fbpx
Home ព័ត៌មាន ​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​ឱ្យ​កាន់​តែ​មាន​ប្រសិទ្ធភាព​ ប្រមុខ​រាជ​រដ្ឋាភិបាល​អំពាវ​នាវ​៨​ចំណុចនេះ!

​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​ឱ្យ​កាន់​តែ​មាន​ប្រសិទ្ធភាព​ ប្រមុខ​រាជ​រដ្ឋាភិបាល​អំពាវ​នាវ​៨​ចំណុចនេះ!

សម្តេចអគ្គមាហសេនាបតីតេជោ ហ៊ុន សែន នាយករដ្ឋមន្ត្រី​នៃ​ព្រះរាជាណាចក្រ​កម្ពុជា​បាន​អំពាវ​នាវ​៨ ​ចំណុច​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​នៅ​ ​កម្ពុជា​ឱ្យ​កាន់​តែ​មាន​ប្រសិទ្ធភាព​។​នេះ​បើ​តាម​សារលិខិត​សម្តេចតេជោ ហ៊ុន សែន ​ក្នុង​ឱកាស​ប្រារព្ធទិវាអក្ខរកម្មជាតិ៨កញ្ញា ២០២១ ។
សម្តេចតេជោ ហ៊ុន សែន​ នាយក​រដ្ឋមន្រ្តី​បាន​ថ្លែង​បញ្ជាក់​ថា​ដើម្បី​បន្ត​ចូល​រួម​លើក​កម្ពស់​ការងារ​អក្ខរកម្ម​នៅ​កម្ពុជា​ឱ្យកាន់តែមានប្រសិទ្ធភាពថែមទៀត​ សម្តេច​សូមអំពាវ​នាវ​ដូចតទៅ៖

ទី១.ក្រសួង ស្ថាប័នពាក់ព័ន្ធត្រូវរៀបចំគោលនយោបាយ ក្របខណ្ឌច្បាប់ លិខិតបទដ្ឋាន និង​យន្តការ​ចាំ​បាច់​ដើម្បីដឹកនាំគ្រប់គ្រង និងអនុវត្តឱ្យមានប្រសិទ្ធភាពនិងគុណ​ភាព​ ធានា​បាន​នូវ​ការ​សិក្សា​ពេញ​មួយ​ជីវិត សម្រាប់​ប្រជាពលរដ្ឋគ្រប់រូប និង​ស្រប​ទៅ​នឹង​បរិការណ៍ថ្មីនៃគោលដៅអភិវឌ្ឍន៍ ប្រកប​ដោយ​ចីរភាពក៏ដូចជាការស្តារឡើង​វិញសង្គម-សេដ្ឋកិច្ច ​បន្ទាប់​ពី​វិបត្តិកូវីដ១៩។

ទី២.ក្រសួង ស្ថាប័ន គ្រឹះស្ថានសិក្សា មណ្ឌលសិក្សា ទី​វត្ត​អារាម​ទាំង​អស់​ត្រូវ​បន្ត​បង្កើត​កម្មវិធីអប់រំ​កម្មវិធី​សិក្សាពេញមួយជីវិត ទាំងផ្នែកអក្ខរកម្មទាំងផ្នែកវិជ្ជាជីវៈ ទាំងផ្នែក​បច្ចេកវិទ្យាព័ត៌មាន ឱ្យ​កាន់​តែ​សម្បូរបែប ឆ្លើយ​តប​នឹង​តម្រូវការអ្នកសិក្សា។

ទី៣.អាជ្ញាធរដែនដីគ្រប់លំដាប់ថ្នាក់ ត្រូវយកចិត្តទុកដាក់ចូលរួមគាំទ្រឱ្យបានខ្លាំងក្លាថែមទៀត ក្នុង​ការ​អភិវឌ្ឍហេដ្ឋារចនាសម្ព័ន្ធ មជ្ឈមណ្ឌលសិក្សា​ និង​ជំរុញលើកទឹកចិត្ត ដល់ប្រជាពលរដ្ឋ ដែល​មិន​បាន​រៀនសូត្រ ឬ​បោះ​បង់ការសិក្សា ឱ្យមានឱកាសទទួលបានការរៀនសូត្រជាថ្មី ជា​ពិសេស​ត្រូវ​ខិត​ខំ​បង្កលក្ខណៈងាយស្រួលដល់ប្រជាពល រដ្ឋមានពិការភាព ឱ្យ​ទទួល​បាន​លទ្ធភាព​ក្នុង​ការ​សិក្សា​រៀន​សូត្រ ប្រកបដោយសមធម៌ និងបរិយាប័ន្ន។

ទី៤.ប្រព័ន្ធផ្សព្វផ្សាយទាំងអស់ទាំងស្ថាប័នរដ្ឋ និង​ឯកជន​សូម​ជួយ​ផ្សព្វផ្សាយ​ឱ្យ​បាន​ទូលំ​ទូលាយ​នូវរាល់​កម្មវិធីអក្ខរកម្មដើម្បីឱ្យប្រជាពលរដ្ឋយើងមានការយល់ដឹងកាន់ តែ​ទូលំទូលាយ​ក្រោម​ប្រធាន​បទ «អក្ខរកម្មជាមូលដ្ឋានគ្រឹះ នៃការសិក្សាពេញមួយជីវិត»។

ទី៥.ក្មួយៗជាសិស្សនិស្សិតតាមគ្រឹះស្ថានសិក្សាសាធារណៈ និង​ឯកជនយុវជនសហភាព​សហព័ន្ធ​យុវ​ជនកម្ពុជាយុវជនកាយរឹទ្ធិ និងយុវជនកាកបាទក្រហមកម្ពុជាត្រូវ សកម្មចូលរួមជួយ​បង្រៀន​ដោយ​ស្ម័គ្រចិត្តដល់អ្នកមិនចេះអក្សរ ដែល​ស្ថិត​ក្នុង​មូលដ្ឋានរបស់ក្មួយៗរស់នៅ។ បងប្អូន​ជន​រួមជាតិ​ដែល​ជា​មាតាបិតា ឬ​អ្នកអាណាព្យាបាល ក៏សូមជួយជំរុញកូនចៅឱ្យរៀនសូត្របានជាប់លាប់ និងទទួលបានលទ្ធផលល្អគ្រប់ៗគ្នា។

ទី៦.វត្តអារាម និងវិហារសាសនា នានា ត្រូវចលនាព្រះសង្ឃ បព្វជិតសាសនា តាជី ដូនជី ចូលរួម​ជំរុញ​កម្មវិធីអក្ខរកម្មវិជ្ជាជីវៈឱ្យកាន់តែខ្លាំងក្លាថែមទៀតតាមរយៈការទេស នាអប់រំ​អំពីសារៈ​ប្រយោជន៍​នៃ​ការរៀនសូត្រ អំពីសីលធម៌ និងលើកកម្ពស់វប្បធម៌រស់នៅ ក្នុងភាពជាពលរដ្ឋសកល។

ទី៧.ដៃគូអភិវឌ្ឍ និងអង្គការមិនមែនរដ្ឋាភិបាល ត្រូវបង្កើនកិច្ចសហការ និងពង្រឹងភាពជាដៃគូ​ជាមួយ​គ្រឹះស្ថានរដ្ឋ ដើម្បីជួយឧបត្ថម្ភគាំទ្រទាំងធនធាន ទាំងបច្ចេកទេស ដល់គ្រប់កម្មវិធីអប់រំ ជាពិសេសកម្មវិធីអក្ខរកម្មផ្សារភ្ជាប់នឹងការអប់រវិជ្ជាជីវៈ ឱ្យមានដំណើរការល្អជាប់ជាប្រចាំ។

ទី៨.ប្រធានរោងចក្រ សហគ្រាស និងក្រុមហ៊ុនឯកជន សូមជួយជំរុញបើកថ្នាក់អក្ខរកម្ម គួបផ្សំ​ជាមួយ​ថ្នាក់​បំប៉នមុខជំនាញវិជ្ជាជីវៈផ្សេងៗដល់បងប្អូនកម្មករ កម្មការិនី ដើម្បី​ជាប្រយោជន៍​របស់​ពួក​គេ​ផង​ និង​ជាប្រយោជន៍ដល់ម្ចាស់រោងចក្រ សហគ្រាសផងដោយយើងទាំងអស់គ្នាត្រូវចងចាំថា «មានអក្ខរកម្ម មានការគិតគូរនិងការសម្រេច ចិត្តបានត្រឹមត្រូវ», «មានអក្ខរកម្មនាំឱ្យការអភិវឌ្ឍ សហគមន៍កាន់តែរីកចម្រើន», «មានអក្ខរកម្មមានសុខដុមជីវិតបុគ្គល គ្រួសារ និងសង្គម»៕

អត្ថបទពី៖ កម្ពុជាថ្មី

កែសម្រួលដោយ៖ Ha Ti

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។