fbpx
Home ព័ត៌មាន ប្រសាសន៍ សម្ដេចតេជោ ហ៊ុន សែន ៖ ដំណើរការរកសន្តិភាព មិនមែនទៅព្រឹក បានផលមកវិញល្ងាចនោះទេ

ប្រសាសន៍ សម្ដេចតេជោ ហ៊ុន សែន ៖ ដំណើរការរកសន្តិភាព មិនមែនទៅព្រឹក បានផលមកវិញល្ងាចនោះទេ

ដោយចង់បញ្ជាក់ ពីស្ថានភាពនៅប្រទេសមីយ៉ាន់ម៉ា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានថ្លែងអំណរគុណប្រទេសជប៉ុន ដែលគាំទ្រដំណើរទស្សនកិច្ចរបស់សម្ដេច ទៅកាន់ប្រទេសមីយ៉ាន់ម៉ា កាលពីពេលថ្មីៗនេះ ខណៈមានមនុស្សមួយចំនួន បានចោទប្រកាន់ថា ជាការធ្វើការងារកាទូតបែបប្រថុយប្រថាន។ សម្តេចតេជោនាយករដ្ឋមន្ត្រី បានថ្លែងថា ដំណើរការរកសន្តិភាព មិនមែនទៅព្រឹក បានផលមកវិញល្ងាចនោះទេ ហើយបើនៅតែបែបនេះ ៥ ឆ្នាំទៅ ១០ ឆ្នាំទៀត ក៏មិនអាចស្វែងរកសន្តិភាព បានដែរ។

សម្តេចតេជោនាយករដ្ឋមន្ត្រី បានថ្លែងបែបនេះ គឺនៅក្នុងពិធីសម្ពោធដាក់ឲ្យប្រើប្រាស់ស្ពាន ៧កន្លែង ស្ថិតនៅក្នុងខេត្តក្រចេះ (ចំនួន ៥ ស្ពាន) និងព្រៃវែង (ចំនួន ២ ស្ពាន) ជាជំនួយរបស់រដ្ឋាភិបាលជប៉ុន តម្លៃប្រមាណ ៣៥លានដុល្លារ នៅព្រឹកថ្ងៃទី ១៦ ខែកុម្ភៈ ឆ្នាំ ២០២២នេះ។

សម្ដេចតេជោ បានបញ្ជាក់ថា «ដំណើរការរកសន្តិភាព មិនមែនទៅព្រឹកបានផលមកវិញល្ងាច នោះទេ អត់ទេ។ ចាំមើលទៅ ខ្ញុំវ៉ៃក្រឡាទុកឲ្យ ៥ឆ្នាំទៅ១០ ឆ្នាំទៀត បើធ្វើតែរបៀបហ្នឹង ៥ឆ្នាំទៅ១០ឆ្នាំឡើងលើ ចាំមើលទៅ បើនៅតែបន្តដំណើរការបែបនេះ ប៉ុន្តែខ្ញុំនិយាយក្នុងនាមកម្ពុជា មិនមែនក្នុងនាមប្រធានអាស៊ានទេ។..ប៉ុន្តែចក្ខុវិស័យរបស់ហ៊ុន សែន ច្បាស់ណាស់ថា បើបន្តធ្វើបែបនេះទៀត ៥ទៅ១០ ឆ្នាំទៀត ប្រហែលជាមិនទាន់ឃើញពន្លឺសន្តិភាពនៅមីយ៉ាន់ម៉ាទេ»។

តាមសម្ដេចតេជោ ហ៊ុន សែន មកដល់ពេលនេះប្រធានអាស៊ានក៏ត្រូវមាត់ ប្រេសិតពិសេសរបស់អង្គការសហប្រជាជាតិក៏ត្រូវមាត់ ដោយសារគាត់ធ្វើអត្ថាធិប្បាយ ពីការបែងចែកអំណាច។ ដូច្នេះមានន័យថា អ្នកនោះកំពុងស្វះស្វែងរក ការកម្ចាត់ចោលទាំងស្រុង នូវកម្លាំងកងទ័ពមីយ៉ាន់ម៉ាតែម្ដង។ ដូច្នេះតើនេះជាចំណុចបង្រួបបង្រួមជាតិ ឬជាការបំផ្លាញ ចោល នូវរចនាសម្ព័ន្ធកងទ័ពមីយ៉ាន់ម៉ាទាំងស្រុង? សម្តេចថា ស្ថានភាពបែបនេះ គេពិតជាមិនព្រមទេ។

សម្តេចតេជោ បានលើកឡើងពិវិធីសាស្ត្រ ដើម្បីបំផ្លាញចោលនូវអង់ការចាត់តាំងនយោបាយ និងយោធារបស់ខ្មែរក្រហម។ សម្តេចថា ដើម្បីបំផ្លាញចោលនូវអង្គការចាត់តាំងនយោបាយ និងយោធារបស់ខ្មែរក្រហម សម្តេចត្រូវដាក់ចេញនូវនយោបាយឈ្នះ-ឈ្នះ ហើយនយោបាយឈ្នះ-ឈ្នះនោះ សម្តេច ត្រូវដាក់ចេញនូវ ៣ចំណុចសំខាន់ៗគឺ ទី១. ធានាអាយុជីវិត និងរូបកាយរបស់គេ។ ទី២. ធានា​អាជីព និងមុខរបរ។ និងទី៣. ត្រូវធានាកម្មសិទ្ធិ និងអចលនទ្រព្យ និង ចលនទ្រព្យរបស់គេ។ ការធានា៣ចំណុចនេះហើយ ទើបឈានទៅដល់នៃការរលំរលាយ នៃអង្គការចាត់តាំងយោធារបស់ខ្មែរក្រហម។

សម្តេចតេជោ បានអះអាងថា ស្ថានភាពបែបនេះ វាមិនទាន់ធ្លាប់មានទេ តែបើករណីនៅមីយ៉ាន់ម៉ា សូម្បីតែប្រេសិតពិសេស របស់អគ្គលេខាធិការអង្គការសហប្រជាជាតិ ក៏វាយប្រហារដែរ។ ដូច្នេះប្រធានអាស៊ាន ធ្វើអីក៏មិនកើតដែរ ហើយតទៅនៅមីយ៉ាន់ម៉ា នឹងបន្តមានមនុស្សស្លាប់តទៅទៀត ស្លាប់ដោយសារការបាញ់គ្នា ស្លាប់ដោយសារការអត់បាយ ហើយនឹងក្លាយជាវិបត្តិមនុស្សធម៌ នាពេលខាងមុខ។

សម្ដេចតេជោ បានបន្ថែមថា សម្តេចមិនចង់តបតអីទេ តែមិនប្រាកដថា ប្រទេសអ្នកក្រ មានចក្ខុវិស័យទន់ខ្សោយទេ ហើយក៏មិនប្រាកដថា ប្រទេសអ្នកមាន មានចក្ខុវិស័យពូកែនោះដែរ។ ប្រទេសខ្លះ រកតែសន្តិភាព នៅប្រទេសខ្លួនឯង ក៏អត់បានដែរ៕

អត្ថបទពី៖ KPT

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។