ភ្នំពេញ​៖ ​ជន​សង្ស័យ​ម្នាក់​ត្រូវ​បាន​កម្លាំង​កង​រាជ​អាវុធហត្ថ​ខណ្ឌដូនពេញ ​ឃាត់ខ្លួន​ម៉ោង​០៧:៣០​នាទី​ថ្ងៃទី​០៤ ខែតុលា ឆ្នាំ២០១៥ ចំណុច​សួនច្បារ​មាត់​ទន្លេ​កន្លែង​ហាត់ប្រាណ ​ផ្លូវ​១៤៨​កែង​ស៊ីសុវត្ថិ សង្កាត់​ផ្សារ​កណ្ដាល​១ ខណ្ឌដូនពេញ​។​ លោក លី គឹម​ឡេង មេបញ្ជាការ​រង​អាវុធ​អាវុធហត្ថ​ខណ្ឌដូនពេញ​បាន​ឲ្យ​ដឹង​ថា​ ជនសង្ស័យ​ឈ្មោះ ដួង វុទ្ធី ហៅ​ម៉ៅ ភេទ​ប្រុស អាយុ​១៨​ឆ្នាំ ទីលំនៅ​ និង​មុខរបរ​មិន​ពិតប្រាកដ។ ​ត្រូវ​បាន​ដកហូត​វត្ថុ​តាង​ទូរស័ព្ទ​របស់​ជន​រង​គ្រោះ​ម៉ាក​ IPhone C ពណ៌​ខៀវ បច្ចុប្បន្ន​បាន​ប្រគល់​ជូន​ជនរងគ្រោះ​វិញ​ហើយ​។​ ចំណែក​ជនរងគ្រោះ​ឈ្មោះ ASHER GALLON ជនជាតិ​អូស្ត្រាលី អាយុ​២២​ឆ្នាំ ជា​ភ្ញៀវ​ទេសចរ​ស្នាក់នៅ SAME SAME Guest...

កណ្ដាល​៖ បុរស​ម្នាក់​បាន​ត្រូវ​រន្ទះបាញ់​ស្លាប់​យ៉ាង​អាណោចអាធ័ម ខណៈ​ដែល​បុរស​រង​គ្រោះ​រួម​នឹង​បងប្អូន ​២​នាក់​ទៀតចេញ​ទៅ​រក​ក្តាម ខ្យង នៅក្នុង​ស្រែ​ខាងត្បូង​ផ្ទះ​នៅពេល​មេឃ​កំពុង​ភ្លៀង។ ហេតុការណ៍​នេះ​កើតឡើង​កាលពី​វេលា​ម៉ោង ១៣​ និង​១៥​នាទី ថ្ងៃ​ទី ០៣ ខែតុលា ឆ្នាំ​២០១៥ ស្ថិត​នៅ​ក្នុង​ភូមិធំ ឃុំ​ក្រាំង​យ៉ូ​វ ស្រុក​ស្អាង ខេត្តកណ្តាល។​ ​ជនរងគ្រោះ​ឈ្មោះ នៅ យី ភេទ​ប្រុស អាយុ​៤២​ឆ្នាំ នៅ​ភូមិ​តា​គល់ ឃុំ​ក្រាំង​យ៉ូ​វ ស្រុក​ស្អាង ខេត្តកណ្តាល មុខ​របរ​កសិករ (​ស្លាប់​នៅ​កន្លែង​កើត​ហេតុ​មាន​ស្នាម​នៅ​ស្មា​ខាងស្តាំ​ខ្នង ​និង​ចង្កេះ​)​។​ ​បើ​តាម​ប្រ​ភ​ព័ត៌មាន​ពី​ប្រជាពលរដ្ឋ​ក្បែរ​កន្លែង​កើត​ហេតុ​បាន​ឲ្យ​ដឹង​ថា នៅ​វេលា​កើតហេតុ​ខាងលើជនរងគ្រោះរួម​នឹង​បងប្អូន​ ២​នាក់​ទៀត​បាន​ចេញ​ទៅ​រក​ក្តាម ខ្យង នៅក្នុង​ស្រែ​ខាងត្បូង​ផ្ទះ ខណៈ​ដែល​មេឃ​កំពុង​ភ្លៀង​។ ពេល​អ្នក​ទាំង...

​កំពង់ឆ្នាំង​៖ នៅ​ម៉ោង ​៣ ​និង​២៥​នាទី​ល្ងាច ថ្ងៃទី​០៣ ខែតុលា ឆ្នាំ​២០១៥ នៅ​លើ​ផ្លូវជាតិ​លេខ​៥ ស្ថិតនៅ​ក្នុងភូមិ​អង្គ​ ឃុំ​ពពេល ស្រុក​បរិបូណ៌ ខេត្តកំពង់ឆ្នាំង ថ្នាំញៀន ​W5 ចំនួន ​៥០​កញ្ចប់​មាន​ចំនួន ១០.១០០​គ្រាប់​ស្មើ​នឹង​០,៩២៣​គីឡូក្រាម អ្នក​ជួញ​ដូរ​ប្រុស​ស្រី​៣​នាក់ ​និង​រថយន្ត​ទូ​រី​ស​ ១​គ្រឿង​ត្រូវ​បាន​សមត្ថកិច្ច​ចំរុះ មាន​នគរបាល​ក្រសួងមហាផ្ទៃ​សហការ​ជាមួយ​សមត្ថកិច្ច​នគរ​បាល​ខេត្ត និង​ស្រុក​បរិបូណ៌មានការ​ចូលរួម​ពី​លោក​ព្រះរាជ​អាជ្ញា​រង​អម​សាលាដំបូង​ខេត្ត សហការ​បើក​យុទ្ធនាការ​បង្ក្រាប​ករណី​គ្រឿងញៀន​ដ៏​ធំ​មួយ​។​ ​​នគរបាល​ការិយាល័យ​កណ្ដាល​ប្រឆាំង​បទល្មើសបាន​អោយ​ដឹង​ថា​ ករណី​បង្ក្រាប​គ្រឿងញៀន​នេះ​ដឹកនាំ​ដោយ លោក​វរសេនីយ៍ឯក ​ពៅ​ សំ​អេង នាយករង​មន្ទីរ​ប្រឆាំង​គ្រឿងញៀន​ក្រសួងមហាផ្ទៃ មាន​សហការី​ចូលរួម​១០​នាក់ សម្របសម្រួល​ក្នុង​កិច្ចប្រតិបត្តិការ​ដោយ​លោក ឡុង ស៊ីថា ព្រះរាជ​អាជ្ញា​រង​អម​សាលាដំបូង​ខេត្ត សហការ​ជាមួយ​នគរបាល​ប្រឆាំង​គ្រឿងញៀន​ខេត្ត...

​ព្រះសីហនុ​៖ ​ជនសង្ស័យ​ប្រុស ស្រី​ចំនួន ០៤​នាក់​ត្រូវ​បាន​កម្លាំង​ការិយាល័យ​ប្រឆាំង​គ្រឿងញៀន​ នៃ​ស្នងការដ្ឋាន​នគរបាល​ខេត្ត​ព្រះសីហនុធ្វើការ​បង្ក្រាប​ករណី​ជួញដូរ និង​ប្រើប្រាស់​គ្រឿងញៀន​មួយ​កន្លែងកាលពី​វេលា​ម៉ោង​១៥​និង​២០​នាទី ថ្ងៃទី​០៣ ខែតុលា ឆ្នាំ​២០១៥ មាន​ទីតាំង​ស្ថិត​ក្នុង​ក្រុម​ទី​៧ ភូមិ​៤សង្កាត់​លេខ​៤ ក្រុង​ខេត្ត​ព្រះសីហនុ​។ ​​លោក​វរសេនីយ៍ឯក សាន់ ប៊ុនថន ស្នង​ការ​រង​នៃ​ស្នងការដ្ឋាន​នគរបាល​ខេត្ត​ព្រះសីហនុ ទទួលបន្ទុក​ប្រធាន​ការិយាល័យ​កណ្ដាល​ប្រឆាំង​បទល្មើស​បាន​ឱ្យ​ដឹង​ថា ជនសង្ស័យ​ប្រុស ស្រី​ទាំង ០៤​នាក់​នេះជា​មុខសញ្ញា​ដែល​កម្លាំង​ជំនាញ​នៃ​ស្នងការដ្ឋាន​នគរបាល​ខេត្ត​ព្រះសីហនុធ្វើការ​តាមដាន និង​ស្រាវជ្រាវ​ជា​យូរ​មក​ហើយ​។​ ជនសង្ស័យ​ទី​១ មានឈ្មោះ បាន ជៀន ភេទ​ប្រុស ​អាយុ៣០​ឆ្នាំ មុខរបរ​មិន​ពិតប្រាកដ ស្រុកកំណើត​ភូមិ​កំពង់ស្វាយ ស្រុក​កំពង់ស្វាយ ខេត្តកំពង់ធំ ទីលំនៅមិន​ពិតប្រាកដ។ ២ ឈ្មោះ ណែម...

ភ្នំពេញ៖ នាយ​ឧត្តម​សេនីយ៍​កិត្តិ​បណ្ឌិត​ ហ៊ីង ​ប៊ុន​ហៀង​ និង​លោក​ ជំទាវ​ ប៉ែន​ ចាន្នី​ នៅ​ព្រឹ​កថ្ងៃ​ទី​ ០៣​ ខែ​ តុលា ឆ្នាំ២០១៥នេះ បាន​អញ្ជើ​ញជា​អធិបតីភាព​ក្នុង​ពិធី​បង្សុ​កូល ​រាប់​បាត្រ​ ព្រះសង្ឃ ​ចំនួន​១០៨​ អង្គ ​ និ​ងគោរព​វិញ្ញាណ​ក្ខ័ន្ធ ​ឧទ្ទិស​កុសល​ជូន​ដល់​យុទ្ធ​មិត្ត​ ក្នុ​ងបញ្ជាការ​ដ្ឋាន​អង្គ​រក្ស​ ដែលបា​ន​ពលី​មរណៈ​ក្នុង​បុព្វហេតុការ​ពារ​ជាតិ​មាតុ​ភូមិ​ ។ នាយ​ឧត្តម​សេនីយ៍ ហ៊ីង ​ប៊ុន​ហៀង​ បាន​លើក​ឡើង​ពី​វីរ​ភាព​ដ៏​អង់​អាច​ក្លាហាន​ក្នុង​បុព្វ​ហេតុការ​ពារ​ជាតិ​មាតុភូ​មិ និង​ថ្លែង​ការ​កោត​សរសើរ ​នូវ​ទឹក​ចិត្ត​ដ៏​មុះ​មុត ​ប្រយុទ្ធ​ការ​ពារបូរណភាព​ទឹក​ដី​មិន​រា​ថយ​ឡើយ​។ ក្នុង​ពិធី​នេះ​ដែរ នាយ​ឧត្តម​សេនីយ៍ ហ៊ីង​ ប៊ុន​ហៀង​ បានបួ​ងសួ​ង​ដល់​វិញ្ញាណក្ខ័​ន្ធ ​នាយ​ ពល​ទាហាន​ទាំង​អស់​ទៅ​កាន់​សុខ​គតិ​ភព​កុំ​បីឃ្លៀង​ឃ្លាត​ឡើយ​៕

​បាត់ដំបង ៖ បុរស​ម្នាក់​ដែល​ជា​ជនរងគ្រោះ​បាន​រង​របួស​រហូត​ដេក​ស្តូកស្តឹង​នៅ​កណ្ដាល​ទ្រូងផ្លូវ តាម​ខ្សែបន្ទាត់​ព្រំដែន ស្ថិត​ត្រង់​ចំនុច​ត្រាវ​ជូរ ក្នុងភូមិ​អូរ​ចំណិត ឃុំ​សន្តិភាព​​ស្រុក​សំពៅ​លូន ខេត្តបាត់ដំបង កាលពី​វេលា​ម៉ោង​៩​និង​៣០​នាទី ព្រឹក​ថ្ងៃទី​២ ខែតុលា​​ឆ្នាំ​២០១៥ ខណៈ​ដែល​ជនរងគ្រោះ​កំពុង​ជិះ​ម៉ូតូ​មិនបាន​ប្រុងប្រយ័ត្ន ក៏​បុក​ទៅលើ​រថយន្ត​មួយ​គ្រឿង​ដែល​បត់​ឆ្វេង​កាត់​ពីមុខ ។​ ​ប្រជាពលរដ្ឋ​ដែល​នៅ​ក្បែរ​ចំនុច​កើត​ហេតុ​បាន​និយាយ​ថា នៅ​មុន​ពេល​កើតហេតុ​គឺ​មាន​​រថយន្ត​មួយ​គ្រឿង​ម៉ាក​កាម​រី​ឆ្លាម ពណ៌​ឆ្លូញ ពាក់​ស្លាក​លេខ បាត់ដំបង​2A-0512 បាន​​បើកបរ​យ៉ាង​លឿន​ក្នុង​ទិសដៅ​ពី​លិចទៅ​កើត​តាម​បណ្តោយ​ផ្លូវ​ជិត​ខ្សែបន្ទាត់​ព្រំដែន​​កម្ពុជា ថៃ ។​ ​ប្រភព​ដដែល​បាន​បន្ត​ថា នៅពេល​នោះ​ដែរ​ក៏​មាន​ម៉ូតូ​មួយ​គ្រឿង​ម៉ា​ក​វេ​វ ពណ៌​ក្រហម ខ្មៅ​​គ្មាន​ស្លាក​លេខ ក៏បាន​បើកបរ​យ៉ាង​លឿន​តាម​ពីក្រោយ​រថយន្ត​នោះ​ដែរ ដោយ​ក្នុង​គោលដៅ​ស្រប​ទិស​គ្នា​លុះ​ពេល​ដែល​រថយន្ត​មកដល់​ត្រង់​ចំនុច​កើតហេតុ​ដែល​ជា​ចំនុច​ផ្លូវបំបែក​ក៏​ស្រាប់តែ​រថយន្ត​នោះ​បាន​បត់​ឆ្វេង​ដោយ​មិន​មាន​ផ្តល់​សញ្ញា​អ្វី​ទាំងអស់ ទើប​បណ្តាល​អោយ​ម៉ូតូ​ដែល​កំពុង​បើកបរ​តាម​ពីក្រោយ​បុក​យ៉ាង​ពេញទំហឹង​ទៅលើ​ក្បាល​រថយន្ត​តែម្តង​និង​ធ្វើអោយ​ម៉ូតូ​នៅ​ជាប់​ពីលើ​ក្បាល​រថយន្ត​នោះ ចំណែក​អ្នកបើកបរ​ម៉ូតូ​បាន​រង​របួស​យ៉ាង​ធ្ងន់ និង​ត្រូវ​ដេក​ស្តូកស្តឹង​កណ្ដាល​ទ្រូងផ្លូវ​ផង​ដែរ ។​ ​ក្រោយពី​សមត្ថកិច្ច​មូល​ដ្ឋាន​បាន​ចុះ​ទៅដល់​ត្រង់​ចំនុច​កើត​ហេតុ គឺ​បាន​ជ្រុលពេល​ទៅ​ហើយ​ព្រោះ​អ្នកបើកបរ​រថយន្ត​បាន​រត់​គេច​ខ្លួន​បាត់ស្រមោល រីឯ​ជនរងគ្រោះ​ក៏​ត្រូវ​បាន​ប្រជាពលរដ្ឋ​ជួយ​ដឹក​បញ្ជូន​ទៅកាន់​មន្ទីរ​ពេទ្យ​ដើម្បី​សង្គ្រោះ​ទៅ​ហើយ​ដែរ ទើប​សមត្ថកិច្ច​បាន​ធ្វើ​ការ​វាស់វែង​ទីតាំង​កើតហេតុ ព្រមទាំង​បាន​នាំ​យក​មធ្យោបាយ​ធ្វើដំណើរ​ទាំងពីរ​គ្រឿង​ទៅ​រក្សា​ទុក​នៅ​អធិការដ្ឋាន​ជា​បណ្ដោះអាសន្ន​រង់ចាំ​ដោះស្រាយ​ជា​ក្រោយ ៕​

​ភ្នំពេញ ​៖ ​នៅ​វេលា​ម៉ោង​ ៩​និង​៣០​នាទី ព្រឹក​ថ្ងៃទី​០២ ខែតុលា​នេះ នៅ​ទី​ស្តី​ការ​ក្រសួង​ឯកឧត្តម​ ខៀវ កាញា​រីទ្ធ​ រដ្ឋមន្ត្រីក្រសួង​ព័ត៌មាន ​ បាន​អនុញ្ញាត​ឱ្យ​ក្រុម​យុវជន​វ័យក្មេង​ប្រចាំ​ស្រុក​កោះសូទិន ខេត្តកំពង់ចាម ដឹកនាំ​ដោយ​លោក លឹម គុណ​វុ​ឌ្ឍ ​ប្រធាន​ក្រុម​បង្គោល​យុវជន​វ័យក្មេង​និង​ជា​មេ​បញ្ជាការ​រង​យោធភូមិភាគ​៥ ចូល​ជួប​សម្ដែង​ការគួរសម និង​សុំ​អនុសាសន៍​មួយចំនួន​សម្រាប់​ជា​ទុន​ក្នុង​ការ​ពង្រឹង​យុវជន​នៅ​ថ្នាក់​មូលដ្ឋាន​។ ​លោក លឹម គុណ​វុ​ឌ្ឍ ប្រធាន​ក្រុម​បង្គោល​ប្រចាំ​ស្រុក​កោះសូទិន ជាមួយនឹង​ការ​សម្ដែង​ការគួរសម និង​ជំរាប​ជូន​ពី​ផែនការ​សកម្មភាព​រីក​ចម្រើន និង​បញ្ហា​ប្រឈម​របស់​យុវជន​នៅ​មូលដ្ឋាន​ក្នុង​ទូទាំង​ស្រុក​កោះសូទិន​រួចមក លោក​ក៏បាន​ស្នើសុំ​អនុសាសន៍​ល្អៗ​មួយចំនួន ពី​លោក​រដ្ឋមន្ត្រីក្រសួង​ព័ត៌មាន សម្រាប់​ជា​ទុន​ដល់​ការ​ពង្រឹង​ក្រុម​យុវជន​នៅ​ថ្នាក់​មូលដ្ឋាន ដើម្បី​ត្រៀម​សម្រាប់​ការបោះឆ្នោត​នា​ឆ្នាំ​២០១៧-២០១៨​ខាងមុខ​ឲ្យ​ទទួល​បាន​ជោគជ័យ​។ ​រដ្ឋមន្ត្រីក្រសួង​ព័ត៌មាន ឯកឧត្តម​ ខៀវ កាញារីទ្ធ ក៏បាន​សរសើរ​ដល់​កិច្ច​ខិតខំ​ប្រឹងប្រែង​រប​ស់​យុវជន​ប្រចាំ​ស្រុក​កោះសូទិន​កន្លងមក ព្រមទាំង​បានផ្តល់​អនុសាសន៍​ល្អៗ​ដល់​ក្រុម​យុវជន​វ័យក្មេង​ប្រចាំ​ស្រុក​កោះសូទិន យកចិត្តទុកដាក់​លើ​ការងារ​យុវជន​នៅ​មូលដ្ឋាន...

​រតនគីរី ៖ ប្រជាពលរដ្ឋ​ក្នុង​ខេត្ត​រតនគីរី ​បាន​រិះគន់​ថា​កន្លងមក​សមត្ថកិច្ច​បង្ក្រាប​តែ​ឈ្មួញ​តូចតាច ដែល​ដឹកជញ្ជូន​ឈើ​ប្រណី​តទៅ​លក់​នៅ​វៀតណាម​ប៉ុណ្ណោះ​ចំណែក​ឈ្មួញ​ធំៗ​ដែល​មាន​ខ្នងបង្អែក​ក្រាស់ៗ​នៅតែ​អាច​ដឹកជញ្ជូន​ឈើ​ទៅ​លក់​នៅ​វៀតណាម​យ៉ាង​អនាធិបតេយ្យ​។ ជាក់ស្ដែង​ឈ្មោះ ឡាំ វង់​ ដែល​គេ​ស្គាល់​ថា​ជា​កូនប្រុស​លោក ប៊ូ ​ឡាំ ​តំណាងរាស្ត្រ​ខេត្ត​រតនគីរី កំពុង​ធ្វើ​សកម្មភាព​ដឹកជញ្ជូន​ឈើ​ប្រណី​តទៅ​លក់​នៅ​ប្រទេស​វៀតណាម ដោយ​គ្មាន​សមត្ថកិច្ច​ណា​ប៉ះពាល់​ឡើយ​។ មន្ត្រី​រដ្ឋបាល​ព្រៃឈើ ក៏ដូចជា​សមត្ថកិច្ច​ចម្រុះ​តាម​ដងផ្លូវ​បាន​រក្សា​ភាព​ស្ងប់ស្ងាត់​ពេល​ដែល​ឈ្មោះ ឡាំ វង់ ប្រើប្រាស់​រថយន្ត​ទំនើបៗ​ដឹកជញ្ជូន​ឈើ​ប្រណី​តទៅ​លក់​នៅ​ស្រុក​យួន​តាម​អំពើ​ចិត្ត​។​ ​ប្រភព​ពី​សមត្ថកិច្ច​ពាក់ព័ន្ធ​នៅក្នុង​ស្រុក​វ៉ឺ​ន​សៃ ​បាន​ឲ្យ​ដឹង​ថា​មួយ​រយៈពេល​កន្លង​ទៅ​នេះ ​ឈ្មោះ ​ឡាំ វង់​ អាង​អំណាច​ឪពុក​ខ្លួន​ជា​តំណាងរាស្ត្រ​ បាន​ធ្វើ​សកម្មភាព​ដឹកជញ្ជូន​ឈើ​ចេញពី​ទីតាំង​ស្តុក​ឈើ​មួយ​កន្លែង​នៅ​ភូមិ​ភ្នំ​កុក ឃុំ​វ៉ឺ​ន​សៃ ​ស្រុក​វ៉ឺ​ន​សៃ ​យ៉ាង​គគ្រឹកគគ្រេង​គ្មាន​សមត្ថកិច្ច​ណា​ហ៊ាន​ប៉ះពាល់​ទេ​។ ប្រភព​បាន​ឲ្យ​ដឹង​ទៀត​ថា ឈ្មោះ ឡាំ វង់ បាន​ប្រើប្រាស់​រថយន្ត​២​គ្រឿងក្នុង​ការ​ដឹក​ជញ្ជូន​ឈើ​ប្រណីត​ចេញពី​ស្រុក​វ៉ឺ​ន​សៃ ​ឆ្លងកាត់​ក្រុង​បាន​លុង យក​ទៅ​លក់​នៅ​ប្រទេស​វៀតណាម​តាម​អំពើ​ចិត្ត​ក្នុង​នោះ​រថយន្ត​១​គ្រឿង​ម៉ាក​ហ្វ័​រី​ន័​រ​ ពាក់​ស្លាក​លេខ​ភ្នំពេញ​2L-5198និង​១​គ្រឿង​ទៀត​ម៉ាក​តា​កូ​ម៉ា ១​បាំង​កន្លះ​ដឹកជញ្ជូន​ឈើ​ទៅ​លក់​នៅ​ស្រុក​យួន​តាម​ច្រក​អន្តរជាតិ​អូរ​យ៉ា​ដាវ...