អគ្គនាយក CGCC ៖ វិស័យស្រូវអង្ករត្រូវបានចាត់ទុកជាវិស័យអាទិភាព សម្រាប់ការជួយ​ធានាឥណទាន

លោក ណូ លីដា អគ្គនាយក នៃសាជីវកម្មធានាឥណទានកម្ពុជា (CGCC) បានថ្លែងអះអាងថា វិស័យស្រូវអង្ករ ត្រូវបានចាត់ទុកជាវិស័យអាទិភាព សម្រាប់ការធានាឥណទានរបស់ សាជីវកម្មធានាឥណទានកម្ពុជា។

លោក ណូ លីដា បានបញ្ជាក់បែបនេះ ក្នុងសន្និសីទសារព័ត៌មាន ស្តីពីស្ថានភាពថ្លៃស្រូវ និងការប្រមូលផលស្រូវប្រាំង ដែលរៀបចំដោយក្រសួងកសិកម្ម និងអង្គភាពអ្នកនាំពាក្យរាជរដ្ឋាភិបាល កាលពីរសៀលថ្ងៃទី១៥ មករា ឆ្នាំ២០២៥នេះ នៅវិមានសន្ដិភាព។

លោក ណូ លីដា បានថ្លែងថា វិស័យស្រូវអង្ករត្រូវបានចាត់ទុកដាក់ជាវិស័យអាទិភាពមួយសម្រាប់ការធានារបស់ សាជីវកម្មធានាឥណទានកម្ពុជា (CGCC)។ ខណៈបើគិតត្រឹមដំណាច់ខែធ្នូ ឆ្នាំ២០២៤ CGCC បានធានាឥណទាននៅក្នុងវិស័យស្រូវអង្ករនេះចំនួន ១៣៧ គណនី គិតជាទំហំទឹកប្រាក់ជាង ៣០ លានដុល្លារ និងបានដាក់ចេញនូវគម្រោងជាក់លាក់ចំពោះការនាំចេញស្រូវអង្ករកម្ពុជា។

បើតាមលោកអគ្គនាយក CGCC បានបញ្ជាក់បន្ថែមថា សម្រាប់ឆ្នាំ២០២៥ នេះ សាជីវកម្មធានាឥណទានកម្ពុជា បានបង្កើនទំហំាឥណទាននៅក្នុងវិស័យស្រូវអង្កររហតដល់ ៥០ លានដុល្លារ៕