fbpx
Home ព័ត៌មាន សម្ដេច​តេជោ ហ៊ុន សែន ​អង្វរ​ឱ្យ​គូ​ស្វាមី​ភរិយា​ លែង​លះគ្នា​ហើយ បញ្ឈប់​ហែក​ហួរ​គ្នាតាម​​ហ្វេសប៊ុក​

សម្ដេច​តេជោ ហ៊ុន សែន ​អង្វរ​ឱ្យ​គូ​ស្វាមី​ភរិយា​ លែង​លះគ្នា​ហើយ បញ្ឈប់​ហែក​ហួរ​គ្នាតាម​​ហ្វេសប៊ុក​

សម្ដេចតេជោ ហ៊ុន សែន នាយករដ្ឋមន្ត្រីកម្ពុជា នៅថ្ងៃទី ៥ ខែមករា ឆ្នាំ ២០២២ នេះ បានស្នើ​ទៅកាន់​គូស្វាមី ភរិយា ដែលលែងលះគ្នាហើយ កុំបន្តជេគ្នាតាមបណ្ដាញសង្គមហ្វេសប៊ុក ឬប្រព័ន្ធផ្សព្វ​ផ្សាយ។

ការក្រើនរំឭករបស់សម្ដេចតេជោ ហ៊ុន សែន នៅថ្ងៃទី ៥ ខែមករា ឆ្នាំ ២០២២នេះ ធ្វើឡើងចំថ្ងៃខួប អាពាហ៍ពិពាហ៍ ៤៦ឆ្នាំ របស់សម្ដេចតេជោ ហ៊ុន សែន ជាមួយសម្ដេចកិត្តិព្រឹទ្ធបណ្ឌិត ដែលសម្ដេចទាំងពីរបានតស៊ូគ្រប់បញ្ហាឆ្លងកាត់សម័យសង្គ្រាមរហូតមកដល់បច្ចុប្បន្ន។

សម្ដេចតេជោ ហ៊ុន សែន មានប្រសាសន៍ថា តាមការសង្កេតឃើញគួឱ្យស្រណោះ ហើយគួតែ​បញ្ឈប់ នៅពេលដែលយកគ្នាអត់បញ្ហា ដល់ពេលលែងលះគ្នា ស្រាប់តែបង្ហោះហ្វេសប៊ុក​ជេគ្នាពេញ​បណ្ដាញសង្គម។ ឥឡូវយើងឃើញច្រើនគូណាស់នៅក្នុងទីក្រុងភ្នំពេញ បន្ទាប់ពីការបែកបាក់ហើយ ជេគ្នា តើទុក​កិត្តិយសឱ្យគ្នាបានទេហោចណាស់យើងធ្លាប់ស្រលាញ់គ្នា ហើយរក្សាទុកកិត្តិយស​ឱ្យ​កូន​ទៅថ្ងៃក្រោយ ដែលធ្វើឱ្យប៉ះពាល់ដល់អារម្មណ៍កូន។

សម្ដេចតេជោ មានប្រសាសន៍ថា “បើមិនត្រូវគ្នាទេ យើងស្ងាត់ស្ងៀមចែកផ្លូវគ្នាទៅ ហើយរាប់អាន​គ្នា​ទៅ ឯកូនគឺជាកូន ព្រោះមានក្នុងច្បាប់ សុំតែកុំហែកហួរគ្នាតាមហ្វេសប៊ុក​ទៅបានទេ?”។

សម្ដេចតេជោបញ្ជាក់ថា ក្នុងដំណើរជីវិតគ្រួសារតែងតែមានបញ្ហាច្រើន ហើយប្រសិនជាជ្រុលលែង​លះ​គ្នា ក៏សូមលែងលះគ្នាឱ្យទៅតាមរបៀបមួយកុំបង្កើតជេបញ្ចោរគ្នា ហែកកេរ្ដិ៍៕

អត្ថបទពី៖ KPT

អត្ថបទពេញនិយម

វ៉ៅវ! សម្រស់យុវតីម្ចាស់ពាន Freshie Cambodia មើលយូរកាន់តែល្អគន់

ឆ្លងកាត់ការប្រកួតជាច្រើនដំណាក់កាល កម្មវិធី Freshie Boys and Girls Cambodia 2022 បានឈានដល់វគ្គផ្តាច់ព្រាត់កាលពីយប់មិញ និងបានរកឃើញម្ចាស់ពាន ២រូបប្រចាំជំនាន់ទី២១នេះ។

ពេលវេលាដែលទន្ទឹងរង់ចាំ! សន្និសីទបង្ហាញបេក្ខនារីផ្លូវការ បវរកញ្ញាចក្រវាលកម្ពុជា២០២២

ឆ្លងកាត់ការជួបសំណេះសំណាលជាច្រើនវគ្គ កម្មវិធីប្រកួតជ្រើសរើសបេក្ខនារីតំណាងជាតិ បវរកញ្ញាចក្រវាលកម្ពុជា កាន់តែខិតជិតដល់វគ្គបញ្ចប់ហើយ។

សម្ដេចតេជោ ហ៊ុន សែន សង្ឃឹមថា ឥណ្ឌានឹងអាចដើរតួនា​ទី​សំខាន់ ក្នុងការជំរុញការចរចារវាងរុស្ស៊ី-អ៊ុយក្រែន

សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា ប្រទេសឥណ្ឌា នឹងអាចដើរតួនា​ទី​សំខាន់ នៅក្នុងការជំរុញការចរចាសន្តិភាពរវាងប្រទេសរុស្ស៊ី ជាមួយប្រទេសអ៊ុយក្រែន ហើយសម្ដេចក៏ចង់ឃើញដំណោះស្រាយ រវាងប្រទេសទាំងពីរឲ្យបានឆាប់ផងដែរ។

សម្តេចតេជោ ហ៊ុន សែន ៖ ជោគ​​ជ័យ​​លើការ​​​ប្រយុទ្ធប្រឆាំង​​ជំងឺ​កូវីដ-១៩ មិន​មែនជាការចៃដន្យ​ទេ​

នៅ​ក្នុង​ពិធីសំណេះសំណាល​ ជាមួយក្រុមគូពេទ្យសម្ដេចតេជោ​​ប្រឆាំង​កូវីដ-១៩ ​នាព្រឹកថ្ងៃទី ១៧ ខែឧសភានេះ សម្ដេច​តេជោ ហ៊ុន សែន នាយករដ្ឋមន្ត្រីនៃកម្ពុជា