និស្សិតពេទ្យកម្ពុជាជាងមួយរយនាក់ជាប់អាហារូបករណ៍ទៅបន្តការសិក្សាជំនាញវេជ្ជសាស្រ្តជាន់ខ្ពស់នៅបារាំង

នៅក្នុងស្ថានទូតបារាំងប្រចាំនៅកម្ពុជា នាយប់ថ្ងៃទី១៦ ខែតុលា ឆ្នាំ២០២៤នេះ បាន​រៀបចំ​ពិធី​ជួប​ជុំមួយ ជាមួយនិស្សិតពេទ្យកម្ពុជាជាងមួយរយនាក់ ដែលបានជាប់​អាហារូបករណ៍​ក្នុង​ក្រប​ខណ្ឌ​បន្ត​ទៅសិក្សាសញ្ញាប័ត្រវេជ្ជសាស្រ្ត និងសញ្ញាប័ត្រវេជ្ជសាស្រ្តជាន់ខ្ពស់នៅប្រទេសបារាំង ខណៈ​ការជួបជុំនេះមានការ ចូលរួមជាកិត្តិយសដោយ ឯកឧត្តម ឈាង រ៉ា រដ្ឋមន្រ្តីក្រសួង​សុខាភិបាល​កម្ពុជា និងលោក ហ្សាក់ ប៉ឺឡេ ឯកអគ្គរដ្ឋទូតបារំាងប្រចាំនៅកម្ពុជា។

ថ្លែងនៅក្នុងពិធីជួបជុំ ក៏ដូចជាពិធីជូនដំណើរនេះ លោកហ្សាក់ ប៉ឺឡេ បានលើកឡើងថា ការជួបជុំ នា​រាត្រី​នេះគឺឆ្លុះបញ្ចាំងពីការទទួលស្គាល់យ៉ាងធំធេង ចំពោះការបណ្តុះប​ណ្តាល​ពិសេស​របស់​និស្សិត​កម្ពុជាព្រមទាំងបង្ហាញពីកាកោតសរសើរដល់ការរួមចំណែកយ៉ាងសំខាន់របស់ពួកគេ ក្នុង​វិស័យ​សុខាភិបាល មិនត្រឹមតែនៅកម្ពុជាប៉ុណ្ណោះទេ ថែមទាំង​នៅ​ក្នុង​ក្រប​ខណ្ឌ​នៃ​កិច្ច​សហ​ប្រតិបត្តិការ​អន្តរជាតិថែមទតផង។ មួយវិញទៀត លោកឯកអគ្គរដ្ឋទូតបា​រាំង​ក៏​បាន​ចាត់​ទុក​និស្សិត​ពេទ្យ​ដែលបានជាប់អាហារូបករណ៍ បន្តការសិក្សានៅបារាំង​នេះ​ជា​«ឯកអគ្គរដ្ឋ» នៃ​ឧត្តម​សិក្សា​បារាំង និងភាសាបារាំងផងដែរ។

ជាមួយគ្នានោះដែរ លោកហ្សាក់ ប៉ឺឡេ បានលើកឡើងផងដែរថា នៅក្នុងឆ្នាំ២០២៤នេះ ជាជំនាន់ ពិសេសមួយ ដោយហេតុថា​និស្សិត​កម្ពុជា​ដែល​បាន​ជាប់​អាហារូបករណ៍​បន្ត​ការ​សិក្សា​នៅ​បារាំង​នេះ​គឺ​មាន រហូតដល់ចំនួន១១៥នាក់ នឹងចេញទៅ​បន្ត​ការ​សិក្សា​ក្នុង​ក្រប​ខណ្ឌ​សិក្សា​សញ្ញា​ប័ត្រ​វេជ្ជ​សាស្រ្ត​(DFMS) សញ្ញាប័ត្រជំនាញជាន់ខ្ពស់(DSMSA) ខណៈកាលពី​ឆ្នាំ​កន្លង​ទៅ​មាន​ត្រឹម​តែ​ពី​៧០​ទៅ៩០នាក់ប៉ុណ្ណោះ។ បន្ថែមពីនេះទៀតនិស្សិតកម្ពុជាចំនួន១៨ផ្សេងទៀតនឹងទៅធ្វើកម្មសិក្សា នៅតាមមន្ទីរពេទ្យ​នានា​នៅប្រទេស​បារាំងផងដែរ។ លោកឯកអគ្គរដ្ឋទូតបានបន្ថែមទៀតថា កំណើនរបស់​និស្សិត​កម្ពុជា​ដែល​បន្ត​សិក្សា នៅប្រទេសបារាំងមានការកើនឡើងនេះគឺវាបានឆ្លុះបញ្ចាំងការរីកចម្រើន នៃការ​បណ្តុះ​បណ្តាលផ្នែកវេជ្ជ សាស្រ្តកម្រិតជំនាញនៅកម្ពុជា។

មួយវិញទៀត លោកឯកអគ្គរដ្ឋទូតបារាំងប្រចំានៅកម្ពជាក៏បានលើកឡើងផងដែរថា កិច្ច​សហប្រតិបត្តិការបារាំង និងកម្ពុជានៅក្នុងវិស័យសុខាភិបាល មានការរីកចម្រើន​យ៉ាង​ខ្លាំង​ក្នុង​រយៈ​ពេល​៣០ឆ្នាំចុង ក្រោយនេះ ដោយចាប់តាំងពីឆ្នាំ១៩៩៦មកមាននិស្សិតពេទ្យកម្ពុជា ជាង​មួយ​ពាន់​នាក់ហើយដែលបាន ទៅសិក្សានៅប្រទេសបារាំងនោះ។

នៅក្នុង​ពិធីជួបជុំនោះដែរ ឯកឧត្តម ឈាង រ៉ា ក៏បានសម្តែងនូវការ​ដឹង​គុណ​ចំពោះ​រដ្ឋាភិបាល​បារាំង​ ជាពិសេសសហសេវឹកដែលជានាយកមន្ទីរពេទ្យសាកលវិទ្យាល័យ សាស្រ្តាចារ្យ ប្រធាន​ផ្នែក​ដែល​ទទួលស្វាគមន៍ និងជួយណែនាំនិស្សិតរបស់កម្ពុជាដោយការយកចិត្តទុកដាក់ និង​ភាព​រីក​រាយ​នៅតាមបណ្តា ផ្នែកនានារបស់ពួកគេក្នុងអំឡុងពេលនៃការបណ្តុះបណ្តាល។ ឯកឧត្តម​បាន​លើក​ឡើងទៀតថា ក្នុងនាម ឯកឧត្តមជាមន្រ្តីក្នុងជួររាជរដ្ឋាភិបាលម្នាក់ និងក្នុងនាម​ជា​រដ្ឋ​មន្រ្តី​ក្រសួង​សុខាភិបាល ពិតជាមានមោទន ភាពយ៉ាងខ្លាំងចំពោះនិស្សិតខ្មែរកាន់តែច្រើនទៅៗ ដែល​បានជាប់អាហារូបករណ៍បន្តសិក្សានៅប្រទេស បារាំងនោះ។

ឯកឧត្តមបានបន្ថែមទៀត និស្សិតដែលបានបន្តសិក្សានៅប្រទេសបារាំងនេះគឺមានជំនាញជាច្រើន ហើយ​រាជរដ្ឋាភិបាលកម្ពុជាតាមរយៈក្រសួងសុខាភិបាល បានខិតខំលើកកម្ពស់សុខភាព និង​សុខុមាលភាព ប្រជាពលរដ្ឋរបស់យើង ពោលគឺសុខភាពតែមួយសម្រាប់ទាំងអស់គ្នា។ ឯកឧត្តម​បាន​បន្ថែម​ថា«យើងបំពេញការងារដោយគ្នានការនឿយហត់ ដើម្បី ពង្រឹងនិងអភិវឌ្ឍ​គុណភាព​នៃ​ការ​ថែទាំ សមត្ថភាពក្នុងការធ្វើ រោគវិនិច្ឆ័យ ការព្យាបាល និងការជួយជ្រោម​ជ្រែង​ចាំ​បាច់​នានា​ដល់​អ្នក​ជំងឺ និងក្រុមគ្រួសារដែលជាការថែ ទាំព្យាបាលផ្តោតលើអ្នកជំងឺ ហើយយើង​នឹង​បន្ត​ការងារ​លើក​កម្ពស់សមត្ថភាពគ្រូពេទ្យតាមរយៈការបណ្តុះ បណ្តាលបន្តដើម្បី​ពង្រីក​លទ្ធភាព​ទទួល​បាន​ការព្យាបាលនៅទូទាំងប្រទេស»៕ អត្ថបទ៖ បាន ចក់