Home ភាពយន្ដ រឿង«ម៉ាឡែនម៉ាលីន» បញ្ចាំងភាគបញ្ចប់យប់នេះ! ម៉ាឡែន ពិតជាត្រូវស្លាប់មែនឬ ?

រឿង«ម៉ាឡែនម៉ាលីន» បញ្ចាំងភាគបញ្ចប់យប់នេះ! ម៉ាឡែន ពិតជាត្រូវស្លាប់មែនឬ ?

បានទស្សនាខ្សែរឿងជីវិត «ម៉ាឡែនម៉ាលីន»ភាគទី១២ហើយ ហ្វេនគ្រប់គ្នាពិតជាកម្សត់ស្រក់ទឹកភ្នែក ទៅតាមសាច់រឿងកាលពីយប់មិញនេះ។ ម្នាក់ៗពោលពាក្យអាណិតចំពោះ ម៉ាឡែន ដែលព្យាយាមលះបងគ្រប់បែបយ៉ាងដើម្បីប្អូនស្រី សូម្បីតែជីវិត។ ម៉ាឡែន ពិតជាចង់ឃើញប្អូនស្រីរស់នៅបានសុខ មានការសិក្សាខ្ពង់ខ្ពស់ និងមានអនាគតជាមួយបុរសដែលប្អូនស្រឡាញ់ពេញចិត្ត។ តែនៅមានរ៉ាវរឿងជាច្រើនដែលធ្វើឱ្យអ្នកទស្សនានឹកស្មានមិនដល់។

យប់មិញនេះ ត្រង់ឈុតដែល រ៉ាយុទ្ធ បានឃើញរូបថតរបស់ ម៉ាឡែន ហើយដឹងថា នាងជាបងស្រីបង្កើតរបស់ ម៉ាលីន ភ្លាមៗនោះ រ៉ាយុទ្ធស្រាប់តែភ្លាក់ខ្លួនភ្លែត នឹកឃើញពីកំហុសរបស់ខ្លួនធ្លាប់បានសាងទៅលើ ម៉ាឡែន។ រ៉ាយុទ្ធ ដឹងខ្លួនថា លោកធ្លាប់ស្បថចំពោះមុខ ម៉ាឡែន នៅមុខប្រាសាទអង្គវត្ត ហើយធ្លាប់បានសន្យាថាមើលថែនាង ស្រឡាញ់នាង នឹងមិនបោះបង់នាង។ ក៏ប៉ុន្ដែនៅទីបំផុត រ៉ាយុទ្ធ បែរជាបំពានពាក្យសម្ដីរបស់ខ្លួន ព្រោះតាមសម្ដីម្ដាយ ហើយងាកមកមានទំនាក់ទំនងស្នេហាជាមួយម៉ាលីនជាប្អូនស្រី ម៉ាឡែន។

ចំណែក ម៉ាឡែន ឯណេះវិញ ព្យាយាមរត់គេចពីប្អូនស្រី ដើម្បីមិនចង់ដាក់បន្ទុកលើប្អូនស្រីខ្លួន នឹងមិនចង់ឱ្យប្អូនឈឺចាប់ខ្លាំងជាងនេះ នៅពេលដែលឃើញពីសភាពបងស្រីកាន់តែធ្លាក់ខ្លួនទ្រុតទ្រោម។ ម៉ាឡែន ក្លែងធ្វើជាមិនស្គាល់ ម៉ាលីន នឹងបញ្ចេញចរិតស្អប់ ម៉ាលីន ខ្លាំងពេញទំហឹង មិនព្រមទៅតាមនាងមកតាមខ្លួនឡើយ។ ម៉ាលីន បានត្រឹមតែស្រែកយំ រត់តាមបងស្រី អង្វរបងស្រីកុំឱ្យចេញទៅតែប៉ុណ្ណោះ។ តែយ៉ាងណាមិញ ម៉ាលីន នៅតែបន្ដតាមរក ម៉ាឡែន រហូតដល់ទាល់តែឃើញ ទើបនាងអស់ចិត្ត។

ភាគបញ្ចប់នៃខ្សែរឿងជីវិត «ម៉ាឡែនម៉ាលីន»បានមកដល់ហើយ តាមរយៈវីដេអូដែលបានបង្ហាញឈុត Teaser ធ្វើឱ្យគេឃើញថា ម៉ាលីន ដឹងថាខ្លួនកំពុងរៀបការជាមួយបុរសក្បត់ចិត្តបងស្រី ហើយរ៉ាយុទ្ធ ចាប់ផ្ដើមបន្ទោសម្ដាយថា រឿងគ្រប់យ៉ាងកើតឡើងដោយសារកំហុសម្ដាយ។ ម៉ាលីន តាមរកម៉ាឡែនជាបងស្រីដល់ទីបំផុត រហូតបានជួបបងស្រីក្នុងសភាពឈឺធ្ងន់ជ្រុះសក់អស់។ តើហ្វេនទាំងអស់គ្នាអាចទាយបានទេថា ចុងបញ្ចប់នៃរឿង «ម៉ាឡែនម៉ាលីន» រ៉ាយុទ្ធ បានរៀបការជាមួយ ម៉ាលីនទេ ? ចុះម៉ាឡែន នៅមានជីវិតរស់ជាមួយប្អូនស្រីទេ? ហើយម៉ាលីន ហេតុអ្វីបានជាជ្រុះសក់ដូចបងស្រីដែរ? ចម្លើយនឹងមានបកស្រាយនៅយប់នេះ ភាគបញ្ចប់ខ្សែរឿងជីវិត «ម៉ាឡែនម៉ាលីន» កុំឱ្យខកខានឱ្យសោះ ផ្សាយជូនទស្សនាយប់នេះ វេលាម៉ោង ៩ យប់ នៅលើកញ្ចក់ទូរទស្សន៍បាយ័ន និងមាន Live ផ្ទាល់លើ Facebook និង Youtube Sastra Film៕

អត្ថបទ៖ វិសិដ្ឋ អេបិល (The Selapak)

ប្រភពពី: Sastra Film

អត្ថបទពេញនិយម

រឿនណាត និងពុទ្ធិស័ក្ត សម្តែងរឿងភាគបុរាណ «ព្រះនាងមុខធ្យូង» បញ្ចាំងខែក្រោយលើកញ្ចក់ទូរទស្សន៍បាយ័ន!

អតីតបវរកញ្ញាចក្រវាលកម្ពុជាឆ្នាំ២០១៨ កញ្ញា រឿន ណាត និង​តារាប្រុសរូបសង្ហា លោក ពឹង ពុទ្ធិស័ក ធ្លាប់សាងភាពល្បីល្បាញយ៉ាងខ្លាំងក្នុងការចាប់ដៃគូសម្តែងរួមគ្នាក្នុងភាពយន្តជីវិតរឿង«សង្សារចាស់» របស់ផលិតកម្មសាស្រ្តាហ្វៀម(Sastra Film)។

សម្តេចតេជោ ហ៊ុន សែន នឹងមានវត្តមានអញ្ជើញបើកវេទិកាទេសចរណ៍អាស៊ាននៅក្រុងព្រះសីហនុ

តាមកម្មវិធីដែលបានគ្រោងទុក គឺនៅវេលាម៉ោង៦ នាល្ងាចថ្ងៃទី១៨ ខែមករា នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណចក្រកម្ពុជា និងជាប្រធានអាស៊ានផងនោះ នឹងអញ្ជើញជាអធិបតីបើកវេទិកាទេសចរណ៍អាស៊ានលើកទី៤០ (ATF 2022) ឆ្នាំ២០២២ ដែលរៀបចំធ្វើឡើងនៅខេត្តព្រះសីហនុ។

សម្ដេចតេជោ ហ៊ុន សែន ស្នើឲ្យជួយជំរុញ និងគាំទ្រទីម័រលេស្ដ ចូលជាសមាជិកអាស៊ាន!

នៅក្នុងជំនួប ជាមួយអគ្គលេខាធិការអាស៊ាន សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងអំពីសមាជិកភាព របស់ទីម័រលេស្ដ នៅក្នុងតំបន់អាស៊ាន ដោយសម្ដេចតេជោ បានគូសបញ្ជាក់ថា យើងបានធ្វើការងារនេះ រយៈពេល ១១ឆ្នាំហើយ។

អីយ៉ាៗ! ស្រីស្រស់ប្រុសសង្ហា ព្រីន និងរចនា រ៉ាវ៉ាឌី ដឹកដៃគ្នាមកស្វីត ដល់កម្មវិធីតន្ត្រី ខារ៉ាបាវ

តួឯកប្រុសស្រីក្នុងរឿង «មេម៉ាយសម្បូរស្នេហ៍» លោក ព្រីន និងកញ្ញា រចនា រ៉ាវ៉ាឌី កំពុងត្រៀមខ្លួនរួចជាស្រេចដើម្បីចូលរួមក្នុងកម្មវិធីតន្ត្រី ខារ៉ាបាវ សប្តាហ៍នេះ។