fbpx
Home ព័ត៌មាន សម្ដេចតេជោ ៖ ការបោះឆ្នោត ប៉ុន្មានអាណត្តិចុងក្រោយនេះ ពុំមានមនុស្សស្លាប់ និងរបួសនោះទេ

សម្ដេចតេជោ ៖ ការបោះឆ្នោត ប៉ុន្មានអាណត្តិចុងក្រោយនេះ ពុំមានមនុស្សស្លាប់ និងរបួសនោះទេ

សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានអះអាងថា ការបោះឆ្នោតប៉ុន្មានអាណត្តិចុងក្រោយនេះ នៅក្នុងប្រទេសកម្ពុជាពុំមានមនុស្សស្លាប់ និងរងរបួសនោះទេ។ ការអះអាងខាងលើនេះ គ្រាដែលសម្ដេចតេជោនាយករដ្ឋមន្ត្រី បានអញ្ជើញសម្ពោធដាក់ឲ្យប្រើប្រាស់ស្ពាន ៧កន្លែង ស្ថិតនៅក្នុងខេត្តក្រចេះ និងព្រៃវែង នាព្រឹកថ្ងៃទី ១៦ ខែកុម្ភៈ ឆ្នាំ ២០២២នេះ។

សម្រាប់ការបោះឆ្នោត ជ្រើសរើសក្រុមប្រឹក្សាឃុំ-សង្កាត់អាណត្តិទី ៥ ឆ្នាំ ២០២២ និងការបោះឆ្នោតជ្រើ​ស​តាំងតំណាងរាស្រ្ដអាណត្តិ ទី៧ ឆ្នាំ ២០២៣ខាងមុខនេះ សម្ដេចតេជោ ហ៊ុន សែន បានអំពាវនាវដ​ល់​​អាជ្ញាធរមានសមត្ថកិច្ច ត្រូវការពារសុវត្ថិភាព គ្រប់បណ្ដាគណបក្សនយោបាយ ដែលបានចុះបញ្ជីត្រឹមត្រូវ នៅក្រសួងមហាផ្ទៃ ដែលធ្វើសកម្មភាពនយោបាយ នៅតាមមូលដ្ឋាននានា។

សម្ដេចតេជោនាយករដ្ឋមន្ត្រី បានលើកឡើងដែរថា ក្នុងរយៈពេលប៉ុន្មានអាណត្តិចុងក្រោយនេះ ពុំមានអ្នកស្លាប់ និងរងរបួស ដោយសារតែការបោះឆ្នោតនោះទេ។ សម្ដេចតេជោ បានថ្លែងថា «ហើយត្រូវជួ​យ​ខិតខំការពារសុវត្ថិភាព នៃបណ្ដាបក្សនយោបាយនេះឲ្យបាន កុំឲ្យមានការបោះឆ្នោតមួយ​ញាំញី​ ដោយអំពើហិង្សា ជម្លោះ រហូតទៅដល់មានមនុស្សគ្រោះថ្នាក់ ការបោះឆ្នោតចុងក្រោយនេះ យើងគ្មានមនុស្សស្លាប់ ដោយសារការបោះឆ្នោតទេ ស្លាប់ ឬរបួស ដោយសារការបោះឆ្នោតទេ»។

សម្ដេចតេជោ ហ៊ុន សែន បានបញ្ជាក់ទៀតថា​ ចាប់តាំងពីឆ្នាំ ២០០៣មក ពុំមានមនុស្សស្លាប់ ឬរងរបួស ដោយសារតែការបោះឆ្នោត នោះទេ។ ដូច្នេះ សម្ដេចតេជោនាយករដ្ឋមន្ត្រី បានអំពាវនាវដល់គ្រប់មូលដ្ឋានទាំងអស់ ត្រូវបង្កលក្ខណៈងាយស្រួល និងសេរីភាពដល់បណ្ដាបក្សនយោបាយ អាចមានឱកាសជួបជុំ និងអាចលើកឡើងស្លាកគណបក្ស នៅទីតាំងដែលអាជ្ញាធរបានកំណត់ជូន។

ចំណែកឯបណ្ដាគណបក្សនយោបាយ ក៏ត្រូវតែគោរពនូវបែបបទ ដែលមានចែងក្នុងច្បាប់ជាធរមាន និងបទបញ្ជា ដែលចេញដោយគណៈកម្មាធិការជាតិ រៀបចំការបោះឆ្នោត ផងដែរ៕
អត្ថបទពី៖ KPT


អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។