ព័ត៌មាន
ឯកឧត្តម កែវ រ៉េមី៖ កម្ពុជាអនុវត្តគោលការណ៍សិទ្ធិមនុស្សតាមអនុសាសន៍របស់អង្គការសហប្រជាជាតិយ៉ាងខ្ជាប់ខ្ជួន
ឯកឧត្តម ទេសរដ្ឋមន្រ្តី កែវ រ៉េមី ថ្លែងថា រាជរដ្ឋាភិបាលកម្ពុជាបានអនុវត្តគោលការណ៍សិទ្ធិមនុស្សតាមអនុសាសន៍របស់អង្គការសហប្រជាជាតិយ៉ាងខ្ជាប់ខ្ជួនក្នុងនាមជាសមាជិកដែលតែងចូលរួមធ្វើបទអន្តរាគមន៍តាមការកំណត់នៃអាណត្តិរបស់ខ្លួន។
ការថ្លែងរបស់ឯកឧត្តម ទេសរដ្ឋមន្រ្តី កែវ រ៉េមី ប្រធានគណកម្មាធិការសិទ្ធិមនុស្សកម្ពុជា នាថ្ងៃទី២៤ ខែមីនា ឆ្នាំ២០២៥ ក្នុងឱកាសអញ្ជើញបើកសិក្ខាសាលាថ្នាក់ជាតិស្តីពី ការផ្សព្វផ្សាយ និងតាមដានបន្តអនុសាសន៍ដែលទទួលបានពីការពិនិត្យជាសកលតាមកាលកំណត់ជុំទីបួន (UPR) ដែលមានការចូលរួមពីតំណាង និងអ្នកសម្របសម្រួលរបស់អង្គសហប្រជាជាតិប្រចាំកម្ពុជា សមាជិករដ្ឋសភា តំណាងក្រសួងស្ថាប័នចំនួន១៧ និងតំណាងអង្គការសង្គមស៊ីវិលជាច្រើនរូប។
ឯកឧត្តម ទេសរដ្ឋមន្រ្តី កែវ រ៉េមី មានប្រសាសន៍ថា សិក្ខាសាលានេះត្រូវបានរៀបចំឡើងក្រោមកិច្ចសហប្រតិបត្តិការរវាងគណៈកម្មាធិការសិទ្ធិមនុស្សកម្ពុជា និងការិយាល័យឧត្តមស្នងការទទួលបន្ទុកសិទ្ធិមនុស្សប្រចាំកម្ពុជា ក្នុងគោលបំណងលើកកម្ពស់ការយល់ដឹងអំពីយន្តការ UPR ព្រមទាំងដើម្បីជាការផ្តល់វេទិកាមួយឱ្យគ្រប់ភាគីពាក់ព័ន្ធជជែកពិភាក្សា និងចែករំលែកមតិយោបល់ ដើម្បីរួមចំណែកក្នុងការអនុវត្តអនុសាសន៍ដែលបានទទួលយកឱ្យសម្រេចបានលទ្ធផលកាន់តែល្អប្រសើរ។
ឯកឧត្តម ទេសរដ្ឋមន្រ្តី មានប្រសាសន៍ទៀតថា គិតមកដល់ពេលនេះ ប្រទេសកម្ពុជាបានឆ្លងកាត់ការពិនិត្យចំនួន៤ដង ចាប់តាំងពីមានការបង្កើតការពិនិត្យជាសកលតាមកាលកំណត់ (UPR) ឆ្នាំ២០០៩ ហើយមកដល់ជុំទីបួននេះ ក្រុមប្រឹក្សាសិទ្ធិមនុស្សបានអនុម័តឱ្យកម្ពុជាទទួលអនុសាសន៍ចំនួន ២៣២ ក្នុងចំណោម ២៧៥អនុសាសន៍សម្រាប់អនុវត្ត។
ជាមួយគ្នានេះ ឯកឧត្តម ទេសរដ្ឋមន្រ្តី បញ្ជាក់ថា បើធៀបនឹងតំបន់ ក៏ដូចជាសកលលោក ប្រទេសកម្ពុជាជាប្រទេសនាំមុខយ៉ាងល្អប្រសើរលើការអនុវត្តអនុសាសន៍ មិនថាលើបញ្ហាគាំទ្រសិទ្ធិរបស់ស្រ្តី សាសនា ឬពណ៌សម្បុរ។
នាឱកាសនោះដែរ ឯកឧត្តម ទេសរដ្ឋមន្រ្តី បានណែនាំដល់ក្រសួង-ស្ថាប័នសាម៉ីសរុបទាំង១៧ ដែលទទួលនូវអនុសាសន៍ជុំទីបួននេះ ត្រូវជំរុញការអនុវត្តអនុសាសន៍ទាំង២៣២ ទៅតាមសមត្ថកិច្ចរៀងៗខ្លួនឱ្យមានប្រសិទ្ធភាព ហើយបន្តសហការឱ្យបានយ៉ាងល្អ ដើម្បីជាការរួមចំណែកជាមួយរាជរដ្ឋាភិបាលក្នុងការបំពេញកាតព្វកិច្ចសិទ្ធិមនុស្សអន្តរជាតិ ក៏ដូចជាដើម្បីឧត្តមប្រយោជន៍របស់ប្រជាជនកម្ពុជា។
សូមជម្រាបថា ការពិនិត្យជាសកលតាមកាលកំណត់ (UPR) គឺជាយន្តការពិសេសមួយដែលពិនិត្យការបំពេញកាតព្វកិច្ចសិទ្ធិមនុស្សរបស់រដ្ឋភាគី ក្នុងដំណើរការពិនិត្យដែលធ្វើឡើងដោយរដ្ឋជាសមាជិកនៃអង្គការសហប្រជាជាតិទាំងអស់។ លើសពីនេះ រដ្ឋភាគីត្រូវរាយការណ៍ពីវឌ្ឍនភាព និងបញ្ហាប្រឈមរបស់ខ្លួន និងទទួលអនុសាសន៍ពីរដ្ឋសមាជិកដ៏ទៃទៀត ពិសេសតាមរយៈការបញ្ជូលធាតុចូលពីភាគីពាក់ព័ន្ធនានា (UPR) មានគោលបំណងពង្រឹងការការពារសិទ្ធិមនុស្សជាសកល និងជំរុញឱ្យមានកិច្ចខិតខំប្រឹងប្រែងប្រកបដោយចីរភាព ដើម្បីធានាការគោរពសិទ្ធិបុគ្គលគ្រប់រូប៕
-
ព័ត៌មាន4 days agoពលរដ្ឋខ្មែរត្រឡប់ពីអាមេរិកស្ងើចសរសើរការដឹកនាំរបស់រាជរដ្ឋាភិបាលធ្វើឱ្យប្រទេសជាតិមានការអភិវឌ្ឍ
-
ព័ត៌មាន7 days agoអគ្គមេបញ្ជាការ កងទ័ពហ្វីលីពីន បន្តចុះសង្កេតការណ៍នៅភូមិសាស្រ្តច្រកបឹងត្រកួន
-
ព័ត៌មាន4 days agoមួយឆ្នាំ២០២៥ មានអ្នកជំងឺមកពិគ្រោះជំងឺក្រៅនៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី
-
កីឡា1 week agoពានរង្វាន់កីឡាអេឡិចត្រូនិច T.Y Media Academy លើកទី៤ ត្រឡប់មកវិញ ជាមួយកំណើនក្រុមចូលរួមដ៏ច្រើន
-
ព័ត៌មាន5 days agoសម្ដេចធិបតី ហ៊ុន ម៉ាណែត ដឹកនាំគណៈប្រតិភូកម្ពុជាទៅចូលរួមកិច្ចប្រជុំលើកដំបូងរបស់ក្រុមប្រឹក្សាសន្តិភាពនៅអាមេរិក និងទស្សនកិច្ចនៅអឺរ៉ុប
-
ព័ត៌មាន7 days agoគ.ជ.ប.ជ ដាក់ឲ្យដំណើរការក្របខ័ណ្ឌតាមដាន វាយតម្លៃ និងសិក្សាដកបទពិសោធន៍លើការងារប្រឆាំងអំពើជួញដូរមនុស្ស
-
ព័ត៌មាន1 week ago រដ្ឋាភិបាលជប៉ុន គណៈកម្មាធិការជាតិគ្រប់គ្រងគ្រោះមហន្តរាយ និង WFP ចុះហត្ថលេខាលើកិច្ចព្រមព្រៀងតម្លៃ ១.៥ លានដុលដុល្លារ ដើម្បីគាំទ្រការស្ដារជីវភាពរស់នៅ និងការលើកកម្ពស់អាហារូបត្ថម្ភក្នុងសហគមន៍ដែលរងផលប៉ះពាល់ដោយជម្លោះព្រំដែននៅកម្ពុជា
-
ព័ត៌មាន6 days agoក្រុមសហគ្រិន សាទរចំពោះ «យុទ្ធនាការផលិតផលជាតិ» ស្របពេលមានសន្ទុះគាំទ្រ និងប្រើប្រាស់ផលិតផលជាតិ