fbpx
Home ព័ត៌មាន សម្ដេចតេជោ ហ៊ុន សែន ទទួលបានគ្រឿងឥស្សរិយយសថ្នាក់រដ្ឋពីរដ្ឋាភិបាលរុស្ស៊ី

សម្ដេចតេជោ ហ៊ុន សែន ទទួលបានគ្រឿងឥស្សរិយយសថ្នាក់រដ្ឋពីរដ្ឋាភិបាលរុស្ស៊ី

សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា បានទទួលគ្រឿងឥស្សរិយយសមិត្តភាពដែលជាគ្រឿងឥស្សរិយយសថ្នាក់រដ្ឋពីរដ្ឋាភិបាលសហព័ន្ធរុស្ស៊ី ចំពោះការចូលរួមចំណែកយ៉ាងសំខាន់ក្នុងការរក្សា និងពង្រឹងពង្រីកទំនាក់ទំនងរវាងប្រទេសទាំងពីរកម្ពុជា-សហព័ន្ធរុស្ស៊ី។ គ្រឿងឥស្សរិយយសមិត្តភាពរបស់រដ្ឋាភិបាលរុស្សីនេះ ត្រូវបានលោក NIKOLAI PATRUSHEV លេខាធិការនៃក្រុមប្រឹក្សាសន្តិសុខនៃសហព័ន្ធរុស្ស៊ីនាំយកមកប្រគល់ជូនសម្តេចដោយផ្ទាល់នៅវិមានសន្តិភាព នៅព្រឹកថ្ងៃទី ១៥ ខែធ្នូ ឆ្នាំ ២០២១ នេះ។

ជាមួយនឹងការប្រគល់គ្រឿងឥស្សរិយយសមិត្តភាពនេះ លោក NIKOLAI PATRUSHEV បានពាំនាំនូវការផ្តាំផ្ញើ សួរសុខទុក្ខអំពីលោកប្រធានាធិបតីរុស្ស៊ី លោក VLADIMIR PUTIN ជូនចំពោះសម្ដេចតេជោ ហ៊ុន សែន ផងដែរ។ លោក NIKOLAI PATRUSHEV បានគោរពរាយការណ៍ជូនសម្ដេចតេជោពីវឌ្ឍនភាពនៃកិច្ចសហប្រតិបត្តិការរវាងប្រទេសទាំងពីរ និងបានវាយតម្លៃខ្ពស់ចំពោះកិច្ចសហប្រតិបត្តិការនេះ ដែលរួមមានកិច្ចសហប្រតិបត្តិការលើវិស័យនយោបាយ វិស័យការពារជាតិ សង្គមកិច្ច អប់រំ សេដ្ឋកិច្ច ពាណិជ្ជកម្ម វិនិយោគ ព័ត៌មានវិទ្យា បច្ចេកវិទ្យា សន្តិសុខ ការផ្លាស់ប្ដូរព័ត៌មាន និងវិស័យដទៃទៀត។ លោក ក៏បានជម្រាបជូនសម្តេចតេជោថា លោកនឹងប្រឹងប្រែងសហការធ្វើយ៉ាងណាពង្រីកកិច្ចសហប្រតិបត្តិការរវាងប្រទេសទាំងពីរឲ្យកាន់តែរីកធំធាត់ថែមទៀត ។

ជាការឆ្លើយតប សម្ដេចតេជោ ហ៊ុន សែន បានថ្លែងអំណរគុណជូនចំពោះលោក NIKOLAI PATRUSHEV ដែលបានពាំនាំនូវការផ្ដាំសូវសុខទុក្ខអំពីលោកប្រធានាធិបតី VLADIMIR PUTIN ចំពោះសម្ដេច និងបាននាំមកជាមួយនូវគ្រឿងឥស្សរិយយសថ្នាក់មិត្តភាព ដែលជាគ្រឿងឥស្សរយសថ្នាក់រដ្ឋជូនដល់សម្ដេច ។ សម្ដេចតេជោ បានឯកភាពជាមួយការវាយតម្លៃរបស់លោក NIKOLAI PATRUSHEV លើទំនាក់ទំនង និងកិច្ចសហប្រតិបត្តិការរវាងប្រទេសទាំងពីរ។ សម្ដេចតេជោ ក៏បានលើកទឹកចិត្តដល់លោក NIKOLAI PATRUSHEV ថាក្រៅពីកិច្ចសហប្រតិបត្តិការដែលមានស្រាប់ គឺគប្បីណាពិនិត្យមើលលទ្ធភាពក្នុងការពង្រីកកិច្ចសហប្រតិបត្តិការទៅលើវិស័យដទៃទៀត ដូចជាការ បើកឲ្យមានកិច្ចព្រមព្រៀងពាណិជ្ជកម្មសេរីទាំងក្នុងក្របខណ្ឌទ្វេភាគីនិងពហុភាគីជាមួយនឹងការសិក្សាលទ្ធភាព និងសម្ភារៈបំពាក់រោងជាង ជួសជុលគ្រឿងចក្រ និងសម្ភារៈផ្សេងៗនៅក្នុងប្រទេសកម្ពុជា។

បន្ថែមលើនេះ សម្ដេចតេជោនាយករដ្ឋមន្រ្តី ក៏បានថ្លែងអំណរគុណយ៉ាងជ្រាលជ្រៅចំពោះអតីតសហភាពសូវៀត និងសហព័ន្ធរុស្ស៊ី ចំពោះការគាំទ្រនូវជំនួយដ៏មានតម្លៃផ្ដល់ជូនដល់ប្រជាជនកម្ពុជា និងរដ្ឋាភិបាលកម្ពុជា ក្នុងពេលដែលកម្ពុជាជួបការលំបាកនាពេលកន្លងមក ៕

អត្ថបទពី៖ KPT

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។