ព័ត៌មាន
ទូតកម្ពុជាប្រចាំនៅប្រទេសកូរ៉េ កំពុងស្វះស្វែងស្នើសាកលវិទ្យាល័យនៅកូរ៉េ បន្តផ្ដល់អាហារូបករណ៍ដល់និស្សិតកម្ពុជា
ភ្នំពេញ៖ ឯកឧត្តម ឃួន ផុនរតនៈ ឯកអគ្គរាជទូតកម្ពុជាប្រចាំសាធារណរដ្ឋកូរ៉េ កំពុងខិតខំស្វះស្វែងបន្ថែមទៀត ក្នុងការស្នើទៅដល់សាកលវិទ្យាល័យនានា នៅក្នុងប្រទេសកូរ៉េ បន្តជួយផ្ដល់អាហារូបករណ៍ដល់និស្សិតកម្ពុជា និងការបណ្ដុះបណ្ដាលជំនាញផ្សេងៗ។
ក្នុងជំនួបសម្តែងការគួរសម និងសំណេះសំណាលការងារ ជាមួយបណ្ឌិត JANG Kiwon សាកលវិទ្យាធិការ នៃសាកលវិទ្យាល័យជុងវ៉ុន និងប្រតិភូ នៅស្ថានទូតកម្ពុជាក្នុងទីក្រុងសេអ៊ូល កាលពីថ្ងៃទី២៣ ខែមីនា ឆ្នាំ២០២៦ ឯកឧត្តមឯកអគ្គរាជទូត បានថ្លែងអំណរគុណ ចំពោះលោក JANG ដែលរៀបចំកម្មវិធីជំនួបជាមួយបងប្អូនពលករ រដូវកាលដែលមកដល់ប្រទេសកូរ៉េកាលពីសប្តាហ៍មុនដែលកម្មវិធីនោះ បានផ្តល់ឱកាសឱ្យស្ថានទូត បានផ្តល់ព័ត៌មានចាំបាច់មួយចំនួន សម្រាប់ពលករក្នុងការបំពេញការងារ និងរស់នៅក្នុងប្រទេសកូរ៉េ ក្នុងកំឡុងអាណត្តិការងាររបស់ខ្លួន។
ឯកឧត្តម ឃួន ផុនរតនៈ ក៏បានគូសបញ្ជាក់ អំពីសារៈសំខាន់ នៃវិស័យអប់រំសម្រាប់កម្ពុជា ដែលប្រទេសកម្ពុជាបានយកប្រទេសកូរ៉េជាគំរូក្នុងការអភិវឌ្ឍ សេសការអប់រំ ដែលវាជាវិស័យគន្លឹះក្នុងការផ្សារភ្ជាប់ទំនាក់ទំនងប្រជាជន និងប្រជាជន ហើយបានថ្លែងអំណរគុណចំពោះសាកលវិទ្យាល័យ ដែលបានផ្តល់អាហារូបករណ៍ដល់និស្សិតកម្ពុជា និងស្នើលោកបណ្ឌិតជាសាកលវិទ្យាល័យជុងវ៉ុន ពិចារណារផ្តល់ចំនួនអាហារូបករណ៍បន្ថែមទៀត ដល់និស្សិតកម្ពុជាលើវគ្គជំនាញ វគ្គបណ្តុះបណ្តាលវិជ្ជាជីវៈ និងវគ្គសិក្សាខ្លីជាដើម។
ក្នុងជំនួបនោះលោកបណ្ឌិត JANG បានឯកភាពនឹងសំណើឯកអគ្គរាជទូតកម្ពុជា ក្នុងការបន្ថែមចំនួនអាហារូបករណ៍ សម្រាប់និស្សិតកម្ពុជា និងបានថ្លែងអំណរគុណដល់ស្ថានទូតដែលបានភ្ជាប់ទំនាក់ទំនង រវាងសាកលវិទ្យាល័យ និងក្រសួងសំខាន់ៗចំនួន៣ របស់ប្រទេសកម្ពុជា នាពេលកន្លងមក ហើយលោកក៏បានបង្ហាញអំពីការប្តេជ្ញាចិត្ត ក្នុងការពង្រឹងទំនាក់ទំនងកិច្ចសហប្រតិបត្តិការទ្វេភាគីរវាងស្ថានទូត និងសាកលវិទ្យាល័យផងដែរ៕ អត្ថបទ បាន សុខរិទ្ធិ
-
ព័ត៌មាន1 week agoនាវាទេសចរណ៍ខ្នាតយក្ស VIKING VENUS នាំភ្ញៀវបរទេសជិត ៩០០ នាក់ ចូលចតនៅកំពង់ផែស្វយ័តក្រុងព្រះសីហនុ
-
ព័ត៌មាន6 days agoសម្តេចធិបតី៖ គម្រោង«ព្រែកជីកហ្វូណនតេជោ»នឹងធ្វើឲ្យចប់ដូចការគ្រោងទុក មិនបានជាប់គាំងដូចការលើកឡើងរបស់ជនមួយក្តាប់តូចនោះទេ
-
ព័ត៌មាន6 days agoការកសាងគម្រោងគ្រប់គ្រងធនធានចម្រុះហ្វូណនតេជោ នឹងចូលរួមលើកស្ទួយកិត្តិយស និងសមត្ថភាពរបស់ជាតិ ព្រមទាំងជំរុញឱ្យជីវភាពរស់នៅរបស់ប្រជាពលរដ្ឋកាន់តែរីកចម្រើន ប្រកបដោយភាពធន់
-
ព័ត៌មាន6 days agoសម្ដេចព្រះមហាសង្ឃរាជ បួរ គ្រី ផ្ដល់ព្រះរាជអំណោយដល់កងទ័ព និងធ្វើបុណ្យឧទ្ទិសកុសលដល់យុទ្ធជនពលី
-
ព័ត៌មាន6 days agoអាជ្ញាធរខេត្តកំពង់ឆ្នាំង បានរៀបចំតុបតែងលម្អភ្លើងពណ៌តាមទីតាំងប្រារព្ធសង្ក្រាន្តក្នុងខេត្តបានរួចរាល់ហើយ
-
ព័ត៌មាន6 days agoភ្ញៀវទេសចរចាប់ផ្ដើមនាំគ្នាដើរទស្សនាទីតាំងរៀបចំព្រឹត្តិការណ៍«នគរសង្ក្រាន្ត» ដែលមានការតុបតែងយ៉ាងល្អ
-
ព័ត៌មាន6 days agoឃាត់ខ្លួនជនសង្ស័យ ៤៩នាក់ពាក់ព័ន្ធ Online Scams និងជនបរទេសស្នាក់នៅខុសច្បាប់ជាច្រើននាក់ទៀត
-
ព័ត៌មាន6 days agoមន្ត្រីជាន់ខ្ពស់ក្រសួងអភិវឌ្ឍន៍ជនបទ ចុះត្រួតពិនិត្យ និងវាយតម្លៃលើការងារស្ថាបនាផ្លូវ នៅទីតាំងដីសម្បទានសង្គមកិច្ច ខេត្តឧត្តរមានជ័យ