video

ព័ត៌មានសន្តិសុខសង្គមវគ្គ៣ ១៥-កញ្ញា-២០១៥

​​ភ្នំពេញ៖ នៅ​ថ្ងៃទី​១៥ ​ខែកញ្ញា ​ឆ្នាំ​២០១៥​នេះ មាន​គ្រោះថ្នាក់​ចរាចរណ៍ នៅ​ទូ​ទាំងប្រទេស​ចំនួន​១០​លើក យប់​៨​លើក​, បណ្តាល​អោយ​មនុស្ស​ស្លាប់​៦​នាក់​(​ប្រុស​) អ្នក​របួសធ្ងន់​១០​នាក់​(​ស្រី​២​នាក់​) និង​របួសស្រាល​៩​នាក់​(​ស្រី​ម្នាក់​)​។​ ​ក្នុង​គ្រោះថ្នាក់​ចរាចរណ៍​ទាំង ១០​លើក​នេះ បាន​បង្ក​ឲ្យ​ខូចខាត​យានយន្ត​សរុប​ ១៦ ​គ្រឿង ក្នុង​នោះ​មាន​ម៉ូតូ​ចំនួន ​១១ ​គ្រឿង​, រថយន្ត​ធុន​តូច​៣​គ្រឿង​,​រថយន្ត​ធុន​ធំ ០​១​គ្រឿង​,​និង​យាន​ផ្សេងៗ​ ០១​គ្រឿង​។​ ​មូល​ហេតុ​ដែល​បណ្តាល​ឲ្យ​មាន​គ្រោះថ្នាក់​រួមមាន ល្មើស​ល្បឿន ០​៣​លើក​,​ប្រជែង​គ្រោះថ្នាក់​២​លើក​,​ស្រវឹង​៣​លើក​,​បត់​គ្រោះថ្នាក់​២​លើក និង​មិន​ប្រកាន់​ស្តាំ​១​លើក ក្នុង​នោះ ​អ្នក​មិន​ពាក់មួក​ពេល​គ្រោះថ្នាក់​មាន​១៦​នាក់​(​យប់​) ។​ ​រថយន្ត​ពិន័យ​សរុប​ចំនួន​៨៩៥​គ្រឿង (​រថយន្ត​ធំ​២៨១​គ្រឿង​) ស្មើ​និង​៨៩៥​ករណី​ល្មើស​ក្រដាស​ស្នាម​មាន​៦៣៣ គ្រឿង ស្មើនឹង​៦៣៣​ករណី​, ចំពោះ​ករណី​ល្មើស​បច្ចេកទេស​២៦២ គ្រឿង​ស្មើនឹង​២៦២​ករណី ដោយឡែក​ម៉ូតូ ​ត្រូវបាន​ពិន័យ​សរុប​ចំនួន...

​​​ភ្នំពេញ​៖ លោក​អូស្មាន​ ហាស្សាន់ បាន​ធ្វើ​ការណែនាំ​ឲ្យ​បងប្អូន​សាសនិក​ឥស្លាម​កម្ពុជា ដែល​ទទួល​បាន​ទិដ្ឋាការ ក្នុង​ពេល​ទៅ​ប្រារព្ធ​ពិធីបុណ្យ​ហា​ជ្ជ នៅ​ទី​ក្រុ​ម៉ា​ក្កះ ប្រទេស​អា​រ៉ា​ប៊ី​សា​អូឌីត ត្រូវ​រក្សា​កេរ្តិ៍ឈ្មោះ កិត្តិយស ភាព​ថ្លៃថ្នូរ សូមកុំ​ប្រព្រឹត្តិ នូវ​អំពើ​អបាយមុខ​ផ្សេងៗ ដើម្បី​រក្សា​កេរ្តិ៍ឈ្មោះ​មុខ​មាត​ប្រទេសជាតិ​មាតុភូមិ​កម្ពុជា​ដ៏​បវ​រ​បស់​យើង លោក​អូស្មាន ហាស្សាន បាន​ធ្វើ​ការណែនាំ​បែបនេះ ក្នុង​ខណៈដែល​លោក ចូលរួម​ជូន​ដំណើរ​បងប្អូន សាសនិក​ឥស្លាម​កម្ពុជា​ចំនួន​៦៨០​នាក់ កាលពី​ព្រឹក​វេលា​ម៉ោង​១០​និង​១០​នាទី​ថ្ងៃទី​១៥ ខែកញ្ញា ឆ្នាំ​២០១៥ នៅ​អាកាសយានដ្ឋាន​អន្ដរ​ជាតិ​ភ្នំពេញ ។​ ​លោក​អូស្មាន ហាស្សាន់ រដ្ឋមន្ត្រី​ប្រតិភូ​អម​នាយករដ្ឋមន្ត្រី និង​ជា​រដ្ឋលេខាធិការ​ក្រសួង​ការងារ បាន​បញ្ជាក់​ថា​​ បងប្អូន​សាសនិក​ឥស្លាម​កម្ពុជា ចំនួន​១០៦​នាក់ ចេញដំណើរ​ទៅ​ប្រារព្ធ​ពិធីបុណ្យ​ហា​ជ្ជ​នៅ​ទីក្រុង​ម៉ា​ក្កះ​ប្រទេស​អា​រ៉ា​ប៊ី​សា​អូឌីត ក្នុង​ជំហាន​ទី​២ ដោយឡែក​នៅក្នុង​ជំហាន​ទី​៣​នេះ...

  ​ភ្នំពេញ៖ ស្ត្រី​ម្នាក់​ ត្រូវ​បាន​ប៉ូលិស​ព្រហ្មទណ្ឌ​កំរិត​ស្រាល​ក្រុងភ្នំពេញ​ចាប់​ខ្លួន ​កាលពី​វេលា​ម៉ោង​១៥​និង​៣០​នាទី ថ្ងៃទី ១៥ ខែកញ្ញា ឆ្នាំ២០១៥ ពាក់ព័ន្ធ​ករណី​ប្រើប្រាស់​ប័ណ្ណ​កម្ម​សិទ្ធ​ក្លែងក្លាយ​យក​ទៅ​បញ្ចាំ​ធនាគារ​អេ​ស៊ី​លីដា យក​ប្រាក់​បាន ចំនួន ១៥ ម៉ឺន​ដុល្លារ​អាមេរិកកាំង។​ ​ជនជាប់ចោទ​ដែល​សមត្ថកិច្ច​ចាប់ខ្លួន​ឈ្មោះ អ៊ូ ចាន់ណា អាយុ ៣៦ ឆ្នាំ រស់នៅ​ផ្ទះ​លេខ ២២,២៤ ផ្លូវ​លេខ ៣៥៥ ក្រុម ១ សង្កាត់​បឹងកក់ ១ ខ​ណ្ឌ​ទួលគោក។​ ​លោក​វរសេនីយ៍ទោ ជាវ វិបុល អនុប្រធាន​ការិយាល័យ​នគរបាល​ព្រហ្ម​ទ​ណ្ឌ​កំរិត​ស្រាល​ក្រុងភ្នំពេញ បាន​អោយដឹងថា ពិតជា​មាន​ករណី​ឃាត់ខ្លួន​លោកស្រី អ៊ូ ចាន់ណា...

ភ្នំពេញ ៖ អតីតមន្ត្រី​កងរាជអាវុធហត្ថ​លើ​ផ្ទៃ​ប្រទេស​ម្នាក់ នៅ​រសៀល​ថ្ងៃទី​១៥ ខែកញ្ញា ឆ្នាំ​២០១៥ ត្រូវ​បាន​អនុរក្ស​ពន្ធនាគារ​ព្រៃ​ស បញ្ជូន​មក​សាលាឧទ្ធរណ៍ ដើម្បី​ជំនុំជម្រះ​ករណី​បាញ់សម្លាប់​មនុស្ស កាលពី​ឆ្នាំ​២០១២។​ ​សវនាការ​នេះ​ដឹកនាំ​ដោយ​លោក ប៉ាក ច័ន្ទ​សំបូរ ជា​ប្រធាន​ក្រុមប្រឹក្សា​ជំនុំជម្រះ និង លោកស្រី គឹម កល្យាណ ជា​តំណាង​មហាអយ្យការ។​ ​ជនជាប់ចោទ​ឈ្មោះ ជុំ វណ្ណា អាយុ​២៨​ឆ្នាំ មាន​មុខរបរ​បន្ថែម​ជា​សន្តិសុខ​ក្លឹប​រាត្រី​ឌី​ជេ​ស្តេ​សិន ដែល​មាន​ទីតាំង​ស្ថិត​ក្នុង​សង្កាត់​បឹង​សាឡាង ខណ្ឌទួលគោក​។ ជនជាប់ចោទ ត្រូវ​បាន​សាលាដំបូង​រាជធានី​ភ្នំពេញ ផ្ដន្ទាទោស​១០​ឆ្នាំ ពី​បទ​ឃាតកម្ម និង កាន់កាប់​អាវុធ​ខុសច្បាប់ ។ ប៉ុន្តែ ​ជនជាប់ចោទ​បាន​ប្តឹង​ឧទ្ធរណ៍។​ ​តាម​អង្គហេតុ​គឺ កាលពី​យប់​ថ្ងៃទី​៤...

ភ្នំពេញ​៖​ ព្រឹកស្អែក​នគរបាល​ខ​ណ្ឌ​ពោធិ​សែន​ជ័យ បញ្ជូន​ជនសង្ស័យ​៦​នាក់ រួម​ទាំង​វត្ថុតាង​មួយចំនួន ទៅកាន់​តុលាការ​រាជធានី​ភ្នំពេញ ផ្តន្ទាទោស​តាមច្បាប់ ករណី​ជួញដូរ និង​ប្រើប្រាស់​គ្រឿងញៀន នេះ​បើ​យោង​តាម​ការ​ឲ្យ​ដឹង​ពី​លោក​វរសេនីយ៍ទោ យឹម សារ៉ាន់ អធិការ​ខណ្ឌ​ពោធិ​សែន​ជ័យ​ប្រាប់​នា​រសៀល​នេះ​។​ ​ជនសង្ស័យ​ទាំង ៦​នាក់ រួមមាន ទី​១​ឈ្មោះ មាន ម៉េ​ត ភេទ​ប្រុស អាយុ​២៧​ឆ្នាំ មុខរបរ​ជាងភ្លើង ទី​២​ឈ្មោះ ចាន់ វិ​រះ ភេទ​ប្រុស អាយុ​២៤ មុខរបរ​កម្មករ​រោងចក្រ ទី​៣ ឈ្មោះ ព្រាប រត​នះ ភេទ​ប្រុស អាយុ ២៣ មុខរបរ​កម្មករ​រោងចក្រ...

ព្រះសីហនុ​ ៖ យ៉ាងហោចណាស់​ក៏​មាន​ទូ​កុងតឺន័រ​រាប់​សិប​ទូ​បាន​ហោះ​ប៉ើង​ធ្លាក់​គ​ពេល​ទីលាន​ផ្ទុក​កុងតឺន័រ​ក្នុង​កំពង់ផែ​ស្វយ័ត​ខេត្ត​ព្រះសីហនុ​ ។ ដោយសារតែ​អំណាច​នៃ​ឥទ្ធិពល​នៃ​ខ្យល់ព្យុះ​ប្រមោយដំរី​បាន​បោកបក់​និង​គួច​យ៉ាង​ខ្លាំង​ក្នុង​ខណៈ​ពេល​មេឃ​កំពុង​​ភ្លៀង​ធ្លាក់​យ៉ាង​ខ្លាំង​ចាប់​តាំងពី​ព្រឹក​ព្រលឹម​នោះ​។ ​ឧបទ្ទវហេតុ​គ្រោះធម្មជាតិ​នេះ​បាន​កើត​មាន​ឡើង​នៅ​ម៉ោង​ប្រមាណ​១០​ព្រឹក​ថ្ងៃទី​១៥ខែ​កញ្ញាឆ្នាំ២០១៥​នេះ​​ពេល​នេះ​គេ​មិនទាន់​បានដឹង​អំពី​ទំហំ​នៃ​ការ​ខួច​ខាត​ទ្រព្យសម្បត្តិ​ដែល​បង្ក​ឡើង​ដោយ​ខ្យល់ព្យុះ​ប្រមោយដំរី​នោះ​ទេ​។ ​យោង​តាម​ប្រភព​ព័ត៌មាន​ពី​មន្ត្រី​កំពង់ផែ​បាន​ឲ្យ​ដឹង​ថា​ករណី​គ្រោះធម្មជាតិ​នេះ​មិន​បណ្ដាល​ឲ្យ​មាន​មនុស្ស​រង​របួស​រឺ​ស្លាប់​បាត់បង់​អាយុជីវិត​នោះ​ទេ​ ​មន្ត្រី​ដដែល​បាន​ឲ្យ​ដឹង​ទៀត​ថា​ភ្លាមៗ​នេះ​គេ​មិន​ទាន់​អាច​វាយ​តម្លៃ​អំពី​ទំហំ​នៃ​ការ​ខូចខាត​បាន​នោះ​ទេ​ព្រោះថា​នៅ​ពេល​នេះ​មេឃ​នៅតែ​ធ្លាក់​ភ្លៀង​យ៉ាង​ខ្លាំង​ដដែល​។ ​សូម​បញ្ជាក់​ផង​ដែរ​ថា​អាកាសធាតុ​នៅ​តាម​តំបន់ឆ្នេរ​ក្នុង​ខេត្ត​ព្រះសីហនុ​កាល​ពី​ថ្ងៃទី​១៤​ខែកញ្ញា​ឆ្នាំ២០១៥​​នេះ​មេឃ​បាន​ភ្លៀង​ធ្លាក់​យ៉ាង​ខ្លាំង​ស្ទើរ​គ្រប់​ទីកន្លែង​ចំនែក​ឯ​នៅ​តាម​ឆ្នេរ​និង​កោះ​មាន​​រលក​សមុទ្រ​មាន​កម្ពស់​ប្រមាណ​ជិត​២​ម៉ែត្រ​៕​

ភ្នំពេញ ៖ ​តំណាង​អង្គការ​សហ​ប្រជា​តិ និង​អ្នកជំនាញ​មកពី​ប្រទេស​មី​យ៉ាន់​ម៉ា និង​តូ​ហ្គូ និង​មានការ​ចូលរួម​ពី​ក្រសួង​ស្ថាប័ន​សាធារណៈ អង្គការ​សង្គម​ស៊ីវិល វិស័យ​ឯកជន បាន​មក​ជួប​ប្រជុំ​សាកសួរ ជជែក ដេញ​ដោយ​លម្អិត​ផ្ទាល់មាត់ ភាគី​ពាក់ព័ន្ធ អំពី​ការអនុវត្ត​ជាក់ស្តែង​ទាក់ទង​នឹង​បទដ្ឋាន​អនុសញ្ញា​អង្គការសហប្រជាជាតិ​ប្រឆាំង​អំពើពុករលួយ (UNCAC) នៅ​កម្ពុជា​។ កិច្ចប្រជុំ​នេះ​បាន​ធ្វើ​ឡើង​កាលពី​ព្រឹក​ថ្ងៃទី​១៥​ខែកញ្ញា​ឆ្នាំ​២០១៥ នៅ​អង្គភាព​ប្រឆាំង​អំពើពុករលួយ​។​ ​ឯកឧត្តម ឃាង សេង អនុប្រធាន​អង្គភាព​ប្រឆាំង​អំពើពុករលួយ បាន​ថ្លៃ​ង​ថា កិច្ចប្រជុំ​ត្រូវ​បាន​រៀបចំឡើង​ក្នុង​គោលបំណង​ផ្តល់​ជា​វេទិកា​ដល់​ភាគី​ត្រួតពិនិត្យ (​តំណាង​អង្គការ​សហ​ប្រជាតិ និង​អ្នកជំនាញ​មកពី​ប្រទេស​មី​យ៉ាន់​ម៉ា និង​តូ​ហ្គូ​) ជួប​សាកសួរ ជជែក ដេញ​ដោយ​លម្អិត​ផ្ទាល់មាត់​ជាមួយ​ភាគី​ពាក់ព័ន្ធ អំពី​ការអនុវត្ត​ជាក់ស្តែង​ទាក់ទង​នឹង​បទដ្ឋាន​ដែល UNCAC បាន​កំណត់ និង​ដែល​កម្ពុជា​ត្រូវ​គោរព​តាម បន្ថែម​ពី​ព័ត៌មាន​ដែល​បាន​ផ្តល់​ជូន​ក្នុង​របាយការណ៍​ស្វ័យ​វាយតម្លៃ ដែល​កម្ពុជា​បាន​ដាក់​ជូន​ពិនិត្យ ដោយ​ផ្ដោត​លើ​ជំពូក​ទី​៣...

​ភ្នំពេញ​ ៖ លោក​ចាន់​បូ​រិន្ទ​អគ្គនាយក​វិទ្យាស្ថាន​ស្តង់ដារ​ជាតិ បាន​ថ្លែង​ថា​ ម្ចាស់​រោង​ម៉ាស៊ីន​កិន​គួរ​បង្វែរ​ទិសដៅ ពី​ការប្រើប្រាស់​ម៉ាស៊ីនកិនស្រូវ​មក​ប្រើប្រាស់​ឡ​ជីវឧស្ម័ន​វិញ គឺ​អាច​កាត់បន្ថយ​ចំណាយ​ផ្សេងៗ បាន​មួយ​កម្រិត​ទៀត​និង​បាន​ចូលរួម​យ៉ាង​សំខាន់ សម្រាប់​ការពារ​បរិស្ថាន ។​ នេះ​ជា​ការ​ថ្លែង​ឲ្យ​ដឹង​របស់​លោក​ចាន់​បូ​រិន្ទ​ក្នុង​សិក្ខាសាលា​ផ្សព្វផ្សាយ​គោលការណ៍​ណែនាំ ស្ដីពី​សុខភាព សុវត្ថិភាព​ការងារ នឹង​បរិស្ថាន សម្រាប់​ការប្រើប្រាស់​ឡ​ជីវឧស្ម័ន នៅ​វេលា​ម៉ោង​១០​និង​៣០​នាទី​ថ្ងៃទី​១៥ ខែកញ្ញា ឆ្នាំ​២០១៥លោក​បាន​លើក​ឡើងថា​ក្រោម​ការ​សហប្រតិបត្តិការ រវាង​វិទ្យាស្ថាន​ស្តង់ដារ ជាមួយ​អង្គការ អភិវឌ្ឍន៍​ប្រទេស​ហូ​ឡង់​(SNV)​គឺ​មាន​គោលបំណង​ការពារ​សុខភាព សុវត្ថិភាព​ការងារ និង​បរិស្ថាន នៃ​ការប្រើប្រាស់​ឡ​ជីវឧស្ម័ន​នេះ ដើម្បី​សម្របសម្រួល​បង្ក​ការ​លក្ខណៈ​ងាយស្រួល ដល់​ក្រុមហ៊ុន​រោងចក្រ​អាជ្ញា​ធរមាន​សមត្ថកិច្ច​ពាក់ព័ន្ធ​ក្នុង​ទិសដៅ​ជំរុញ​ស្វែងយល់​ឲ្យ​បាន​ស៊ីជម្រៅ នៃ​ការប្រើប្រាស់ ឡ​ជីវឧស្ម័ន​នេះ ។​ ​លោក ចាន់ បូ​រិន្ទ បាន​ថ្លែង​បន្ត​ទៀត​ថា​ នៅ​តាម​បណ្ដា​ខេត្ត​មួយចំនួន​ក្នុង​ប្រទេស​កម្ពុជា គឺ​មាន​រោង​ម៉ាស៊ីនកិនស្រូវ​ជាច្រើន​ដែល​សល់​កាកសំណល់​ជា​អង្កាម​ហើយ​គ្មាន​លទ្ធភាព​កែច្នៃ ដោយ​យក​អង្កាម​ទៅ​ដុត​ចោល​ឬ​ការ​លក់​ចេញទៅ​ប្រទេសជិតខាង...

ភ្នំពេញ ៖ នា​វេលា​ម៉ោង​១១​នាទី ព្រឹក​ថ្ងៃទី​១៥ ខែកញ្ញា ឆ្នាំ​២០១៥ ការិយាល័យ​ប្រឆាំង​គ្រឿងញៀន នៃ​ស្នងការដ្ឋាន​នគរបាល​រាជធានី​ភ្នំពេញ បាន​ធ្វើការ​បង្ហាញមុខ​ជនសង្ស័យ​ចំនួន​៣៩​នាក់ ​ក្នុង​នោះ​ស្រី ០៧​នាក់ ពាក់ព័ន្ធ និង​ករណី​ចែកចាយ និង​ប្រើប្រាស់​គ្រឿងញៀន ដែល​សមត្ថកិច្ច​ធ្វើការ​បង្ក្រាប​បាន​កាលពី​ថ្ងៃទី​១៣ និង​ថ្ងៃទី​១៤ ខែកញ្ញា កន្លងទៅ​ថ្មីៗ​នេះ ។ ​លោក​វរសេនីយ៍ឯក ប៊​ន សំអាត ស្នងការ​រង ទទួល​ផែន​ប្រឆាំង​គ្រឿងញៀន នៃ​ស្នងការដ្ឋាន​នគរបាល​រាជធានី​ភ្នំពេញ​ប្រាប់​ឲ្យ​ដឹង​ថា ដោយ​យ​មានការ​ចង្អុលបង្ហាញ​ពី​លោក​ឧ​ត្ត​ម​សេនីយ៍​ស្នងការ​នគរបាល​រាជធានី​ភ្នំពេញ​រួចមក និង​ដើម្បី​ចូលរួម​កាត់បន្ថយ​សក​ម្ម​ភាព ចែកចាយ និង​ប្រើ​គ្រឿងញៀន ដែល​ជា​បញ្ហា​ស្មុគស្មាញ និង​មាន​គ្រោះថ្នាក់​បំផុត​នោះ លោក​បាន​ដឹកនាំ​កម្លាំង​តាម​បណ្ដា​ខណ្ឌ​ទាំង​១២ ក្នុង​រាជធានី​ភ្នំពេញ ចុះ​ធ្វើការ​ស្រាវជ្រាវ​ចាប់​ឃាត់ខ្លួន​ជនសង្ស័យ​ជា​បន្តបន្ទាប់​ទាំង​៣៩​នាក់ ក្នុង​នោះ​មាន​ស្រី ០៧​នាក់...