ព័ត៌មាន

យោធិននារីនៃកងពលតូចដឹកជញ្ជូនលេខ៩៩ យកម្ហូបអាហារ និងភេសជ្ជៈជាលើកទី២ ចែកជូនកងទ័ពជួរមុខនៅតំបន់ប្រាសាទតាមាន់

នៅព្រឹកថ្ងៃទី១១ ខែមិថុនា ឆ្នាំ២០២៥នេះ លោកជំទាវ ចាយ ច័ន្ទរ៉ានី ភរិយាឧត្តមសេនីយ៍ទោ ហ៊ុល សំអុន មេបញ្ជាការកងពលតូចដឹកជញ្ជូនលេខ៩៩ រួមនិងយោធិននារី នៃកងពលតូចដឹកជញ្ជូនលេខ៩៩ បានរៀបចំបាយសម្លរជាលើកទីពីរ ចែកជូនដល់បងប្អូនវីរៈកងទ័ពដែលកំពុងឈរជើងនៅសមរភូមិមុខ នៅតំបន់ប្រាសាទតាមាន់។

ជាមួយនឹងការចុះចែកអាហារ ដែលធ្វើដោយខ្លួនឯងរបស់យោធិននារីនៃកងពលតូចដឹកជញ្ជូន លេខ៩៩នេះ ក៏បាននាំយក គ្រឿងឧបភោគបរិភោគមួយចំនួនចែកជូនដល់បងប្អូនកងទ័ពការពារព្រំដែនផងដែរ ដោយក្នុងនោះរួមមាន មី,ទឹកត្រី, ទឹកស៊ីអ៊ីវ ,ទឹកដោះគោឆៅ,ទឹកសុទ្ធ, ,តង់ ២០ផ្ទាំង, បន្លែគ្រប់មុខនិងថវិកា ៤លាន។

សូមបញ្ជាក់ថា នេះជាលើកទីពីរហើយ ដែលកងទ័ពនារី នៃកងពលតូចដឹកជញ្ជូនលេខ៩៩ ដែល ដឹកនាំដោយលោកជំទាវចាយ ច័ន្ទរ៉ានី ដែលបានធ្វើម្ហូបអាហារ និងយកគ្រឿងឧបភោគ បរិភោគចែកជូនដល់បងប្អូនវីរៈកងទ័ពជួរមុខ នៅតំបន់ប្រាសាទតាមាន់នោះ៕