ព័ត៌មាន
អភិបាលខេត្តពោធិ៍សាត់ ចុះពិនិត្យស្ថានភាពនៅថ្មដាព្រំដែនកម្ពុជា-ថៃ និងត្រៀមកម្លាំងជួយអន្តរាគមន៍ជម្លៀសប្រជាពលរដ្ឋក្នុងករណីចាំបាច់
នៅថ្ងៃទី១៤ ខែមិថុនា ឆ្នាំ២០២៥ ឯកឧត្ដម ខូយ រីដា អភិបាលនៃគណៈអភិបាលខេត្តពោធិ៍សាត់ បានអញ្ជើញចុះពិនិត្យស្ថានភាពជាក់ស្តែង នៅឃុំថ្មដា ស្រុកវាលវែង ជាប់ព្រំប្រទល់ខេត្តត្រាតប្រទេសថៃ និងបានដឹកនាំរៀបចំកម្លាំង និងរថយន្តត្រៀមជម្លៀសប្រជាពលរដ្ឋនៅតាមព្រំដែនទៅកាន់ទីតាំងមានសុវត្ថិភាពក្នុងករណីមានហេតុការណ៍ណាមួយកើតឡើងដោយយថាហេតុ។
ក្នុងឱកាសនោះ ឯកឧត្ដមអភិបាលខេត្ត បានបញ្ជាក់ថា ដោយគោរពតាមបទបញ្ជារបស់រាជរដ្ឋាភិបាលដែលយកចិត្តទុកដាក់ពីសុខសុវត្ថិភាពរបស់ប្រជាពលរដ្ឋនៅតាមបន្ទាត់ព្រំដែនក្នុងខេត្តពោធិ៍សាត់កម្លាំងជួរមុខបានត្រៀមលក្ខណៈជាស្រេចក្នុងការការពារបូរណភាពទឹកដី ហើយអាជ្ញាធរខេត្តបានត្រៀមកម្លាំង និងរថយន្តប្រមាណ១៧០គ្រឿងរួចរាល់ក្នុងការជួយអន្តរាគមន៍ជម្លៀសប្រជាពលរដ្ឋប្រមាណ ៣០០០នាក់ ដែលស្មើរ និង៨០០គ្រួសារ ក្នុងករណីចាំបាច់ ឯកឧត្ដមបានបន្ថែមថា ចំពោះចរន្តអគ្គីសនី ប្រព័ន្ធអ៊ីនធឺរណែត ក្នុងស្រុកវាលវែង ពុំមានតភ្ជាប់ពីប្រទេសថៃទេ គឺប្រើប្រភពក្នុងខេត្តទាំងអស់។
សូមជម្រាបជូនដែរថា ខេត្តពោធិ៍សាត់មាន៧ក្រុងស្រុកក្នុងនោះមានតែស្រុកវាលវែងដែលមានព្រំប្រទល់ជាមួយខេត្តត្រាតប្រទេសថៃ ដោយភ្ជាប់មកទីរួមខេត្ត តាមរយៈផ្លូវជាតិលេខ៥៥ ដែលមានចម្ងាយជិត២០០គីឡូម៉ែត្រស្រុកវាលវែងមានឃុំចំនួន៥ មានគម្រោងវារីអគ្គិសនីចំនួន២ គឺគម្រោងវារីអគ្គិសនីអាតៃ អនុភាព១២០មេហ្គាវ៉ាត់ស្ថិតក្នុងឃុំអូរសោមកំពុងដំណើរការ និងគម្រោងវារីអគ្គិសនីស្ទឹងពោធិ៍សាត់១ អនុភាព៨០មេហ្គាវ៉ាត់ ស្ថិតក្នុងឃុំប្រម៉ោយ កំពុងដំណើរការសាងសង់ គ្រោងដាក់អោយដំណើរការនៅឆ្នាំ២០២៦៕
-
ព័ត៌មាន1 week agoអភិបាលខេត្តកោះកុង ជំរុញដល់កម្មករកម្មការិនី និងនិយោជក ចាត់ទុករោងចក្រជាឆ្នាំងបាយរួម និងជាផ្ទះទីពីរ
-
ព័ត៌មាន1 week agoប្រធានគណៈកម្មាធិការ គណបក្សប្រជាជនកម្ពុជា ខេត្តកំពង់ស្ពឺ លើកទឹកចិត្តឱ្យក្រុមការងារបន្តយកចិត្តទុកដាក់ដោះស្រាយរាល់សំណើរពលរដ្ឋ
-
ព័ត៌មាន3 days agoក្រសួងសុខាភិបាល ប្រគល់-ទទួលរថយន្តគិលានសង្គ្រោះចំនួន ១០គ្រឿង ដែលជាហិរញ្ញប្បទានឥណទានរបស់ធនាគារអភិវឌ្ឍន៍អាស៊ី (ADB Loan)
-
ព័ត៌មាន2 days agoសម្តេចធិបតី៖គុណតម្លៃមិនអាចកាត់ថ្លៃបានរបស់នគរបាលជាតិគឺការចូលរួមការពារបូរណភាពទឹកដី ដែលរងនូវការឈ្លានពានពីថៃ
-
ព័ត៌មាន2 days agoសម្តេចតេជោ៖« ការដកមន្ត្រីផ្លែទុរេនចេញពីក្របខណ្ឌមិនទាន់គ្រប់គ្រាន់ទេ គួរបញ្ជូនទៅACU»
-
ព័ត៌មាន1 week agoកម្ពុជា-ម៉ាឡេស៊ី ប្ដេជ្ញាជំរុញកិច្ចសហប្រតិបត្តិការទ្វេភាគីឱ្យកាន់តែស៊ីជម្រៅ និង ទូលំទូលាយបន្ថែមទៀត
-
កីឡា1 week agoលោក អ៊ូ តារា៖ ការប្រកួតគុនល្បុក្កតោបឋមសិក្សាថ្នាក់ជាតិឆ្នាំនេះកុមារា កុមារី មានការកើនឡើងទាំងចំនួន និងបច្ចេកទេស
-
ព័ត៌មាន3 days agoអគ្គលេខាធិការដ្ឋានរដ្ឋសភា និងព្រឹទ្ធសភា បិទវគ្គបណ្តុះបណ្តាលស្តីពី “ការទូតសភា” ជូនដល់មន្ត្រីជំនាញនៃសភា កម្ពុជា-ឡាវ