ព័ត៌មាន
មន្រ្ដី ក.ប.ប. កំពុងចុះពិនិត្យការលក់ទុរេនស្រស់នៅលើទីផ្សារ ខណៈពុំទាន់រកឃើញសារធាតុគីមី
ភ្នំពេញ៖ មន្រ្តីជាន់ខ្ពស់នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំបានបញ្ជាក់ឱ្យដឹងថា ករណីផ្លែឈើទុរេន បន្ទាប់ពីបានយកគំរូ និងសំណាកចំនួនប្រមាណជាង ២០ សំណាកមកពី២០ទីតាំងផ្សេងៗគ្នា ដើម្បីធ្វើការវិភាគ រហូតមកទល់ពេលនេះ មិនទាន់រកឃើញមានសារធាតុគីមីហាមឃាត់នៅឡើយទេ និងខណៈមន្រ្តីជំនាញបានកំពុងបន្តធ្វើការតាមដានបន្តទៀតដោយយកចិត្តទុកដាក់លើករណីនេះ។
ឯកឧត្ដម គឹម មាសសុខសីហា អគ្គនាយក នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្រ្កាបការក្លែងបន្លំ ហៅកាត់ ក.ប.ប. នៃក្រសួងពាណិជ្ជកម្ម បានមានប្រសាសន៍ប្រាប់ព័ត៌មាន ប៊ីធីវី ឱ្យដឹងកាលពីរសៀលថ្ងៃទី១៥ ខែឧសភានេះថា បញ្ហាទុរេនក្រុមការងារបានកំពុងធ្វើយ៉ាងដុតដៃដុតជើងសកម្មផងដែរ ដោយក្នុងរយៈពេលកន្លងទៅ រហូតមកទល់ពេលនេះ គឺបានអនុវត្តត្រួតពិនិត្យតាមគោលដៅសំខាន់ៗជាច្រើន មានដូចជា កន្លែងប្រមូលផ្តុំទុរេនក្រោយពីការនាំចូល ហើយត្រៀមយកទៅទុកសម្រាប់ចែកចាយ និងគោលដៅប្រមូលផ្តុំសម្រាប់យកទៅចែកចាយ ហើយនិងទីផ្សារ រួមទាំងពីចំការផងដែរ ព្រោះចង់បញ្ជាក់ឱ្យច្បាស់ថា ចំការរបស់កម្ពុជាក៏អត់មានប្រើប្រាស់សារធាតុគីមីជ្រលក់ជា Basic Yellow 2 ហៅកាត់ ប៊ីវ៉ាយធូ (BY2) ឬក៏ អូរ៉ាមីនេអូ (Auramine O) ។
ឯកឧត្តមអគ្គនាយក បានបន្តថា ដូច្នេះយើងបានផ្ញើរគំរូ និងសំណាកទៅកាន់មន្ទីរពិសោធន៍បានច្រើនហើយ ចំនួនប្រមាណជាង ២០សំណាក ដើម្បីវិភាគ ដែលគិតមកទល់ពេលនេះ មិនទាន់រកឃើញវត្តមានសារធាតុគីមីហាមឃាត់ទាំងនោះទេ។ ហើយក្រុមការងារ នឹងបន្តធ្វើការតាមដានបន្តទៀត និងធ្វើការងារទៅលើកិច្ចការងារពាក់ព័ន្ធការត្រួតពិនិត្យ ការអប់រំផ្សព្វផ្សាយដល់អាជីវករ និងពាណិជ្ជករដែលរកស៊ីក្នុងផលិតផលទុរេននេះផងដែរ។
ទាក់ទិនការលើកឡើងខាងលើនេះ អ្នកស្រី ពួយ សុផាវី អាជីវករលក់ទុរេននៅរាជធានីភ្នំពេញ បានបង្ហាញការគាំទ្រលើចំណាត់ការរបស់រាជរដ្ឋាភិបាលក្នុងការពង្រឹងប្រសិទ្ធភាពគ្រប់គ្រងការនាំចូលផ្លែទុរេនស្រស់ និងបានឱ្យដឹងទៀតថា ការដាក់លក់ផ្លែទុរេននៅលើទីផ្សារសព្វថ្ងៃ ក្រៅពីផលិតផលក្នុងស្រុក ក៏មានផលិតផលនាំចូលផងដែរ ប៉ុន្តែគុណភាព រសជាតិ និងតម្លៃខុសគ្នា។ ជាពិសេសការដាក់លក់ផលិតផលក្លែងបន្លំ ដែលធ្វើឲ្យប៉ះពាល់ដល់អ្នកទិញយកទៅទទួលទាន។ អ្នកស្រី បានស្នើដល់មន្រ្តីមានសមត្ថកិច្ច បន្តរក្សាការពង្រឹងការអនុវត្តច្បាប់ឱ្យបានជាប់ជាប្រចាំដើម្បីការពារសុខភាពអ្នកប្រើប្រាស់។
កាលពីថ្ងៃទី១៣ ខែឧសភាកន្លងទៅ អគ្គនាយកដ្ឋានគយ និងរដ្ឋាករកម្ពុជា បានស្នើឲ្យមន្ត្រីទទួលបន្ទុកទប់ស្កាត់ទំនិញក្លែងបន្លំ ចាត់ចែងការដកសំណាកគំរូតាមគោលការណ៍ហានិភ័យ ឬតាមរូបភាពចោះៗ ដើម្បីស្នើសុំកិច្ចសហការពីអគ្គនាយកដ្ឋាន ក.ប.ប. ធ្វើការវិភាគ។ ក្នុងករណីលទ្ធផលនៃការវិភាគបង្ហាញថា ផលិតផលមានសារធាតុគីមីប៉ះពាល់ដល់សុខភាព ឬខូចគុណភាព ត្រូវចាត់ចែងប្រមូល ឬឃាត់ទុកទំនិញទាំងនោះ និងធ្វើរបាយការណ៍ស្នើសុំការចាត់វិធានការបន្ត។ សូមបញ្ជាក់ទៀតថា ការដាក់ចេញវិធានការនេះ ធ្វើឡើងស្របពេលមានសេចក្ដីរាយការណ៍ពីការចាល់ផ្លែទុរេននៅប្រទេសជិតខាងកម្ពុជា កំពុងចាល់នៅក្នុងទីផ្សារ ក្រោយភាគីចិន រឹតបន្តឹងការត្រួតពិនិត្យរកសារធាតុគីមីម្យ៉ាងដែលអាចបង្កជាជំងឺមហារីក៕ អត្ថបទ៖ ឈិត បូរ៉ាវី
-
ព័ត៌មាន2 days agoពលរដ្ឋខ្មែរត្រឡប់ពីអាមេរិកស្ងើចសរសើរការដឹកនាំរបស់រាជរដ្ឋាភិបាលធ្វើឱ្យប្រទេសជាតិមានការអភិវឌ្ឍ
-
ព័ត៌មាន5 days agoអគ្គមេបញ្ជាការ កងទ័ពហ្វីលីពីន បន្តចុះសង្កេតការណ៍នៅភូមិសាស្រ្តច្រកបឹងត្រកួន
-
ព័ត៌មាន1 week agoកម្ពុជា បន្តតវ៉ាជំទាស់ នឹងសកម្មភាពរបស់កងកម្លាំងប្រដាប់អាវុធថៃ ក្នុងការកាន់កាប់ទឹកដីកម្ពុជា ដាក់របាំងកុងតឺន័រ និងសាងសង់ផ្លូវចូលទៅតំបន់មួយចំនួន ក្នុងខេត្តឧត្តរមានជ័យ និងពោធិ៍សាត់
-
ព័ត៌មាន2 days agoមួយឆ្នាំ២០២៥ មានអ្នកជំងឺមកពិគ្រោះជំងឺក្រៅនៅមន្ទីរពេទ្យមិត្តភាពខ្មែរ-សូវៀតមានជិត ១០ម៉ឺនករណី
-
កីឡា6 days agoពានរង្វាន់កីឡាអេឡិចត្រូនិច T.Y Media Academy លើកទី៤ ត្រឡប់មកវិញ ជាមួយកំណើនក្រុមចូលរួមដ៏ច្រើន
-
កីឡា1 week agoជើងឯកកីឡាទោចក្រយានថ្នាក់ជាតិ ជោគជ័យទាំងការរៀបចំ កើនទាំងគុណផលកីឡាករចូលរួម
-
ព័ត៌មាន3 days agoសម្ដេចធិបតី ហ៊ុន ម៉ាណែត ដឹកនាំគណៈប្រតិភូកម្ពុជាទៅចូលរួមកិច្ចប្រជុំលើកដំបូងរបស់ក្រុមប្រឹក្សាសន្តិភាពនៅអាមេរិក និងទស្សនកិច្ចនៅអឺរ៉ុប
-
ព័ត៌មាន4 days agoក្រុមសហគ្រិន សាទរចំពោះ «យុទ្ធនាការផលិតផលជាតិ» ស្របពេលមានសន្ទុះគាំទ្រ និងប្រើប្រាស់ផលិតផលជាតិ