fbpx
Home ព័ត៌មាន ខេត្ត​សៀមរាប នឹង​រៀបចំ​សៀមរាប​សង្ក្រាន្ត​រយៈពេល​បី​ថ្ងៃ​ នៅ​តំបន់​រមណីយដ្ឋាន​អង្គរ និង​តំបន់​មួយ​ចំនួន​ក្នុង​ក្រុង​សៀមរាប

ខេត្ត​សៀមរាប នឹង​រៀបចំ​សៀមរាប​សង្ក្រាន្ត​រយៈពេល​បី​ថ្ងៃ​ នៅ​តំបន់​រមណីយដ្ឋាន​អង្គរ និង​តំបន់​មួយ​ចំនួន​ក្នុង​ក្រុង​សៀមរាប

សៀមរាប ៖ ​អាជ្ញាធរ​ខេត្ត​រៀបចំ​ធ្វើ​សៀមរាប​សង្ក្រាន្ត នៅ​រមណីយដ្ឋាន​អង្គរ ក្នុង​គោលបំណង​ផ្តល់​ឱកាស​ឲ្យ​យុវជន និង សាធារណជន​ខ្មែរ​ទូទៅ​បាន​ចូលរួម​អបអរសាទរ​ពិធីបុណ្យ​ចូល​ឆ្នាំ​ថ្មី ប្រពៃណី​ជាតិខ្មែរ ក្នុងនាម​មហា​គ្រួសារ​ខ្មែរ​តែមួយ ក្រោម​ស្មារតី​សុខដុម សប្បាយរីករាយ ស្មារតី​ខ្មែរ​តែមួយ​អនាគត​តែមួយ និង ដើម្បី​ផ្តល់​ឱកាស​ឲ្យ​យុវជន​ខ្មែរ​ជំនាន់​ក្រោយ បាន​ស្វែងយល់​នូវ​ភាព​រុងរឿង ល្បី​ល្បាញ នៃ​ព្រះរាជាណាចក្រ​កម្ពុជា តាំងពី​សម័យ​មហានគរ​រហូតមកដល់​បច្ចុប្បន្ន និង ឈានទៅ​បន្ត​ថែរក្សា​កេរ្តិ៍មរតក​នេះ​ឲ្យ​បាន​គង់វង្ស​ទៅ​អនាគត។

ម្យ៉ាងទៀត​ ក៏​ជាការ​ទាក់ទាញ​ដល់​ភ្ញៀវ​ជាតិ អន្តរជាតិ ចូល​មក​ទស្សនា​កម្សាន្ត នៅ​តំបន់​រមណីយដ្ឋាន​ទេសចរណ៍​វប្បធម៌​ធម្មជាតិ​ប្រវត្តិសាស្ត្រ ដែល​សម្បូរ​ទៅ​ដោយ​ប្រាង្គ​ប្រាសាទ។ នេះបើយោងតាម​កិច្ច​ប្រជុំ កាលពី​រសៀល​ថ្ងៃ​ទី​០២ ខែ​មីនា ឆ្នាំ​២០២០​នេះ នៅ​សាលាខេត្ត​សៀមរាប​ បាន​រៀបចំ​កិច្ច​ប្រជុំ​គណៈកម្មការ​រៀបចំ​សៀមរាប​សង្ក្រាន្ត ក្រោម​កិច្ច​ដឹកនាំ​របស់ លោក ទៀ សីហា អភិបាល​នៃ​គណៈ​អភិបាលខេត្ត និង លោក ប្រាក់ សោ​ភណ្ឌ ប្រធាន​សហភាព​សហព័ន្ធ​យុវជន​កម្ពុជា​ខេត្ត រួម​ទាំង​ លោក​ លោកជំទាវ ជា​គណៈ​អភិបាលខេត្ត ស្នងការ អស់លោក លោកស្រី​ជា​ថ្នាក់ដឹកនាំ​មន្ទីរ អង្គភាព និង សមាជិក​សភាព​សហព័ន្ធ​យុវជន​កម្ពុជា​ខេត្ត​ចូលរួម​ផងដែរ។

សៀមរាប​-​សង្ក្រាន្ត ត្រូវបាន​រៀបចំឡើង​ដោយ​អាជ្ញាធរ​ខេត្ត​សៀមរាប ក្រោម​កិច្ច​ជាមួយ​សាខា​សហ​ភាព​សហព័ន្ធ​យុវជន​កម្ពុជា​ខេត្ត​សៀមរាប អាជ្ញាធរ​ជាតិ​អប្សរា និង បណ្តា​អង្គភាព​ពាក់ព័ន្ធ និង ការ​ចូលរួម​ពី​វិស័យ​ឯកជន សំខាន់​នោះ ​គឺ​កម្លាំង​សមត្ថកិច្ច ការពារ​សន្តិសុខ សុវត្ថិភាព សណ្ដាប់ធ្នាប់​សាធារណៈ ដែល​ក្នុង​នោះ​ក៏​មាន​ការចូលរួម​ដោយ​កងកម្លាំង​ស្ម័គ្រចិត្ត​ប្រជា​ការពារ​ភូមិ​ផង​ដែរ។​

ព្រឹត្តិការណ៍​សៀមរាប​-​សង្ក្រាន្ត​ ឆ្នាំ​២០២០​នេះ ត្រូវ​បាន​រៀបចំ​កណ្ដាល​បេះដូង​ នៃ​ក្រុង​សៀមរាប សម្រាប់​ពេល​រាត្រី នៅ​សួនច្បារ​ព្រះរាជដំណាក់ និង នៅមុខ​អង្គរវត្ត ដោយមាន​កម្មវិធី ល្បែង​ប្រជា​ប្រិយ​ជាច្រើន សម្រាប់​ឲ្យ​ប្រជាពលរដ្ឋ និង​ភ្ញៀវ​ទេសចរ​ចូល​លេង​កម្សាន្ត៕

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។