ស្វាគមន៍បងប្អូនកំពង់ឆ្នាំង! ចុងសប្តាហ៍នេះ GANZBERG នឹងនាំមកនូវមហាព្រឹត្តិការណ៍ដ៏អស្ចារ្យមួយ!

ខេត្ត កំពង់ឆ្នាំង ​ ៖ ក្រុមហ៊ុន GANZBERG នៅតែបន្តលើកស្ទួយវិស័យគុនខ្មែរ ដោយបានបង្កើតនូវមហាព្រឹត្តិការណ៍ដ៏សប្បាយរីករាយនិងគួរឱ្យចាប់អារម្មណ៍ប្រចាំឆ្នាំ ២០២៥ – ២០២៦ «Ganzberg Gold Medal Tour Kun Khmer Concert» សម្រាប់សប្តាហ៍នេះ កម្មវិធីបានទៅដល់អ្នកខេត្តកំពង់ឆ្នាំងហើយ ទីតាំងប្រព្រឹត្តិទៅនៅ សួនសម្តេចចៅហ្វាវាំង គង់សំអុល ក្រុងកំពង់ឆ្នាំង ខេត្តកំពង់ឆ្នាំង។
រយៈពេល ២យប់ៗជាប់គ្នា Ganzberg នឹងរៀបចំកម្មវិធីប្រដាល់លំដាប់ប្រទេសដែលមានការចូលរួមពីកីឡាករខ្មែរល្បីៗ និងកីឡាករមកពីបណ្តាលប្រទេសផ្សេងៗជាច្រើនរូបទៀត។

ថ្ងៃទី១៣ ខែមិថុនា ២០២៦ គឺជាថ្ងៃនៃការប្រគុំតន្ត្រីខ្នាតធំដែលមានការចូលរួមពីសំណាក់តារាចម្រៀងល្បីៗមានទឹកដមសំលេងពីរោះៗ និងកំពុងពេញនិយមក្នុងពេលបច្ចុប្បន្ន ក្នុងនោះរួមមាន៖ លោក ឆាយ វីរៈយុទ្ធ ក្រុម Dokay លោក Sing កញ្ញា Selina និងលោក Tyon។

ចូរមកដល់រាត្រីថ្ងៃទី ១៤ ខែមិថុនា ឆ្នាំ២០២៦ ព្រឹត្តិការណ៍ការប្រកួតប្រដាល់គុនខ្មែរដែលសុទ្ធសឹងតែជាកីឡាករល្បីៗលំដាប់ប្រទេស និងអន្តរជាតិ។ គូពិសេសក្នុងសប្តាហ៍នេះ គឺជាជំនួបរវាងកីឡាករ ទី រះ vs កីឡាករ ស៊ុម ខេមរា និង កីឡាករ ធន់ ប្រាក់ស៊ីន vs សាន គឹមសាន។ សម្រាប់គូអន្តរជាតិ ជំនួបកីឡាករ អេ អាំម៉ារីនភូថង vs កីឡាករ សាជ័រ អ៊ែរគីណូវ គូដណ្ដើមប្រាក់លានជាជំនួប កីឡាករ វុត្ថា សុវណ្ណរាមគ្គ និង កីឡាករ ឌីម សារ៉ា  ប្រកួតជាមួយ កីឡាករ ប្រូឌី ហ្វូលី និង កីឡាករ ម៉ាឌី កូរ៉េសាន់ឌី។

សូមអញ្ជើញចូលរួមទស្សនានិងគាំទ្រអោយបានច្រើននៅចុងសប្តាហ៍នេះ ឬ អាចតាមដានទស្សនាការផ្សាយផ្ទាល់ពេញតាមរយៈពេលពីរថ្ងៃពេញ ចាប់ពីម៉ោង ៨:០០ យប់តទៅ តាមរយៈកញ្ចក់ទូរទស្សន៍ BTV News និងទំព័រហ្វេសប៊ុកផ្លូវការ Beer Ganzberg។

អត្ថបទដោយ៖ Ha Ti