Home ព័ត៌មាន កុមារកម្ពុជា អាយុចាប់ពី ១២ ដល់១៧ឆ្នាំ នឹងទទួលការចាក់វ៉ាក់សាំងឆាប់ៗ ក្រោយសេចក្តីប្រកាសសម្ដេចតេជោ ហ៊ុន សែន

កុមារកម្ពុជា អាយុចាប់ពី ១២ ដល់១៧ឆ្នាំ នឹងទទួលការចាក់វ៉ាក់សាំងឆាប់ៗ ក្រោយសេចក្តីប្រកាសសម្ដេចតេជោ ហ៊ុន សែន

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានផ្ញើសារពិសេសមួយជូនជនរួមជាតិ ដែលពាក់ព័ន្ធនឹង​គម្រោ​ង នៃការចាក់វ៉ាក់សាំងបង្ការជំងឺកូវីដ-១៩ជូនកុមារ និងយុវវ័យ អាយុពី១២ ដល់១៧ឆ្នាំ ក្នុងពេលពេលឆាប់ៗខាងមុខនេះ។

យោងតាមសារសំឡេងពិសេស ដែលសារព័ត៌មានកម្ពុជាថ្មី ទទួលបាននៅព្រឹកថ្ងៃទី១៦ ខែកក្កដានេះ សម្ដេចតេជោ ហ៊ុន សែន បានថ្លែងថា ដូចអ្វីដែលសម្ដេចបានបញ្ជាក់ កាលពីប៉ុន្មានថ្ងៃមុន សម្រាប់មនុស្សអាយុក្រោម១៨ឆ្នាំ ដោ​យសម្ដេចតេជោនាយករដ្ឋមន្ត្រី បានពិភាក្សាជាមួយឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន ដែលជាអនុប្រធាន​ប្រចាំ​ការ នៃគណៈកម្មការជាតិប្រយុទ្ធនឹងជំងឺកូវីដ-១៩, ឯកឧត្តម វង្សី វិស្សុត ប្រធានគណៈកម្មការលទ្ធកម្មចាក់​វ៉ាក់សាំង, លោកជំទាវ ឱ វណ្ឌឌីន ប្រធានគណៈកម្មការចំពោះកិច្ច សម្រាប់ការចាក់វ៉ាក់សាំងទូទាំងប្រទេសថា «យើង​មានការចាំបាច់ ដើម្បីចាក់ជូនកុមារ និងយុវវ័យអាយុ១២ ដល់អាយុ១៧ឆ្នាំបន្តទៀត បន្ទាប់ពីដំណើរការចាក់​វ៉ាក់សាំង សម្រាប់អ្នកដែលមានអាយុពី១៨ឆ្នាំឡើងទៅ ដែលមកដល់ពេលនេះ យើងចាក់បានប៉ុន្មានជា៥លាន ៤សែននាក់រួចស្រេចទៅហើយ»។

សម្ដេចតេជោ ហ៊ុន សែន បានថ្លែងបន្តថា ដោយមានការគិតគូរដោយម៉ត់ចត់ ទៅបរិយាកាស ភាពស៊ាំក្នុងសង្គម និង​គិតគូរទៅដល់អនាគតរបស់កុមារ និងយុវជន ជាពិសេសការផ្ដោតការយកចិត្តទុកដាក់ ទៅលើសុខមាភាព ពាក់​ព័ន្ធនឹងការបើកឡើងវិញនូវសាលារៀន ដែលជាការបាត់បង់យ៉ាងធំធេងរបស់ពិភពលោក ក៏ដូចជាប្រទេសកម្ពុជា​ផ​ងដែរ នោះគឺការបណ្ដុះបណ្ដាលធនធានមនុស្ស ដែលសាលារៀនត្រូវបានបិទ ក្នុងរយៈពេលយូរ។ ដូច្នេះពិត​ប្រា​កដ​ណាស់ថា យើងមានតម្រូវការនៃការចាក់វ៉ាក់សាំង សម្រាប់កុមារ និងយុវ័យចាប់ពីអាយុ១២ឆ្នាំ ដល់​អាយុ​១៧ឆ្នាំ ដែល​តាមស្ថិតពីឯកឧត្ដមឧបនាយករដ្ឋមន្ត្រី អូន ព័ន្ធមុនីរ័ត្ន មានប្រមាណជាង១លាន ៩សែន​នាក់ ដោយ​សម្ដេច​តេជោបានបញ្ជាក់ថា គឺជុំវិញ២លាននាក់ ដែលយើងត្រូវការវ៉ាក់

សាំងចំនួន៤លានដូស ឬជាង​៤លានដូសបន្ថែមទៀត សម្រាប់ការចាក់ជូនចំពោះកុមារ និងយុវវ័យរបស់យើង។ នេះបើយោងតាមការបញ្ជាក់​របស់​សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា៕

អត្ថបទពី៖ កម្ពុជាថ្មី

កែសម្រួលដោយ៖ Ha Ti

អត្ថបទពេញនិយម

«លីណា» ជាអ្នកណា? ចំណោទបញ្ហាថ្មីនឹងចូលមក ញ៉ាំងសាច់រឿង ១០០%គឺស្រឡាញ់ កាន់តែល្អមើលខ្លាំង!

មើលទៅ ម៉ារីអូ ឬខេវិន ជាមួយនារីម្នាក់នោះដូចជាធ្លាប់ស្គាល់ និងស្និទ្ធិស្នាលគ្នាពីមុនមក ឬក៏អាចមានទំនាក់ទំនងពិសេសជាមួយគ្នាក៏អាចថាបាន។

សម្ដេចតេជោ ហ៊ុន សែន ប្រកាសបើកយុទ្ធនាការ ចាក់វ៉ាក់សាំងប្រភេទនេះដល់ កុមារអាយុ ៦-១២ ឆ្នាំ ជិត ២ លាននាក់

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ១៥ ខែកញ្ញានេះ បានប្រកាសបើកយុទ្ធនា​ការ​ចាក់វ៉ាក់សាំងស៊ីណូវ៉ាក់ ដល់កុមារ ដែលមានអាយុ ៦ ឆ្នាំ ដល់ ១២ ឆ្នាំ នៅព្រឹកថ្ងៃទី ១៧ ខែ​កញ្ញា នៅវិមានសន្តិភាព។

ប្រមុខរដ្ឋាភិបាលកម្ពុជា សម្ដេចតេជោ ហ៊ុន សែន ទទួលបានមេដាយមាសពិសេស ពីអង្គការសហព័ន្ធ សន្តិភាព សកល (UPF)

អ្នករៀបចំកម្មវិធី នៃអង្គការសហព័ន្ធសន្តិភាពសកល (UPF) បានថ្លែងថា «នេះជាមេដាយមាស ដើម្បីផ្ដល់កិត្ដិ​យស ដល់សម្ដេចតេជោ ហ៊ុន សែន ចំពោះតួនាទីដើម្បីសន្តិភាព នៅក្នុងឧបទ្វីបកូរ៉េ»។

​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​ឱ្យ​កាន់​តែ​មាន​ប្រសិទ្ធភាព​ ប្រមុខ​រាជ​រដ្ឋាភិបាល​អំពាវ​នាវ​៨​ចំណុចនេះ!

សម្តេចអគ្គមាហសេនាបតីតេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អំពាវ​នាវ​៨ ​ចំណុច​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​នៅ​ ​កម្ពុជា​ឱ្យ​កាន់​តែ​មាន​ប្រសិទ្ធភាព​។​នេះ​បើ​តាម​សារលិខិត​សម្តេចតេជោ ហ៊ុន សែន ​ក្នុង​ឱកាស​ប្រារព្ធទិវាអក្ខរកម្មជាតិ៨កញ្ញា ២០២១ ។