ក្រសួងការងារធ្វើសន្និសីទថ្នាក់ជាតិស្ដីពី «ការងើបឡើងវិញនៃសេដ្ឋកិច្ច និងការងារ និង​ដំណើរឆ្ពោះទៅកាន់ការចាកចេញពីក្រុមប្រទេសអភិវឌ្ឍន៍តិចតួច»

ឯកឧត្តម ហេង សួរ បាន​មាន​ប្រសាសន៍​ប្រាប់​ក្រុមអ្នកសារព័ត៌មានឲ្យដឹងថា នេះជាសន្និសីទថ្នាក់​ជាតិ​លើក​ទី១​ស្តីពី​សេដ្ឋកិច្ច​ការងារ ដើម្បីនាំតួ​អង្គពាក់ព័ន្ធ​ទាំងអស់​ឲ្យ​មក​ជួប​គ្នា​ឲ្យ​ដឹង​អំពី​តួនាទី​នៃ​ការងាររ​បស់​ក្រសួង​ការងារ​ក្នុង​វិស័យសេដ្ឋកិច្ច ដើម្បីចែករំលែកនូវការយល់ឃើញអំពីនិន្នាការថ្មីៗ និងជំរុញ​ភាព​ជា​ដៃគូ និងនវានុវត្តន៍ដែលគាំទ្រការផ្លាស់ប្តូរសេដ្ឋកិច្ច និងទីផ្សារការងារ។

ឯកឧត្តមរដ្ឋមន្រ្តី បានបន្តថា ដូចដឹងទាំងអស់គ្នាហើយថា ការចាក​ចេញ​ពី​ប្រទេស​អភិវឌ្ឍន៍​តិច​តួច គឺមានចំណុចទាំងប្រឈម និងឱកាសផងដែរ។ ចំណុចប្រឈម ដែលអាចនឹងជួបប្រទះ ទី១. អាច​នឹងបាត់បង់ការអនុគ្រោះពន្ធពីប្រទេសដែលនាំចូលនូវផលិតផល ព្រោះជា​ទូទៅ​ការ​អនុ​គ្រោះ​ពន្ធ​នេះ​គេតែងែផ្ត់ឲ្យបណតាប្រទេសដែលអភិវឌ្ឍន៍តិចតួច អញ្ចឹងនៅពេល​ដែល​កម្ពុជា​ចាក​ចេញ​ពី​ឋានៈជាប្រទេសដែលអភិវឌ្ឍន៍តិចតួច នោះគេនឹងអាចដកការអនុគ្រោះពន្ធកន្លងទៅ។ ចំពោះ​ចំណុចទី២.គឺអាចពាក់ព័ន្ធវិធានដើមនៃទំនិញ ព្រោះនៅពេល​កម្ពុជា​ស្ថិត​នៅ​ប្រទេស​អភិវឌ្ឍន៍​តិច​តួច គឺថាគេទាមទារឲ្យមានវត្ថុធាតុដើម ធាតុចូលពីប្រទេសកម្ពុជាត្រឹម ៣០% គេ​អាច​ហៅ​ផលិត​ផលនោះ ឬសេវានោះផលិតនៅកម្ពុជា។ ប៉ុន្តែនៅ​ពេល​ដែល​កម្ពុជា​ចាក​ចេញ​ពី​ប្រទេស​អភិវឌ្ឍន៍តិចតួច គេទាមទារឲ្យកម្ពុជាត្រូវមានវត្ថុធាតុដើម និងធាតុចូល​របស់​ប្រទេស​រហូត​ដល់ ៦០% ដូច្នេះមានន័យថា កម្ពុជាត្រូវមានខ្សែសង្វាក់ផលិតកម្មវែងជាងមុន ដើម្បី​ធ្វើ​ម៉េច​យើង​អាច​យក​វត្ថុធាតុដើម និងវត្ថុធាតុផ្សំផ្សេងៗ ដើម្បីផ្គុំគ្នាទៅផលិតផ​ល​ចុង​ក្រោយ​សម្រាប់​ការ​នាំ​ចេញ​យ៉ាង​ណាស់ឲ្យបាន ៦០% ពោលមិនមែនពឹង​ផ្អែក​តែ​លើ​ប្រាក់​បៀវត្សរ៍​កម្មករ​និយោជិត​តែ​មួយ​នោះ​ទេ គឺថាទាំងវត្ថុធាតុដើមក៏ត្រូវផលិតបន្ថែមទៀតដែរនេះជាចំណុចប្រឈម។

សូមជម្រាបជូនថា សន្និសីទថ្នាក់ជាតិស្តីពីសេដ្ឋកិច្ចការងារឆ្នាំ២០២៤ ក្រោមប្រធានបទ ការ​ងើប​ឡើង​វិញ​នៃសេដ្ឋកិច្ច និងការងារ និងដំណើរឆ្ពោះទៅ​កាន់កា​រ​ចាក​ចេញ​ពី​ក្រុម​ប្រទេស​អភិវឌ្ឍន៍​តិច​តួច មានរយៈពេល២ថ្ងៃ ចាប់ពីថ្ងៃទី១១ និង១២ ខែធ្នូ ឆ្នាំ២០២៤ ក្នុងគោល​បំណង​ចម្បង​ចំនួ​ន​៤ ដូចជា ១.ប្រមូលផ្តុំអ្នកជំនាញក្នុងវិស័យការងារ សន្តិសុខសង្គម និងបណ្តុះបណ្តាល​វិជ្ជាជីវៈ​មក​ពីស្ថាប័នផ្សេងៗគ្នា ដើម្បីចែករំលែកនូវការយល់ឃើញអំពីនិន្នាការថ្មីៗ ២.ចែករំលែក​ការ​យល់​ដឹង និងការអនុវត្តល្អៗពាក់ព័ន្ធនឹង​ការបណ្តុះបណ្តាល​ជំនាញ​បច្ចេកទេស និង​វិជ្ជាជីវៈ​ពី​តំណាង​នៃ​វិស័យឯកជន អ្នកតាក់តែងគោលនិយោបាយ បញ្ញាវ័ន្ត និងអ្នកស្រាវជ្រាវផ្សេងៗទៀត ៣.​ជំរុញការពិភាក្សានិងផ្តល់ធាតុជាយុទ្ធសាស្រ្តដើម្បីធានាថាកម្លាំងពលកម្មកម្ពុជា ត្រូវបាន​បំពេញ​តាម​តរូវការនៃុគសម័យឌីជីថល និងបរិការណ៍នៃការ​ប្រែប្រួ​លស្ថា​ន​សេដ្ឋកិច្ច និង​សង្គម និងទី៤.ជំរុញភាពជាដៃគូ និងនវានុវត្តន៍ដែលគាំទ្រការផ្លាស់ប្តូរសេដ្ឋកិច្ច និង​ទីផ្សារ​ការងា​រ​៕ អត្ថបទ ឈិត បូរ៉ាវី