fbpx
Home ព័ត៌មាន សម្តេចតេជោ ហ៊ុន សែន ៖ ជោគ​​ជ័យ​​លើការ​​​ប្រយុទ្ធប្រឆាំង​​ជំងឺ​កូវីដ-១៩ មិន​មែនជាការចៃដន្យ​ទេ​

សម្តេចតេជោ ហ៊ុន សែន ៖ ជោគ​​ជ័យ​​លើការ​​​ប្រយុទ្ធប្រឆាំង​​ជំងឺ​កូវីដ-១៩ មិន​មែនជាការចៃដន្យ​ទេ​

នៅ​ក្នុង​ពិធីសំណេះសំណាល​ ជាមួយក្រុមគូពេទ្យសម្ដេចតេជោ​​ប្រឆាំង​កូវីដ-១៩ ​នាព្រឹកថ្ងៃទី ១៧ ខែឧសភានេះ សម្ដេច​តេជោ ហ៊ុន សែន នាយករដ្ឋមន្ត្រីនៃកម្ពុជា បានលើកឡើងថា នៅ​ក្នុង​ការ​ប្រយុទ្ធ​ប្រឆាំង​ជំងឺកូវីដ-១៩​នេះ សម្តេចបាន​​ត្រៀម​បម្រុងទុកជាមុន មិនអាចធ្វេសប្រហែស​បានទេ។​

បើតាមសម្តេចតេជោ ហ៊ុន សែន ​កាលពីថ្ងៃទី ១៨ ខែមីនា ឆ្នាំ ២០២០ សម្ដេច​បានអំពាវនាវដើម្បី​បង្កើត​ក្រុមគ្រូពេទ្យស្ម័គ្រចិត្តមួយ ដែល​ហ៊ានប្រយុទ្ធជាមួយសត្រូវឥតស្រមោលនេះ ពីព្រោះវាមិនមែនជាការងាយទេ​ ក្នុងការប្រមូលយកយុវជន​ដែលជាកូន ជាឪពុក ជាចៅ ជាប្ដី​ជាប្រពន្ធ​ ជាទីស្រលាញ់ ដើម្បីចូលរួមប្រយុទ្ធ ជាមួយសង្គ្រាម​ដែលមើលមិនឃើញ​។ ប៉ុន្តែដោ​យ​សារ​តែទឹកចិត្តស្នេហាជាតិ ក្រុមយុវជនរបស់យើង បានចូលរួមយ៉ាងសកម្មនៅក្នុងចលនានេះ។

សម្តេចតេជោ បានបញ្ជាក់ថា នៅ​ពេល​អំពាវនាវនោះ ប្រទេសកម្ពុជាយើងមិនទាន់មានការរីករាលដាលកូវីដ-១៩ ច្រើននោះទេ។ ប៉ុន្តែមកដល់ពេលនេះ ​អ្នក​ទាំងអស់គ្នា​អាចដឹង​បាន​ហើយ​ថា មិន​មែនជាការចៃដន្យទេ នៃជោគ​ជ័យ​ដែលយើង​ប្រយុទ្ធឈ្នះទៅលើកូវីដ-១៩​នេះ អាចផ្ដល់ជាសញ្ញាឲ្យបានដឹងថា ហ៊ុន សែន មិនដែលខ្វះការគិតអំពីសេណារីយ៉ូបែង​ចែក​នោះទេ ពីព្រោះលទ្ធភាព​អាចកើតឡើងច្រើនបែបច្រើនយ៉ាង។​

សម្តេចតេជោ ហ៊ុន សែន បាន​​អះអាងថា ពិតមែន​ថា នៅពេលនោះ ក្រុមគ្រូពេទ្យយើងមានច្រើន ​តែ ប្រសិន​បើសម្ដេច មិនបង្កើតសកម្មភាពរបស់យុវជននេះ ដើម្បីត្រៀមបម្រុងទុក​នៅពេលមានហេតុការណ៍ធំកើតឡើងនោះទេ ​នឹងគ្មានលទ្ធភាព​ដើម្បីទប់ទល់នោះទេ ពីព្រោះ​យើង​មិនត្រឹម​តែធ្វើការ​ជាមួយកូវីដនោះទេ។ គ្រូពេទ្យ​មានភារកិច្ចផ្សេងៗទៀត ដូចជា​ការវះកាត់​ និង​ព្យា​បាលជំងឺប្រជាពលរដ្ឋផ្សេងទៀត ដូច្នេះ​ចំណុចនេះ អាចយល់បានអំពីការគិតគូររបស់នាយករដ្ឋមន្ត្រីរូបនេះហើយ​។ ​តាំងពីមុនមក សម្តេចតែង​មានការត្រៀមរៀបចំបែបនេះ ​សម្ភារៈពេទ្យ​​ក៏ត្រូវបានរៀបចំស្តុកបម្រុងផងដែរ ហើយ​លុះត្រាតែមានបទបញ្ជាទើបអាចយកចេញបាន។​

សម្តេចតេជោ​បញ្ជាក់ថា «យើងមិនអាចវ៉ៃឲ្យសន្លឹកបៀរអស់ពីដៃបានទេ ដូច្នេះករណីដូចគ្នានេះ ការត្រៀមរៀបចំបម្រុងទុក​នូវយុវជន ដើម្បីចូលរួមប្រយុទ្ធជាមួយកូវីដ-១៩ មិនមែនជាការប្រ​ថុយ​ប្រថានទេ»៕

អត្ថបទពី៖ KPT

អត្ថបទពេញនិយម

ថ្ងៃ​​សុក្រ​​នេះ! ​ខ្លា​ចាស់​​គុន​​ខ្មែរ​​២​​រូប​​​ប៉ះ​​អ្នក​​លេង​​ឆ្លង​ដែន​​ថៃសង្វៀន​​គូបូតា​

អ្នក​លេង​គុន​ខ្មែរ​ចាស់​វស្សា​ពីរ​រូប​ដើរ​តួ​ជា​ម្ចាស់​ផ្ទះ​ល្អ​ក្នុង​ការ​ទទួល​ភ្ញៀវ​ឆ្លង​ដែន​មក​ពី​ប្រទេស​ថៃ​នៅ​កម្មវិធី​​​ប្រកួត​ជើង​ឯក គូបូតា បច្ចេកវិទ្យាកសិកម្ម​ថ្មី នា​ថ្ងៃ​សុក្រ ទី​១ ខែ​កក្កដា ឆ្នាំ​២០២២​នៅ​ទូរទស្សន៍​បាយ័ន។

សម្ដេចតេជោ ហ៊ុន សែន អញ្ជើញជាអធិបតីក្នុងអង្គមិទ្ទិញអបអរសាទរខួប ៧១ឆ្នាំ ថ្ងៃកំណើតគណបក្សប្រជាជនកម្ពុជា

ពិធីនេះ បាននិងប្រារព្ធធ្វើឡើងយ៉ាងមហោឡារឹកនៅវិមាន ៧មករា ដែលមានការចូលរួមពីថ្នាក់ដឹកនាំសំខាន់ៗ របស់គណបក្សប្រជាជនកម្ពុជា និងសមាជិក-សមាជិកា ជាច្រើនរូបទៀត។ ជារៀងរាល់ឆ្នាំគណបក្សប្រជាជនកម្ពុជា តែងតែប្រារព្ធពិធីអបអរសាទរ ថ្ងៃកំណើតរបស់យ៉ាងមហោឡារឹកអធិកអធមជាទីបំផុត។ ប៉ុន្តែរយៈពេល ២ឆ្នាំមកហើយ គណ បក្សនយោបាយដ៏ធំ និងមានការគាំទ្រយ៉ាងច្រើនលើសលប់ ពីប្រជាពលរដ្ឋកម្ពុជាមួយនេះ មិនបានប្រារព្ធពិធីអបអរសាទរខួបកំណើតរបស់ខ្លួននោះទេ ដើម្បីចូលរួមទប់ស្កាត់ការរីករាលដាល នៃជំងឺកូវីដ-១៩។ ចាប់ពីថ្ងៃបានបដិសន្ធិឡើង នាថ្ងៃទី ២៨ ខែមិថុនា ឆ្នាំ ១៩៥១មក គណបក្សប្រជាជនកម្ពុជា បានប្រកាន់ខ្ជាប់នូវគោល បំណងដើមរបស់ខ្លួន គឺប្រមូលកម្លាំងគ្រប់ជនជាតិកម្ពុជា ដែលមានឧត្តមគតិស្នេហាជាតិមាតុភូមិ ស្រឡាញ់លទ្ធិប្រជាធិបតេយ្យ និងសន្តិភាព ដោយមិនប្រកាន់ឋានៈ ជីវភាព ដើមកំណើតជាតិ ជំនឿសាសនា អតីតកាល ដើម្បីរួមកម្លាំងគ្នារំដោះប្រជាជាតិឲ្យរួចផុតពីការឈ្លានពាន ការត្រួតត្រា ការជិះជាន់ធ្វើបាបគ្រប់បែបយ៉ាង ការពារសមិទ្ធផលសង្គមជាតិ និងកសាង អភិវឌ្ឍប្រទេសជាតិ ជាបន្តបន្ទាប់។

មិនដល់មួយថ្ងៃ ភាពយន្តជីវិតទី១៦៨ ទទួលបានការទស្សនា១លានដង

មិនមែនលើកដំបូងទេ ដែលវីដេអូរឿងរបស់ស្ថានីទូរទស្សន៍ បាយ័ន ទទួលបានអ្នកចូលទស្សនារាប់លានដងត្រឹមរយពេលមិនដល់ ២៤ម៉ោង

វ៉ៅវ! រឿងចប់មិនប៉ុន្មានម៉ោង ហ្វេនៗមិនអស់ចិត្តសុំផលិតវគ្គ ២បន្ត 

ដូចដែលបានដឹងហើយថា ស្ថានីទូរទស្សន៍ បាយ័ន តែងតែនាំមកនូវរឿងភាគខ្មែរល្អជាច្រើនបន្តបន្ទាប់ ដើម្បីបំរើអារម្មណ៍ដល់ទស្សនិកជនរៀងរាល់សប្តាហ៍។