Home ភាពយន្ដ ភាពយន្ដខ្មែរ ភ្លេច នាយទី និងទែនទែន នៅ! ម្ដងនេះ ដឹកដៃគ្នាមកផ្អែមល្ហែមដល់កម្មវិធី Let’s Chat Don’t Cheat

ភ្លេច នាយទី និងទែនទែន នៅ! ម្ដងនេះ ដឹកដៃគ្នាមកផ្អែមល្ហែមដល់កម្មវិធី Let’s Chat Don’t Cheat

រម្លឹកពីសាច់រឿង «ក្រមុំមុខពីរ» មានទស្សនិកជនមួយចំនួនធំ ប្រហែលនៅជាប់ចិត្តឌិតអារម្មណ៍ជាមួយនឹងតួអង្គសម្ដែង នាយទី និងនាង ទែនទែន នៅឡើយទេ ព្រោះថាតួអង្គមួយគូនេះហើយ ដែលធ្វើឱ្យសាច់រឿងទាំងមូលមានភាពរស់រវើកខ្លាំង។

ដូច្នេះនេះហើយ ដើម្បីកុំឱ្យទស្សនិកជន ក៏ដូចជាហ្វេនៗរបស់ នាយទី និងនាងទែន ភ្លេចមុខ ខាងទូរទស្សន៍ បាយ័ន បានអញ្ជើញតារាប្រុសស្រីទាំងពីររូបចូលរួមកម្មវិធី «Let’s Chat Don’t Cheat» សម្រាប់សប្តាហ៍នេះ។
បើនិយាយពីឈុតឆាកក្នុងរឿងវិញ នាយទី និងនាងទែន ឈ្លោះគ្នាព្រឹកល្ងាច តាំងពីផ្តើមភាគដំបូងមកម្លេះ ពិសេសចរិតរបស់បងធំ ទែនទែន គឺថាកំពូលកាចឆ្នាស់គ្មានគូប្រៀបទេ។

ក្នុងរឿង និងក្រៅសាច់រឿងខុសគ្នា នាងទែន ដែលសម្ដែងដោយកញ្ញា ព្រះកាយច័ន្ទ ជាមួយនាយទី សម្ដែងដោយលោក ទ្រី ដារាវុធ តាមពិតមិនពូកែឈ្លោះគ្នាអីប៉ុន្មានទេ តាមពិតគួរឱ្យស្រឡាញ់ទាំងពីរហ្នឹង។ ម្នាក់ជាប្រុសស្អាត និងម្នាក់ទៀតជាស្រីស្អាត ខាងប្រុសពូកែលួងសម្ដីផ្អែម ចំណែកខាងស្រីរាងឆ្នាស់បន្តិច ប៉ុន្តែ សាកសមគ្នាណាស់។

ជាក់ស្ដែង ទស្សនិកជនអាចមើលឈុតឆាកខ្លីៗពីកម្មវិធី «Let’s Chat Don’t Cheat»​ លេងៗសិនទៅណា។ ធានាថាមានគ្រប់រសជាតិ ឈ្លោះផង ផ្អែមល្ហែមផង និងមានឈុតកំប្លែងសប្បាយៗថែមទៀត។
កុំភ្លេចរង់ចាំទស្សនា Show ពេញនៅសប្តាហ៍នេះ ដែលនឹងឡាយផ្ទាល់ពីផេចទូរទស្សន៍ បាយ័ន ចាប់ពីម៉ោង៩ | ១០យប់ ថ្ងៃអាទិត្យ៕

អត្ថបទដោយ៖ Ha Ti


អត្ថបទពេញនិយម

រឿនណាត និងពុទ្ធិស័ក្ត សម្តែងរឿងភាគបុរាណ «ព្រះនាងមុខធ្យូង» បញ្ចាំងខែក្រោយលើកញ្ចក់ទូរទស្សន៍បាយ័ន!

អតីតបវរកញ្ញាចក្រវាលកម្ពុជាឆ្នាំ២០១៨ កញ្ញា រឿន ណាត និង​តារាប្រុសរូបសង្ហា លោក ពឹង ពុទ្ធិស័ក ធ្លាប់សាងភាពល្បីល្បាញយ៉ាងខ្លាំងក្នុងការចាប់ដៃគូសម្តែងរួមគ្នាក្នុងភាពយន្តជីវិតរឿង«សង្សារចាស់» របស់ផលិតកម្មសាស្រ្តាហ្វៀម(Sastra Film)។

សម្តេចតេជោ ហ៊ុន សែន នឹងមានវត្តមានអញ្ជើញបើកវេទិកាទេសចរណ៍អាស៊ាននៅក្រុងព្រះសីហនុ

តាមកម្មវិធីដែលបានគ្រោងទុក គឺនៅវេលាម៉ោង៦ នាល្ងាចថ្ងៃទី១៨ ខែមករា នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណចក្រកម្ពុជា និងជាប្រធានអាស៊ានផងនោះ នឹងអញ្ជើញជាអធិបតីបើកវេទិកាទេសចរណ៍អាស៊ានលើកទី៤០ (ATF 2022) ឆ្នាំ២០២២ ដែលរៀបចំធ្វើឡើងនៅខេត្តព្រះសីហនុ។

សម្ដេចតេជោ ហ៊ុន សែន ស្នើឲ្យជួយជំរុញ និងគាំទ្រទីម័រលេស្ដ ចូលជាសមាជិកអាស៊ាន!

នៅក្នុងជំនួប ជាមួយអគ្គលេខាធិការអាស៊ាន សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងអំពីសមាជិកភាព របស់ទីម័រលេស្ដ នៅក្នុងតំបន់អាស៊ាន ដោយសម្ដេចតេជោ បានគូសបញ្ជាក់ថា យើងបានធ្វើការងារនេះ រយៈពេល ១១ឆ្នាំហើយ។

អីយ៉ាៗ! ស្រីស្រស់ប្រុសសង្ហា ព្រីន និងរចនា រ៉ាវ៉ាឌី ដឹកដៃគ្នាមកស្វីត ដល់កម្មវិធីតន្ត្រី ខារ៉ាបាវ

តួឯកប្រុសស្រីក្នុងរឿង «មេម៉ាយសម្បូរស្នេហ៍» លោក ព្រីន និងកញ្ញា រចនា រ៉ាវ៉ាឌី កំពុងត្រៀមខ្លួនរួចជាស្រេចដើម្បីចូលរួមក្នុងកម្មវិធីតន្ត្រី ខារ៉ាបាវ សប្តាហ៍នេះ។