អគ្គកុងស៊ុលវៀតណាមប្រចាំខេត្តបាត់ដំបង ជួបសម្តែងការគួសម ជាមួយថ្នាក់ដឹកនាំខេត្តបន្ទាយមានជ័យ

ឯកឧត្ដម ត្រឹន ទួនអាញ អគ្គកុងស៊ុលវៀតណាមប្រចាំខេត្តបាត់ដំបង ចូលជួបសម្តែងការគួរសម និងពិភាក្សាការងារជាមួយថ្នាក់ដឹកនាំខេត្តបន្ទាយមានជ័យ ដឹកនាំដោយឯកត្តម អ៊ុ រាត្រី អភិបាល នៃគណៈអភិបាលខេត្ត ឯកឧត្ដម ប្លែក វ៉ារី ប្រធានក្រុមប្រឹក្សាខេត្ត នៅថ្ងៃទី២១ ខែមីនា ឆ្នាំ ២០២៦។

ក្នុងជំនួបកិច្ចពិភាក្សានោះដែរភាគីទាំងពីរបានបង្ហាញអំពីទំនាក់ទំនងនៃកិច្ចសហប្រតិបត្តិការគ្នា​ល្អរវាងប្រទេសទាំង២កម្ពុជា-វៀតណាម ក៏ដូចជាខេត្តបន្ទាយមានជ័យ ជាមួយខេត្តវិញឡុង និងដុងថាប ប្រទេសវៀតណាម ដែលបានចង់សម្ព័ន្ធមេត្រីភាពជាមួយគ្នាជាយូមកហើយ ក្នុងការបង្កើននូវទំនាក់ទំនង កិច្ចសហប្រតិបត្តិការមិត្តភាពគ្នាយូរអង្វែងនោះ។

ក្នុងជំនួបពិភាក្សា​ភាគីទាំងពីរបានឯកភាពបន្តនូវការប្ដេជ្ញាចិត្ត​ក្នុងការកសាងទំនាក់ទំនង​កិច្ច​សហប្រតិបត្តិការរវាងប្រទេសទាំងពីរ ​ក៏ដូចជា ខេត្តបន្ទាយមានជ័យ ជាមួយនឹងសម្ព័ន្ធមេត្រីភាព ខេត្តទាំង២​ ឱ្យកាន់តែស្អិតល្មួតបន្ថែមទៀត ។

ជាមួយគ្នានោះ ឯកឧត្តមអភិបាលខេត្ត ក៏បានបញ្ជាក់ថា​ ក្នុងនាមដ្ឋបាលខេត្ត ​និងបន្តសហការ សម្របសម្រួល​ដល់ក្រុមហ៊ុនរបស់ប្រទេសវៀតណាម​ ដែលមានវត្តមាននៅក្នុងខេត្តបន្ទាយមានជ័យ ។ហើយដើម្បីពង្រឹងកិច្ចសហប្រតិបត្តិការរវាងប្រទេសទាំងពីរ ​ឲ្យកាន់តែមានភាពល្អ​ប្រសើរឡើង​នោះរដ្ឋបាលខេត្ត នឹងបន្តយកចិត្តទុកដាក់លើសុខទុក្ខបងប្អូនប្រជាពលរដ្ឋវៀតណាម ដែលកំពុងតែស្នាក់​នៅប្រកបរបរនៅក្នុងខេត្តបន្ទាយមានជ័យផងដែរ៕