​ខែកញ្ញា​ឆ្នាំ​២០១៥​ស្ថិតនៅ​ចំណុច​ភោជនីយដ្ឋាន​ស៊ុប​គោ​ស្រី​អូន​ជួរ​មាត់ទន្លេ​លើ​កំណាត់​ផ្លូវជាតិ​លេខ​៥​ភូមិ​ផ្សារ​តូច​សង្កាត់​ទួល​សង្កែ​ខណ្ឌឫស្សីកែវ​រាជធានី​ភ្នំពេញ​។​ ​គួរ​រំលឹក​ថា​ការដ្ឋាន​សំណង់​រោង​ដែក​ដែល​កំពុង​សាងសង់​រំលោភ​លើ​ដី​អភិវឌ្ឍន៍​សួនច្បារ​របស់​សាលា​រាជធានី​ភ្នំពេញ ត្រូវ​បាន​គេ​ស្គាល់​ថា​មាន​ម្ចាស់​ឈ្មោះ​នួន​សុន​និង​មាន​ងារ​ជា​ឧកញ៉ា ដែល​ត្រូវធ្វើ​គំរូ​របស់​ប្រជាពលរដ្ឋ​ប៉ុន្តែ​បែរជា​ធ្វើ​ទង្វើ​ល្មើសច្បាប់​ទៅវិញ​ដោយ​ពុំ​មាន​ខ្លាច​រអែង​អាជ្ញាធរ​ដែនដី​ឡើយ​។​ គួរ​បញ្ជាក់​ផង​ដែរ​ថា​ដោយមាន​ការ​ចង្អុលបង្ហាញ​ពី​លោក​ធុយ​សុខន​អភិបាល​នៃ​គណៈ​អភិបាលខណ្ឌ​ឫស្សីកែវ​លោក​ជា​ពីសី​អភិបាលរងខណ្ឌ​ឫស្សីកែវ​បាន​ដឹកនាំ​កម្លាំង​គណៈ​បញ្ជាការ​ខណ្ឌ​រួម​និង​មន្ត្រី​ក្រោម​ឱវាទ​បាន​ចុះ​ទប់ស្កាត់​ផ្អាក​ការសាងសង់​រោង​ដែក​មួយ​កន្លែង​និង​ធ្វើការ​ដកហូត​សំភារៈ​មួយចំនួន​រួមមាន​,១,​ម៉ូ​ទ័​រ​កាត់​ដែក​ចំនួន​ពីរ​គ្រឿង​,២,​ម៉ូ​ទ័​រ​កាត់ឈើ​ចំនួន​មួយ​គ្រឿង​,៣,​ប៉ុស្តិ៍​ផ្សារ​ចំនួន​មួយ​គ្រឿង​,៤,​ម៉ូ​ទ័​រ​ស្វាន​ចំនួន​ពីរ​គ្រឿង​,៥,​ក្បាល​ផ្សារ​ចំនួន​ពីរ​ផង​ដែរ ។​ ​ដោយឡែក​អាជ្ញាធរ​ខណ្ឌ​បានសម្រេច​និង​ទុក​ឱកាស​ឲ្យ​ម្ចាស់​ទីតាំង​ខាងលើ​រុះរើ​សំណង់​ដែល​កំពុង​សាងសង់​ចេញ​ដោយ​ខ្លួនឯង​រយៈពេល​៣​ថ្ងៃ​ឲ្យ​អស់​ដោយ​រាប់​គិត​ពី​ថ្ងៃទី​២២​ខែកញ្ញា​ឆ្នាំ​២០១៥​តទៅ​​​​អាជ្ញាធរ​ខណ្ឌឫស្សីកែវ លោក​ជា​ពិសី អភិបាលរងខណ្ឌ​បាន​ឱ្យ​ដឹង​ថា ​សំណង់​រោង​ដែក​ខាង​លើ​នេះ ជា​របស់​​​ឧកញ៉ា​នួន ​សុន ​ដែល​សង់​រំលោភ​ដី​ចំណី​ទន្លេ​ដែល​ជា​ដី​គំរោង​សួនច្បារ​របស់​សាលា​រាជធានី អតីត​ជា​ដី​របស់​កំពង់ផែ​ស្វយ័ត​ភ្នំពេញ ហើយ​ការ​សា​សង់រោង​ដែក​នេះ​មិន​មាន​ច្បាប់​អនុញ្ញាត​ពី​អាជ្ញាធរ​នោះ​ទេ ដោយ​អាជ្ញាធរ​ខណ្ឌ​ធ្លាប់​ជូនដំណឹង​ជា​ច្រើនដង​រួច​មក​ហើយ​តែ ​​ឧកញ៉ានួន​សុន មិន​រវល់​ស្តាប់​ឡើយ ៕​

ភ្នំពេញ ៖ មន្ត្រី​នៅ​នាយកដ្ឋាន​អភិវឌ្ឍ​នៃ​ក្រសួង​អប់រំ ក្រុម​គ្រួសារ​បាន​មក​ដាក់​ពាក្យ​បណ្ដឹង ​ប្ដឹង​នគរបាល​ខណ្ឌ​ជ្រោយចង្វា​និង​ហៅ​សមត្ថកិច្ច​ទៅ​ពិនិត្យ​ដល់​ផ្ទះ​កាលពី​ព្រឹក​ថ្ងៃទី​២៣​ខែកញ្ញា​ឆ្នាំ​២០១៥ ។ បន្ទាប់ពី​ជនរងគ្រោះ ត្រូវ​បាន​ក្រុម​ចោរលួច​គាស់​ផ្ទះ​ចូល​លួច​គាស់​ទូរ​ដែក យក​គ្រឿងអលង្ការ​និង​លុយ​ដុល្លារ​សរុប​ចំនួន ជាង​១​ម៉ឺន​ដុល្លា គោលបំណង ដើម្បី​ឱ្យ​សមត្ថកិច្ច ជួយ​តាម​រក​ចាប់​ជនសង្ស័យ យក​មក​ផ្ដន្ទាទោស​តាមច្បាប់ ។​ នៅក្នុង​ពាក្យ​បណ្ដឹង របស់​ជនរងគ្រោះ បាន​រៀបរាប់​ថា កាលពី​វេលា​ម៉ោង ១៨​និង​៣០​នាទី​ថ្ងៃទី​២៣​ខែកញ្ញា​ឆ្នាំ​២០១៥ នៅ​ចំណុច​ផ្ទះ​គ្មាន​លេខ​ផ្លូវជាតិ​លេខ​៦​ក្រុម​ទី​៣​ភូមិ​ចំបក់​មាស សង្កាត់​បាក់​ខែង ខណ្ឌ​ជ្រោយចង្វា ​ខណៈ​ដែល​ម្ចាស់ផ្ទះ​រវល់​ទៅ​ធ្វើ​ការ​នៅ​ភ្នំពេញ​ពេល​ត្រឡប់​វិញ ក៏​ត្រូវ​ក្រុម​ចោរលួច​គាស់​បង្អួច​ចូល​គាស់​ទូរ​ដែក​យក​គ្រឿង​អលង្ការ​ និង​លុយ បាត់​អស់​រលីង​ពី​ក្នុង​ទូរ​ដែក ។​ នៅ​ក្នុង​ពាក្យ​បណ្ដឹង​នោះ របស់​មានតម្លៃ​ដែល​បាត់បង់​រួមមាន​ខ្សែ​ក​មាស​៣​ខ្សែ ទម្ងន់​១​ដំ​ឡឹង​កន្លះ ខ្សែដៃ​ផ្លាក​ទីន​៣​ខ្សែ ទម្ងន់​២​ដំឡឹង​កន្លះ និង​លុយ​សុទ្ធ​១​ម៉ឺន​ដុល្លារ សរុប​ជាង​១​ម៉ឺន​ដុល្លារ នៅក្នុង​ពាក្យ​បណ្ដឹង​បាន​រៀបរាប់​បន្ត​ថា ក្រោយពី​ចូលក្នុង​ផ្ទះ​ឃើញ​ទូរ​ដែក​របើក​ហើយ​បាត់​របស់​មានតម្លៃ​អស់...

ស្ទឹងត្រែង​៖​ក្រុម​អន្តរាគមន៍​បង្ក្រាប​បទ​ល្មើស​សត្វព្រៃ​ចល័ត​នៃ​រដ្ឋបាល​ព្រៃឈើ​បាន​សហការ​ជាមួយ​កំលាំង​អាវុធហត្ថ​លើ​ផ្ទៃ​ប្រទេស សង្កាត់​រដ្ឋបាល​ព្រៃឈើ​អូ​ពងមាន់ ​បាន​ចុះ​បង្ក្រាប​សត្វ​​ព្រៃ​ចំនួន​៦​ក្បាល​និង​សាច់សត្វ​ព្រៃ​ចំនួន​៥​ប្រភេទ​កាប់​បំផ្លាញ​ចោល​និង​បាន​ឃាត់ខ្លួន​ស្ត្រី​ម្នាក់​មក​ធ្វើ​ការអប់រំ​។ ​​ប្រតិបត្តិ​ការ​បង្ក្រាប​សាច់​សត្វព្រៃ​នៅក្នុង​ផ្សារ​ខេត្ត​ស្ទឹង​ត្រែ​នេះ បាន​ធ្វើ​ឡើង​កាលពី​វេលា​ម៉ោង​៨​និង​៣០​នាទី​ព្រឹក​ថ្ងៃទី​២៣​ខែកញ្ញា​ឆ្នាំ​២០១៥​នៅ​ចំណុច​ផ្សារ​ស្ទឹងត្រែង ស្ថិត​ក្នុងភូមិ​ត្រពាំង​ព្រីង សង្កាត់ ក្រុង​ស្ទឹងត្រែង​។ ​លោក​ស រ៉ោ​ប្រធាន​ក្រុម​អន្តរាគមន៍​បង្ក្រាប​បទ​ល្មើស​សត្វព្រៃ​ចល័ត​បាន​អោយ​ដឹង​ថា​ស្ត្រី​ដែល​ជាប់​ពាក់ព័ន្ធ​និង​ការ​លក់​សាច់សត្វ​ព្រៃ​នៅក្នុង​ផ្សារ​ដែល​សមត្ថកិច្ច​នាំមក​ធ្វើការ​សាកសួរ​នោះ​មានឈ្មោះ​​ឌៀប ណា​រ៉ុង​ភេទ​ស្រី​អាយុ​៤២​ឆ្នាំ មាន​ទីលំនៅ​ក្នុង​សង្កាត់ ក្រុង​ស្ទឹងត្រែង​។​ ​លោក​ប្រធាន​ក្រុម​អន្តរាគមន៍​បង្ក្រាប​បទ​ល្មើស​បាន​បន្ត​អោយ​ដឹង​ទៀត​ថា ​ក្នុង​ការ​បង្ក្រាប​នេះ​កំលាំង​ជំនាញ​បាន​ធ្វើ​ការ​ដក​ហូត​សាច់សត្វ​ព្រៃ​បាន​ចំនួន​៥​ប្រភេទ ១​សាច់​ជ្រូក​ព្រៃ​ចំនួន​៣៨,៩០​គីឡូក្រាម ២​សាច់​ឈ​លូ​ស​៣៤,៨០​គីឡូក្រាម ៣​សាច់​ប្រើស​ក្រៀម​៤​គីឡូក្រាម ៤​សាច់​ស្វា​ក្រៀម​៣,៤០​គីឡូក្រាម សាច់​ត្រកួត​ស្រស់​១,៩០​គីឡូក្រាម រួម​និង​សត្វ​ត្រកួត​រស់​៦​ក្បាល​មាន​ទម្ងន់​៧,៥០​គីឡូក្រាម​។​ ​ក្រុម​អន្តរាគមន៍​បន្ត​ថា​សាច់សត្វ​ព្រៃ​ដែល​បាន​ធ្វើ​ការ​រឹបអូស​ចំនួន​៥​ប្រភេទ​និង​ត្រកួត​រស់​ចំនួន​៦​ក្បាល​ខាងលើ សាច់​ត្រូវ​បាន​យក​ទៅ​កប់​បំផ្លាញ​ចោល​នៅ​ថ្នាល​បណ្ដុះ​កូនឈើ​ភ្នំ​ក្រហម​។​ចំណែក​សត្វ​ដែល​នៅ​រស់​ត្រូវ​បាន​យក​ទៅ​ប្រលែង​នៅ​សួនសត្វ​ភ្នំ​តា​ម៉ៅ​។ ​​លោក​បន្ត​ថា​នៅពេល​ចុះ​បង្ក្រាប​នោះ ​អ្នក​លក់​ដូរ​សាច់សត្វ​មាន​ប្រមាណ​៥​ទៅ​៦​កន្លែង ខណៈ​កំលាំង​របស់​លោក​ទៅដល់​ពួកគេ​បាន​រត់​គេច​ខ្លួន​បាត់​អស់​ ឃាត់ខ្លួន​បាន​ស្ត្រី​ម្នាក់​រួម​និង​សត្វ​សាច់​ព្រៃ​មួយចំនួន​បញ្ជូន​ខ្លួន​មក​ខណ្ឌ​រដ្ឋបាល​ព្រៃឈើ​ខេត្ត​សាកសួរ តែ​ដោយ​សារ​ស្ត្រី​រួប​នេះ លក់​តិចតួច​និង​ទើបតែ​លក់​ជា​លើក​ទី​១ សមត្ថកិច្ច​ជំនាញ មិនបាន​ធ្វើការ​ផាកពិន័យ​ទេ គ្រាន់តែ​ធ្វើការ​អប់រំ​អោយ​ធ្វើ​កិច្ចសន្យា​បញ្ឈប់​ការលក់ដូរ​តែប៉ុណ្ណោះ​៕

ភ្នំពេញ ៖ នៅ​ព្រឹក​ថ្ងៃទី ២៣ កញ្ញា ឆ្នាំ​២០១៥​តុលាការ​កំពូល​កម្ពុជា បាន​រៀបចំ​សិក្ខា​សាល​ស្ដីពី ការ​ចែករំលែក​បទ​ពិសោធន៍​ស្ដីពី​បរិស្ថាន និង​គោលការណ៍​ច្បាប់​ផ្នែក​បរិស្ថាន នៅ​រាជ​បណ្ឌិតសភា​វិជ្ជាជីវៈ​តុលាការ ​ក្រោម​អធិបតីភាព​របស់ ឯកឧត្តម ​ជីវ​ កេង អនុប្រធាន​តុលាការ​កំពូល និង​ដោយមាន​ការចូលរួម​ជា​គណៈអធិបតី​​ពី​សំណាក់ ប្រធាន​សាលាឧទ្ធរណ៍ ​អគ្គ​ព្រះ​រាជអាជ្ញា​អម​សាលាឧទ្ធរណ៍ ​អគ្គ​ព្រះ​រាជ​អាជ្ញា​អម​តុលាការ​កំពូល តំណាង​ក​ហរ​សួង​យុត្តិធម៌​ ​ក្រសួង​មហាផ្ទៃ ក្រសួង​បរិស្ថាន ​ក្រសួងកសិកម្ម រុក្ខាប្រមាញ់ និង​នេសាទ ក្រសួង​រ៉ែ ​និង ថាមពល និង​អាជ្ញាធរ​រាជធានី​ភ្នំពេញ ។ ​សិក្ខាសាលា​ដែល​មាន​រយៈ​ពេល​ពេញ​មួយ​ថ្ងៃនេះ ត្រូវ​បាន​សហការ​រៀប​ចំ​ដោយ​ភ្នាក់ងារ​សហរដ្ឋ​អាមេរិក​សំរាប់​អភិវឌ្ឍ​អន្តរជាតិ​Usaid គំរោង​គាំទ្រ​ព្រៃឈើ ជីវចម្រុះ ​ដោយមាន​ការចូលរួម​ពី​ព្រះរាជអាជ្ញា ​ព្រះរាជអាជ្ញា​រង...

ភ្នំពេញ ​៖ ​ចាប់​ពី​ពេល​នេះ​ទៅ​រាល់​ការ​លក់​ឬ​ចែកចាយ​ស៊ីម​កាត​របស់​ក្រុមហ៊ុន​ឬ​ភ្នាក់ងារចែកចាយ​បន្ត​របស់​ក្រុមហ៊ុន​ដាច់ខាត ត្រូវតែ​យក​អត្តសញ្ញាណប័ណ្ណ ឬ​ឯកសារ​សំគាល់​អត្តសញ្ញាណប័ណ្ណ​ របស់​អតិថិជន​។​​ ​លោក​ឧ​ត្ត​ម​សេនីយ៍​ឯក ឆៃ ស៊ីណា​រិ​ទ្ធ អគ្គ​ស្នងការ​រង​នគរបាល​ជាតិ​នៃ​ក្រសួងមហាផ្ទៃ រួម​ជា​មួយ​នឹង​លោក ម៉ូ​វ ចរិយា អគ្គនាយក​បញ្ញត្តិ​ករ​ទូរគមនាគមន៍​ក​ម្ពុ​ជា បាន​មានប្រសាសន៍​ឲ្យ​ដឹង​នៅក្នុង​សន្និសីទ​សារព័ត៌មាន​នា​រសៀល​ថ្ងៃទី​២២​ខែកញ្ញា​ឆ្នាំ​២០១៥​នៅ​សណ្ឋាគារ​អ៊ី​ន​ធើ​កុង​ទីណង់​តាល់ ភ្នំពេញ ស្ដីពី​វិធានការ​ទប់ស្កាត់​ការចែក​ចាយ​និង​លក់​ស៊ីម​កាត​ទូរ​សព្ទ័​ចល័ត​ដោយ​មិន​យក​អត្តសញ្ញាណ​និង​ឯកសារ​សំគាល់​អត្តសញ្ញាណ​ផ្ទុយ​ពី​សារាចរ​អន្តរក្រសួង​លេខ​០០១​សរ​.​ម​ផ​.​បទ​ចុះ​ថ្ងៃទី​២៨​ខែកុម្ភៈ​ឆ្នាំ​២០១២​។ ​ដោយ​ពិនិត្យ​ឃើញ​ថា​កន្លងមក​ក្រុមហ៊ុន​ផ្តល់​សេវា​ទូរ​សព្ទ័​ពុំ​ទាន់​បាន​អនុវត្ត​ឲ្យ​បាន​ពេញលេញ​ស្របតាម​ស្មារតី សារាចរ​អន្តរក្រសួង​លេខ​០០១​ស្ដីពី​ការគ្រប់គ្រង​ការ​ធ្វើ​អាជីវកម្ម​និង​ការប្រើប្រាស់​សេវាកម្ម​ទូរគមនាគមន៍ ពិសេស​បណ្ដា​ក្រុមហ៊ុន​ផ្តល់​សេវា​ទូរ​សព្ទ័ រួម​ទាំង​ភ្នាក់ងារចែកចាយ បាន​ធ្វើ​ការ​លក់​ឬ​ចែកចាយ​ស៊ីម កាត​ទូរ​សព្ទ័​ដោយ​លក្ខណៈ​ប្រកួតប្រជែង​គ្នា​ដើម្បី​ដណ្ដើម​អតិថិជន រហូត​ឈាន​ដល់​ការ​ពុំ​យក​អត្តសញ្ញាណប័ណ្ណ ​អ្នកប្រើប្រាស់​ជា​ពលរដ្ឋ​ខ្មែរ​ក៏ដូចជា​បរទេស​ ដោយ​មិនបាន​គិតដល់​ហានិភ័យ​ធ្ងន់ធ្ងរ​កើតមាន​ចំពោះ​សន្តិសុខ​ជាតិ និង​សុវត្ថិភាព​សង្គម​។​ជាក់ស្តែង​ឆ្លងតាម​ការស៊ើបអង្កេត ស្រាវជ្រាវ​លើ​ឧក្រិដ្ឋកម្ម​ធំៗ​មួយចំនួន​កន្លងមក​ដូចជា អំពើ​ភេរវកម្ម ឧក្រិដ្ឋកម្ម​ឆ្លងដែន ការ​ជួញដូរ​គ្រឿងញៀន អំពើ​ជួញដូរ​មនុស្ស ការ​គំរាម​ជំរិត​ទារប្រាក់ ឧក្រិដ្ឋជន​បាន​ប្រើប្រាស់​បណ្ដាញ​ទូរ​សព្ទ័​ចល័ត​ដើម្បី​ធ្វើ​សកម្មភាព​ដោយ​ការប្រើប្រាស់​អត្តសញ្ញាណ​អ្នកដទៃ ឬ គ្មាន​អត្តសញ្ញាណ​របស់​ជនល្មើស​ត្រូវ​បាន​រក្សាទុក​ក្នុង​ទិន្នន័យ​របស់​ក្រុមហ៊ុន​ឡើយ​។​ ​លោក​ឧ​ត្ត​ម​សេនីយ៍​ឯក...

ព័ត៌មានថ្មីៗ