fbpx
Home ព័ត៌មាន ប្រមុខរដ្ឋាភិបាល៖ កំណើនសេដ្ឋកិច្ចកម្ពុជា​ស្ថិតក្នុងរង្វង់៣ភាគរយ នឹងបន្តកើនឡើង​ជាលំដាប់

ប្រមុខរដ្ឋាភិបាល៖ កំណើនសេដ្ឋកិច្ចកម្ពុជា​ស្ថិតក្នុងរង្វង់៣ភាគរយ នឹងបន្តកើនឡើង​ជាលំដាប់

ប្រមុខដឹកនាំរាជរដ្ឋាភិបាល សម្តេចតេជោ ហ៊ុន សែន នាយករដ្ឋមន្រ្តីកម្ពុជា បានប្រកាសថា កំណើនសេដ្ឋកិច្ចកម្ពុជា បានបន្តងើបឡើងជាដំណាក់កាលៗ ក្រោយវិបត្តិធ្ងន់ធ្ងរនៃជំងឺកូវីដ-១៩។ សម្តេចតេជោ បានព្យាករណ៍ថា កម្ពុជានឹងសម្រេចបាននូវកំណើនសេដ្ឋកិច្ច ក្នុងរង្វង់៣ភាគរយនៅក្នុងឆ្នាំ២០២១ ដែលជាភាពសុទិដ្ឋិនិយមថ្មីមួយ។ សម្តេចថ្លែងបែបនេះ នៅក្នុងពិធី សម្ពោធដាក់ឱ្យប្រើប្រាស់ជាផ្លូវកាសណ្ឋាគារ «ហៃយ៉ាត់ រីជិនស៊ី ភ្នំពេញ» តម្លៃ១៨០លានដុល្លារ ជាការវិនិយោគរបស់ក្រុមហ៊ុន ជីប ម៉ុង ស្ថិតនៅក្នុងសង្កាត់ជ័យជម្នះ ខណ្ឌដូនពេញ រាជធានីភ្នំពេញ នាថ្ងៃទី១៥ ខែធ្នូ ឆ្នាំ២០២១។

 «ខ្ញុំគិតថា កំណើនសេដ្ឋកិច្ចរបស់យើងអាចថា ២,៩ ភាគរយ ៣ភាគរយ ឬ៣អាចលើសពី ៣ភាគរយ ខ្ញុំប្រើថា ជុំវិញ៣ភាគរយ»។

នៅក្នុងច្បាប់ថវិកា សេដ្ឋកិច្ចកម្ពុជាស្ថិតនៅក្នុងកម្រិត ២,៤ភាគរយ ហើយអង្គការមួយបានវាយតម្លៃកាលពីខែតុលាថា កំណើនស្ថិតក្នុងរង្វង់ ២,៨ភាគរយ។ នេះបើតាមសម្តេចតេជោ។ សម្តេចបានបញ្ជាក់ថា បច្ចុប្បន្នចំណូលជាតិបានកើនឡើង បើទោះបីជាមិនទាន់ងើបស្មើមុនកូវីដក៏ដោយ ប៉ុន្តែពេលនេះរដ្ឋទទួលបានចំណូល ៥០០ ទៅ៧០០ លានដុល្លារ ក្នុងមួយខែ ដោយសម្តេច បានគូសបញ្ជាក់ថា ពេលកំពុងផ្ទុះកូវីដខ្លាំង គឺចំណូលរដ្ឋធ្លាក់ចុះក្រោម៤០០លានដុល្លារ។

កំណើននេះបានមកពីតម្រូវការក្នុងស្រុកមានការកើនឡើង ធ្វើឱ្យកំណើននៃការនាំចូលពន្ធគយរកចំណូលបានបន្ថែម ខណៈដែលវិស័យកសិកម្ម និងឧស្សាហកម្មនៅកម្ពុជាមិនមានការធ្លាក់ចុះនោះទេ។

ក្រោយកម្ពុជា បានចាក់ស្រោចវ៉ាក់សាំងជូនដល់ប្រជាពលរដ្ឋគ្រប់ចំនួនកំណត់ វិបត្តិកូវីដក៏ធ្លាក់ចុះឥទ្ធិពលនៃការឆ្លងរាលដាល នាំឱ្យកម្ពុជា អាចបើកសេដ្ឋកិច្ចជាតិគ្រប់វិស័យឡើងវិញ។ ក្រសួងសេដ្ឋកិច្ច បានឱ្យដឹងថា វិស័យសំខាន់ៗដែលជួយទ្រទ្រង់សេដ្ឋកិច្ចឱ្យមានកំណើនឆាប់រហ័ស រួមមាន វិស័យឧស្សាហកម្មរោងចក្រកាត់ដេរ វិស័យកសិកម្ម វិស័យទេសចរណ៍ដែលចាប់ផ្តើមដំណើរការឡើងវិញបណ្តើរៗ និងវិស័យសំខាន់ៗមួយចំនួនទៀត៕

អត្ថបទពី៖ KPT

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។