fbpx
Home ព័ត៌មាន រឿង “កូនប្រុសក្រោមពន្លឺព្រះចន្ទពេញបូណ៌មី” ក្រុងពាលីក្រោមអធិបតីភាព សម្តេចតេជោ និងកូនៗទាំង៤

រឿង “កូនប្រុសក្រោមពន្លឺព្រះចន្ទពេញបូណ៌មី” ក្រុងពាលីក្រោមអធិបតីភាព សម្តេចតេជោ និងកូនៗទាំង៤

ទីបំផុតខ្សែភាពយន្តបែបប្រវត្តិសាសន៍របស់កម្ពុជា រឿង “កូនប្រុសក្រោមពន្លឺព្រះចន្ទពេញបូណ៌មី” បានចាប់ផ្តើមធ្វើពិធីក្រុងពាលីថតជាផ្លូវការហើយ នៅ ព្រឹកថ្ងៃទី ១៣ ខែធ្នូ ឆ្នាំ ២០២១ នេះ ក្រោមអធិបតិភាពសម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា និងបុត្រាបុត្រីទាំង ៤រូប។

ពិធីក្រុងពាលី រឿង “កូនប្រុសក្រោមពន្លឺព្រះចន្ទពេញបូណ៌មី” នេះបានប្រព្រឹត្តធ្វើឡើងនៅ ទីបញ្ជាការដ្ឋានកងអង្គរក្សសម្តេចតេជោនាយករដ្ឋមន្រ្តី នៅទីក្រុងតាខ្មៅ ខេត្តកណ្តាល។ ក្នុងនោះតារាប្រុសស្រីចាស់ក្មេងល្បីៗជាច្រើនរូបក៏បានបង្ហាញវត្តនៅ ក្នុងពិធីនេះដែរ។

ចំពោះវត្តមានកូនប្រុស-ស្រីទាំង៤របស់សម្តេចតេជោរួមមាន ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ និងជាមេបញ្ជាការកងទ័ពជើងគោក, ឧត្តមសេនីយ៍ឯក ហ៊ុន ម៉ានិត អគ្គនាយកនៃអគ្គនាយកដ្ឋានស្រាវជ្រាវចារកិច្ចក្រសួងការពារជាតិ, លោក ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវ ហ៊ុន ម៉ាណា អគ្គនាយិកាស្ថានីយ៍ ទូរទស្សន៍បាយ័ន។

រឿង “កូនប្រុសក្រោមពន្លឺព្រះចន្ទពេញបូណ៌រមី” នឹងត្រូវថតជាខ្សែភាពយន្តភាគ ដែលនឹងត្រូវលក់ទៅ ឱ្យស្ថានីយ៍ទូរទស្សន៍នានា ដើម្បីចាក់ផ្សាយជាសាធារណៈជូនប្រជាជនបានទស្សនា។ រឿង “កូនប្រុសក្រោមពន្លឺព្រះចន្ទពេញបូណ៌មី” កន្លងមកត្រូវបានតាក់តែងនិពន្ធជាល្ខោននិយាយ និងចាក់ផ្សាយនៅតាមប្រព័ន្ធផ្សព្វផ្សាយនានានៅ កម្ពុជា។

រឿងនេះជា រឿងនិទានបែបប្រវត្តិសាស្ត្រ ដែលនិយាយពីដំណើរជីវិតតស៊ូរបស់សម្ដេចតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ដោយមានបញ្ចូលនូវព្រឹត្តិការណ៍សំខាន់ៗជាច្រើន ក្នុងការស្វែងរកសន្តិភាពជូនប្រជាពលរដ្ឋកម្ពុជា។

ដោយសារដំណើររឿង នៃខ្សែភាពយន្តនេះមានលក្ខណៈប្រវត្តិសាស្ត្រ កម្រិតថ្នាក់ជាតិ ជាប្រវត្តិ នៃខ្សែជីវិតជាក់ស្តែងរបស់សម្តេចតេជោផងនោះ ទើបសម្តេចតេជោ បានសម្រេចឱ្យបង្កើត គណៈកម្មការផលិតខ្សែភាពយន្ត នេះឡើងកាលពី ថ្ងៃទី ០៥ ខែមករា ឆ្នាំ ២០២១។ ទោះជាខ្សែភាពយន្តនេះ ផលិតដោយក្រុមហ៊ុនឯកជន ប៉ុន្តែគណៈកម្មការ មានភារកិច្ចដឹកនាំ ត្រួតពិនិត្យ ខ្លឹមសារ និងទីតាំងប្រវត្តិសាស្ត្រជាក់ស្តែង។

សមាសភាព គណៈកម្មការទាំង ១៤ រូប សុទ្ធតែជាអ្នកមានជំនាញពិតប្រាកដក្នុងការផលិតខ្សែភាពយន្ត ដែលទទួលបាននូវជំនឿទុកចិត្តពីសម្តេចតេជោ ជាម្ចាស់ដើមនៃប្រវត្តិសាច់រឿង។ ម្យ៉ាងទៀត សមាសភាពនេះតែងទទួលបានការគាំទ្រពីសាធារណជននូវរាល់ស្នាដៃទាំងឡាយដែលធ្លាប់បានផលិតឡើងកាលពីពេលកន្លងមក។ គណៈកម្មការ នេះ ដើមឡើយដឹកនាំដោយ លោក ម៉ៅ អាយុទ្ធ រដ្ឋលេខាធិការក្រសួងព័ត៌មាន ដែលមានស្នាដៃក្នុងការផលិតខ្សែភាពយន្តជាច្រើន។ ប៉ុន្តែ លោក បានទទួលមរណភាព ដោយសារ ជំងឺកូវីដ១៩ កាលពីថ្ងៃទី ១៥ ខែមេសា ឆ្នាំ ២០២១។

នៅ ថ្ងៃទី ១៧ ខែវិច្ឆិកា ឆ្នាំ ២០២១ សម្តេចតេជោ នាយករដ្ឋមន្ត្រី ហ៊ុន សែន បានសម្រចកែសម្រួល សមាសភាពគណៈកម្មការ និងអនុគណៈកម្មការ ផលិតភាពយន្តភាគនេះ ដោយមាន លោក ហ៊ីម សុទិត្យ រដ្ឋលេខាធិការក្រសួងព័ត៌មាន ជាប្រធាន លោក ហ៊ុយ វាសនា អ្នកនិពន្ធ និង ដឹកនាំរឿង ជាអនុប្រធាន និង មានទីប្រឹក្សាសមាជិក ចំនួន ១៣ នាក់ផ្សេងទៀត៕

អត្ថបទពី៖ KPT


អត្ថបទពេញនិយម

ខ្សែភាពយន្តភាគថ្មី «បងខ្លា» នឹងចូលមកអង្រួតបេះដូងទស្សនិកជនក្នុងពេលឆាប់ៗនេះ!​

ត្រឹមតែជាក្មេងស្រីអាយុ ១៣ ឆ្នាំបែរជាត្រូវមកទទួលបន្ទុកគ្រួសារទាំងមូល។នៅពេលដែលជីវិតតូចមួយត្រូវមក

សម្ដេចតេជោ បង្ហើបអំពីគម្រោងសាងសង់ស្ពានមួយទៀតនៅម្ដុំព្រែកប្រា តម្លៃខ្ទង់លានដុល្លារ

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានបង្ហើបអំពីគម្រោងសាងសង់ស្ពានមួយទៀតនៅម្ដុំព្រែកប្រា នៃរាជធានីភ្នំពេញ ដែលប្រសិនបើមិត្តចិនយល់ព្រមជាមួយនឹងគម្រោងនេះ គឺការដ្ឋាននេះ អាចនឹងត្រូវបើកសម្រាប់ឆ្នាំក្រោយ។

ធនាគារ វីង បើកសាខាថ្មីបំផុតរបស់ខ្លួននៅខេត្តព្រះសីហនុ ខណៈពេលដែលខេត្តមួយនេះកំពុងប្រែក្លាយខ្លួនទៅជាតំបន់សេដ្ឋកិច្ចពិសេសគំរូពហុបំណង

ធនាគារ វីង (ខេមបូឌា) ម.ក បានសម្ពោធសាខាខេត្តព្រះសីហនុជាផ្លូវការក្រោមវត្តមានដ៏ខ្ពង់ខ្ពស់របស់ ឯកឧត្តម រ័ត្ន សុវណ្ណនរៈ ឧបការីទេសាភិបាល និងជាអគ្គនាយកត្រួតពិនិត្យធនាគារជាតិនៃកម្ពុជា ឯកឧត្តម ម៉ាង ស៊ីណេត អភិបាលរងនៃគណៈអភិបាលខេត្តព្រះសីហនុ ព្រមទាំង អ្នកឧកញ៉ា គិត ម៉េង ប្រធានក្រុមប្រឹក្សាភិបាលធនាគារ វីង និងជាអគ្គនាយកក្រុមហ៊ុនរ៉ូយ៉ាល់គ្រុប ក៏ដូចជាឥស្សរជនកិត្តិយសជាច្រើនរូបទៀត។

សម្ដេចតេជោ អរគុណអេស្ប៉ាញ និងបណ្ដាប្រទេសអឺរ៉ុប ដែលបានរួមចំណែកក្នុងការប្រយុទ្ធប្រឆាំងកូវីដនៅកម្ពុជា

ក្នុងនាមប្រជាជន និងរាជរដ្ឋាភិបាលកម្ពុជា សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែង​អំណរគុណជូនចំពោះប្រជាជន និងរដ្ឋាភិបាលអេស្ប៉ាញ និងបណ្ដាប្រទេសជាសមាជិកផ្សេងទៀតនៃសហភាពអឺរ៉ុប ដែលបាននិងកំពុងបន្តចូលរួមចំណែកយ៉ាងសំខាន់ ក្នុងការប្រយុទ្ធប្រឆាំងជំងឺកូវីដ-១៩ ក៏ដូចជាការងើបឡើងវិញនៃសង្គម-សេដ្ឋកិច្ចកម្ពុជា តាមរយៈការផ្ដល់ជំនួយវ៉ាក់សាំង ជាពិសេសសម្រាប់កុមារ និងជំនួយបច្ចេកផ្សេងៗ ជាបន្តបន្ទាប់។