fbpx
Home ព័ត៌មាន សម្ដេចតេជោ បញ្ជាដាច់ណាត់ មិនឱ្យផែនការចាក់វ៉ាក់សាំងរយីករយាកដូចដំណាក់កាលចុងក្រោយ

សម្ដេចតេជោ បញ្ជាដាច់ណាត់ មិនឱ្យផែនការចាក់វ៉ាក់សាំងរយីករយាកដូចដំណាក់កាលចុងក្រោយ

សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា បានផ្ញើសារជាសំឡេងជូនក្រសួងស្ថាប័នពាក់ព័ន្ធ និងអភិបាលរាជធានីខេត្ត ដោយសម្ដេចបាន បញ្ជាដាច់ណាត់ មិនឱ្យផែនការចាក់វ៉ាក់សាំងកូវីដ១៩ជូនប្រជាពលរដ្ឋ ពិសេសនៅបណ្ដាខេត្ត និងតំបន់គោលដៅ ក្លាយទៅជាបញ្ហារយីករយាកដូចដំណាក់កាលចុងក្រោយបន្តទៀតឡើយ។

សម្ដេចតេជោ បានមានប្រសាសន៍ណែនាំថា ក្នុងករណីខេត្តនៅឆ្ងាយ ក្រសួងការពារជាតិ អគ្គមេបញ្ជាការកងយុទ្ធពលខេមរភូមិន្ទ និងមេបញ្ជាការកងអាកាស ត្រូវតែប្រើប្រាស់ឧទ្ធម្ភាគចក្រដឹកវ៉ាក់សាំងទៅកាន់ទីកន្លែងដែលនៅឆ្ងាយ។

សម្ដេចតេជោ ហ៊ុន សែន បានមានប្រសាសន៍ថា៖ “ខ្ញុំដាក់បញ្ជាដាច់ណាត់ មិនឱ្យផែនការចាក់វ៉ាក់សាំងនេះក្លាយទៅជាបញ្ហារយីករយាកដូចដំណាក់កាលចុងក្រោយ វ៉ាក់សាំងមានក្នុងឃ្លាំង ក្នុងពេលតាមបណ្ដាខេត្ត ស្រុក ឃុំ គ្មានវ៉ាក់សាំង​​សម្រាប់ចាក់ ​ហើយគណៈកម្មារចំពោះកិច្ចរង់ចាំសំណើរបស់ខេត្ត ឯខេត្តរង់ចាំនូវការផ្ដល់វ៉ាក់សាំងពីគណៈកម្មការចំពោះកិច្ច។ មិនអនុញ្ញាតឱ្យមានរបៀបនេះកើតឡើយ”។ ​​

សម្ដេចតេជោ មានប្រសាសន៍បន្តថា៖ “ឯកឧត្ដមលោកជំទាវ អភិបាលខេត្តរាជធានី ត្រូវទទួលខុសត្រូវចំពោះមុខនាយករដ្ឋមន្ត្រី ចំពោះមុខរាជរដ្ឋាភិបាល ចំពោះជោគជ័យ ឬបរាជ័យនៃដំណើរការចាក់វ៉ាក់សាំងនេះ”។

សម្ដេចតេជោ ហ៊ុន សែន បានសង្កេតឃើញថា គ្រាន់តែខេត្តចំនួន២ គឺខេត្តត្បូងឃ្មុំ និងខេត្ត​​កំពង់ឆ្នាំង មានមនុស្សមិនទាន់ចាក់វ៉ាក់សាំង ប្រហាក់ហែលជិត៥០ម៉ឺននាក់ ហើយបើបូកថែម៨ម៉ឺននាក់ទៀតនៃខេត្តពោធិ៍សាត់​ដែលមិនទាន់មានវ៉ាក់សាំង​ដែលទើបមកដឹកវ៉ាក់សាំងពីយប់មិញ គឺមនុស្សប្រហែលជាង៥០ម៉ឺននាក់ឯណោះ។

សម្ដេចតេជោ ហ៊ុន សែន មានប្រសាសន៍ថា៖ “អ្វីដែលជាចម្ងល់របស់ខ្ញុំប៉ុន្មានថ្ងៃនេះ តួលេខរបស់យើងធ្លាប់រកឃើញអ្នកចាក់វ៉ាក់សាំងទី៥លាន ទី៦លាន ទី៧លាន រហូតទី៨លានក្នុងល្បឿនមួយដ៏លឿន ប៉ុន្តែនៅចុងក្រោយនេះ នៅពេលវ៉ាក់សាំង​មានគ្រប់គ្រាន់ បែរជាល្បឿនការចាក់វ៉ាក់សាំងរបស់យើងមានការថយចុះយ៉ាងខ្លាំង”។ ​

សម្ដេចមានប្រសាសន៍បន្តថា៖ “ពិតមែនហើយយើងបានបន្ថែមមនុស្ស២លាននាក់ទៀតសម្រាប់កុមារ និងយុវវ័យ ប៉ុន្តែខ្ញុំសូមរំលឹកដាស់តឿនឱ្យសម្រេចការងារនេះតាមការទទួលខុសត្រូវ ហើយពិនិត្យមើលកិច្ចការណាទុកបាន ទុកសិនចុះ​ តែកិច្ចការប្រឆាំងកូវីដ-១៩ជាកិច្ចការអាទិភាពស្លាប់របស់​​​ប្រទេសជាតិ ក្នុងនោះកិច្ចការដែលយើងអាចស្ដារ និងសង្គ្រោះជីវិត គឺការចាក់វ៉ាក់សាំង​​សម្រាប់ប្រជាជន”។

សម្ដេចតេជោ ហ៊ុន សែន បានដាក់បញ្ជាឱ្យអភិបាលរាជធានីខេត្តត្រូវផ្ញើរបាយការណ៍សង្ខេបពីលទ្ធផលនៃការចាក់វ៉ាក់សាំង ដោយបញ្ជាក់ ពីចំនួនប្រជាពលរដ្ឋដែលត្រូវចាក់ ចំនួនអ្នកបានចាក់រួច និងចំនួនមិនទាន់ចាក់រួច ឬការយឺតដោយសារខ្វះគ្រូពេទ្យ ព្រមទាំងចំនួនវ៉ាក់សាំងដែលមានក្នុងខេត្តតើ​គ្រប់គ្រាន់ហើយឬនៅ ដើម្បីសម្ដេចផ្ទៀងផ្ទាត់ជាមួយវ៉ាក់សាំងដែលមានក្នុងឃ្លាំងថ្នាក់ជាតិ។ ប្រសិនមានការខ្វះខាត អាចស្នើសុំខ្ចីវ៉ាក់សាំងរបស់ក្រសួងការពារជាតិចំនួន៥០ម៉ឺនដូសបញ្ជូនទៅសិន ទម្រាំងវ៉ាក់សាំង​ថ្មីនឹងបានមកដល់នៅពេលដ៏ខ្លីខាងមុខ។
គួរបញ្ជាក់ថា គិតត្រឹមថ្ងៃទី២៥ ខែសីហា ឆ្នាំ២០២១ អត្រាចាក់វ៉ាក់សាំងកូវីដ-១៩ នៅកម្ពុជា មានចំនួន ៨៨,៣៥% ធៀបជាមួយចំនួនប្រជាជនគោលដៅ ១០លាននាក់ និងលើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៦២,៨៧% ធៀបជាមួយនឹងប្រជាជនគោលដៅ ១,៩៦៦,៩៣១ នាក់៕

អត្ថបទពី៖ កម្ពុជាថ្មី

កែសម្រួលដោយ៖ Ha Ti

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។