ប្រធានាធិបតីកូរ៉េខាងត្បូង នឹងបង្ហាញខ្លួនក្នុងសវនាការនៃដីកាឃុំខ្លួន

ភាគីខាងប្រធានាធិបតីកូរ៉េខាងត្បូង លោក Yoon Suk-yeol បាននិយាយនៅថ្ងៃសៅរ៍នេះថា លោក Yoon ត្រូវបានគេរំពឹងថានឹងចូលរួមក្នុងសវនាការដ៏ចាំបាច់នៃការឃុំខ្លួននៅម៉ោង២រសៀល ម៉ោងក្នុងស្រុក នៅតុលាការ ថ្ងៃនេះ។

ការិយាល័យស៊ើបអង្កេតអំពើពុករលួយសម្រាប់មន្ត្រីជាន់ខ្ពស់ (CIO) បានដាក់សំណើសុំដីកាឃុំខ្លួននៅឯតុលាការសហព័ន្ធភាគខាងលិចនៃទីក្រុងសេអ៊ូល សម្រាប់លោក Yoon ដោយលើកឡើងពីការចោទប្រកាន់បទ «បះបោរ» និង «ការរំលោភអំណាច»។

យោងតាមបទប្បញ្ញត្តិ តុលាការត្រូវពិនិត្យមើលឡើងវិញសំណើសុំដីកាឃុំខ្លួនក្នុងរយៈពេល២៤ម៉ោង។

ប្រព័ន្ធផ្សព្វផ្សាយក្នុងស្រុកបាននិយាយថា កាចេញសេចក្តីសម្រេច អាចត្រូវបានប្រកាសនៅល្ងាចថ្ងៃសៅរ៍ ឬនៅព្រឹកថ្ងៃអាទិត្យ។

ប្រសិនបើត្រូវបានអនុម័ត ការឃុំខ្លួនរបស់លោកYoon អាចត្រូវបានបន្តរហូតដល់២០ថ្ងៃ ដែលធ្វើឲ្យកYoon ក្លាយជាប្រធានាធិបតីដំបូងគេនៅក្នុងប្រទេសកូរ៉េខាងត្បូង ប្រឈមការឃុំខ្លួន ក្នុងអំឡុងពេលស៊ើបអង្កេត។