Home ព័ត៌មាន សម្តេច​តេ​ជោ អំពាវនាវ​ជាថ្មី ឱ្យ​ពលរដ្ឋ​រួមគ្នា​ទប់ស្កាត់​ការឆ្លង​រាលដាល​មេរោគ​កូ​វីដ-​១៩

សម្តេច​តេ​ជោ អំពាវនាវ​ជាថ្មី ឱ្យ​ពលរដ្ឋ​រួមគ្នា​ទប់ស្កាត់​ការឆ្លង​រាលដាល​មេរោគ​កូ​វីដ-​១៩

ភ្នំពេញ ៖ ​សម្តេច​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ​បាន​ធ្វើការ​អំពាវនាវ​ជាថ្មី​ដល់ ​ប្រជាពលរដ្ឋ​ខ្មែរ​ទាំងអស់ ឱ្យ​រួមគ្នា​ទប់ស្កាត់​បង្ការ​កុំ​ឲ្យ​មានការ​ឆ្លង​រាលដាល​មេរោគ​កូ​វីដ–១៩ ​ដោយ​ត្រូវ ​តែ​មាន​អនាម័យ​គ្រប់ពេលវេលា​។

ទោះបី​បញ្ហា​ជំងឺ​កូ​វីដ​១៩ នៅក្នុង​ប្រទេស​កម្ពុជា មាន​ស្ថានភាព​ល្អប្រសើរ ដោយ​មិនមាន​ការឆ្លង​ថ្មី ហើយ​ការព្យាបាល​បានជា​សះស្បើយ​ជា​បន្តបន្ទាប់​ក៏ដោយ តែ​សម្ដេច​តេ​ជោ ហ៊ុន សែន ម្រ​មុខ​រាជ​រដ្ឋា​ភិ បាល​កម្ពុជា នៅតែ​រំឭក​ដាស់តឿន​ប្រជាពលរដ្ឋ ឱ្យមាន​ការប្រុងប្រយ័ត្ន​ជានិច្ច ដោយ​សម្ដេច​តេ​ជោ បាន​ជំរុញ​ឱ្យ​ប្រជាពលរដ្ឋ រាល់​វិនាទី​ និង​ជា​រៀងរាល់ថ្ងៃ ត្រូវ​ចងចាំ និង​យកចិត្តទុកដាក់​ខ្ពស់​បំផុត ចំពោះ សុខភាព ដែលជា​អាយុជីវិត​ផ្ទាល់ខ្លួន ​និង​ក្រុមគ្រួសារ ក្នុងស្ថានភាព ដែល​ប្រទេស​ជាតិ កំពុង​ប្រយុទ្ធ ប្រឆាំង​កម្ចាត់​ជំងឺឆ្លង​កូ​វីដ​–១៩​។ 

សម្ដេច​តេ​ជោ ​បានធ្វើការ​រំលឹក​ដាស់តឿន​ប្រជាពលរដ្ឋ​ដូច្នេះ តាមរយៈ ​ផេ​ក​ហ្វេ​ស​ប៊ុ​ក​ផ្ទាល់​របស់​សម្តេច នៅ​ព្រឹក​ថ្ងៃទី​២១ ខែមេសា នេះ ។

សម្តេច​តេ​ជោ ហ៊ុន សែន បាន​អំពាវនាវ​ដល់​ប្រជាពលរដ្ឋ​ខ្មែរ​ទាំងអស់​ ឱ្យ​យក​ជាប់​តាម​ខ្លួន​រាល់ ពេល​ធ្វើ​ដំណើរ ដូចជា ម៉ាស ទឹក​អាល់កុល ​និង​ជែ​ល​ សម្លាប់​មេរោគ និង​បាក់តេរី​ផ្សេងៗ​។ មួយ​វិញទៀត ត្រូវ​ពាក់​ម៉ាស​ការពារ​គ្រប់​ទីកន្លែង និង​ត្រូវ​ដុសលាង​សម្អាត​ដៃ​មុន​ពេល​ប៉ះពាល់ និង​ក្រោយពេល​ប៉ះពាល់ របស់របរ ឬ​វត្ថុ​អ្វីមួយ​នៅ​តាម​ទីផ្សារ ​និង​តាម​ទីធ្លា​សាធារណៈ ដែល​មិនដឹងថា​តើ​របស់របរ ​និង​សម្ភារ​ទាំង នោះ ត្រូវ​បាន​ប៉ះពាល់​ដោយ​អ្នកមាន​មេរោគ​ឆ្លង​កូ​វីដ​–១៩​ ឬទេ​។

សម្តេច​តេ​ជោ បាន​ប្រាប់​ពលរដ្ឋ ឱ្យ​ការពារ​ខ្លួន កុំ​នាំ​យក​មេរោគ​ឆ្លងទៅ​គេ ​និង​កុំ​នាំ​មេរោគ​ពី​គេ​មក ខ្លួន និង​ទៅកាន់​ក្រុម​គ្រួសារ ហើយ​ត្រូវ​មាន​អនាម័យ​សុខភាព​ខ្ពស់​ជាប្រចាំ​ ហើយ​ត្រូវ​ស្តាប់​តាម​ការណែនាំ របស់​ក្រសួងសុខាភិបាល​ជានិច្ច​ផងដែរ​។​ រហូតមកដល់​ពេលនេះ អ្នក​ឆ្លង​មេរោគ​កូ​វីដ​១៩ នៅ​ប្រទេស​កម្ពុជា ​មាន​ចំនួន​១១០​នាក់​ហើយ ​ដែល​ត្រូវ​បាន​ព្យាបាល​ឱ្យ​ជាសះស្បើយ ​ខណៈ​ចំនួន​១២​នាក់​ទៀត ​កំពុង​សម្រាក​ព្យាបាល ក្រោម​ការ​យក ចិត្ត​ទុកដាក់​ខ្ពស់​ពី​ក្រុមគ្រូពេទ្យ​ជំនាញ​នោះ​៕

អត្ថបទពេញនិយម

ហ្វេនៗកាន់តែរំភើប! ក្រោយរឿងភាគថ្មី យ៉ា សុផាន់ម៉ៃ កាន់តែគៀកថ្ងៃចាក់ផ្សាយលើ កញ្ចក់ទូរទស្សន៍បាយ័ន

រឿង «១០០% គឺស្រឡាញ់» សាច់រឿងថ្មីមួយនេះនឹងរំលេចភាពប្រទាក់ក្រឡាស្នេហាដែលត្រូវឆ្លងកាត់ឧបសគ្គពីការជ្រៀតជ្រែកបំបែកបំបាក់។ ការយល់ច្រឡំ ច្រណែនឈ្នានីសបានធ្វើឱ្យស្នេហាបោកបញ្ឆោតមួយក្លាយទៅជាស្នេហាពិតពោពេញដោយក្ដីស្រលាញ់។

នៅថ្ងៃ១ សីហា! ចៅសម្ដេចតេជោ ហ៊ុន សែន​ជិត ១០ នាក់​នឹងចាក់វ៉ាក់សាំងការ​ពារ​កូវីដ​មុនគេ

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា បានបញ្ជាក់ប្រាប់ឱ្យដឹងថា ចៅៗរបស់សម្ដេច ចំនួន​ជិត​ ១០ នាក់ ដែលដល់អាយុចាក់វ៉ាក់សាំង ហើយនឹងត្រូវចាក់មុនគេ នៅព្រឹកថ្ងៃទី ១ ខែសីហា ខាង​មុខនេះ។

រសជាតិថ្មី រឿង «ភពស្នេហ៍» នឹងធ្វើឱ្យ ទស្សនិកជនជក់ចិត្តមិនចាញ់ រឿង «ប៉ាពីរជើងល្អ» ទេ!

រឿង «ភពស្នេហ៍» ជាសាច់រឿងមួយបង្ហាញពីទំនាក់ទំនងស្នេហា ដែលត្រូវប្រឈមជាមួយនឹងបញ្ហាមិនចេះមិនចេះហើយ ដោយសារតែក្រុមគ្រួសារទាំងសងខាងមិនពេញចិត្ត ពិសេស មានជនទីបីចូលមកជ្រៀជ្រែតក្នុងទំនាក់ទំនាក់មួយនោះ។

ក្នុងភាគបញ្ចប់យប់មិញ តួអង្គសំខាន់ៗ រឿង «ប៉ាពីរជើងល្អ» ចូលខម្មិនលេងសើចជាមួយហ្វេនៗ

ទស្សនិកជន ប្រហែលជាញញឹមបិទមាត់មិនជិតទេ សម្រាប់រឿង «ប៉ាពីរជើងល្អ» នៅក្នុងភាគបញ្ចប់កាលពីយប់មិញនេះ។ ពីព្រោះចុងបញ្ចប់នៃសាច់រឿង ពោរពេញទៅដោយសេចក្តីសុខ ស្នាមញញឹមគ្រួសារ ពិសេសប៉ាៗ វេហា និង ខេមា បានយល់ចិត្តគ្នាវិញ។