ព័ត៌មាន
យុវជនជាច្រើននាំគ្នាស្វែងយល់ឱកាសការងារនៅសាលា NIB ក្នុងឱកាសវេទិកាកាងារថ្ងៃនេះ
ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្តុះបណ្តាលវិជ្ជាជីវៈសហការជាមួយ ស.ស.យ.ក. វិស័យការងារ និងបណ្តុះបណ្តាលវិជ្ជាជីវៈ និងវិទ្យាស្ថានជាតិពាណិជ្ជសាស្ត្រ (NIB) បានរៀបចំវេទិកាការងារ និងឱកាសកម្មសិក្សាការងារដោយនាំយកឱកាសការងារជិត៨០០កន្លែងដាក់តាំងបង្ហាញដល់យុវជនដែលមានតម្រូវការងារនៅថ្ងៃនេះ។
នៅក្រោយពិធីបើកវេទិកាការងារ និងឱកាសកម្មសិក្សាការងារ នៅព្រឹកថ្ងៃទី១១ ខែកក្កដានេះ លោក ឆោម សុខឿន ប្រធានមជ្ឈមណ្ឌលការងាររាជធានីភ្នំពេញ នៃទីភ្នាក់ងារជាតិ និងមុខរបរ និងការងារ បានឲ្យព័ត៌មាន ប៊ីធីវី ដឹងថា គោលបំណងសំខាន់នៃការរៀបចំកម្មវិធីនេះ គឺដើម្បីបន្តតុល្យភាពក្នុងទីផ្សារការងារតាមរយៈការជួយជ្រោមជ្រែងនិយោជកដែលមានតម្រូវការជ្រើសរើសកម្លាំងពលកម្ម និងអ្នកស្វែងរកការងារធ្វើកំពុងមានតម្រូវការការងារណ និងដើម្បីនិយោជក និងអ្នកស្វែងរកការងារអាចជ្រើសរើសបុគ្គលិក និងដាក់ពាក្យសុំការងារផ្ទាល់ ឬសម្ភាសន៍ការងារនៅនឹងកន្លែងដោយងាយស្រួលជាដើម។ លោកបានបន្តថា កម្មវិធីនេះក៏មានការចូលរួមពីក្រុមហ៊ុនឯកជនធំៗចំនួន១២ ដែលនាំយកឱកាសការងាររហូតជាង៧០០កន្លែង ដើម្បីបង្ហាញពីតម្រូវការការងារលើគ្រប់វិស័យ។
ក្រុមយុវជន និងនិស្សិតដែលចូលរួមក្នុងកម្មវិធីនេះបានបង្ហាញទឹកមុខសប្បាយរីករាយ និងលើកឡើងស្រដៀងគ្នា ពិតជាមានអារម្មណ៍ថាប្លែកម្យ៉ាង ដែលសាលាបានរៀបចំកម្មវិធីបែបនេះផ្ទាល់ក្នុងសាលា ដែលកន្លងមកពួកគាត់បានចូលរួមសកម្មភាពនេះនៅតែខាងក្រៅប៉ុណ្ណោះ។ ពួកគាត់បាននិយាយទៀតថា កម្មវិធីនេះដែរ ពិតជាមានសារសំខាន់ណាស់សម្រាប់ពួកគាត់ ដោយអាចស្វែងយល់អំពីទីផ្សារការងារ និងថែមទាំងផ្តល់ព័ត៌ឱកាសការងារជាច្រើនកន្លែងផ្សេងទៀត ដែលពួកគាត់មិនធ្លាប់បានដឹង និងទទួលបានកន្លងមក។
ឯកឧត្តម តឹប អឿន នាយកវិទ្យាស្ថានជាតិពាណិជ្ជសាស្ត្រ បានអំពាវនាវដល់យុវជន សិស្ស និស្សិត និងសាធារណជនទូទៅទាំងអស់ អាចចូលរួមវេទិការនេះដោយសេរី និងមិនគិតថ្លៃនោះទេ ដើម្បីជួបសម្ភាសន៍ជាមួយតំណាងក្រុមហ៊ុននានា ដោយធ្វើការផ្លាស់ប្តូរ និងចែករំលែកព័ត៌មានទីផ្សារការងារដែលកំពុងមានតម្រូវការជាចាំបាច់។
សូមជម្រាបជូនថា កម្មវិធីវេទិកាការងារ និងឱកាសកម្មសិក្សាការងារនេះដែរ ចំពោះសិស្ស/និស្សិត យុវជន និងអ្នកកំពុងស្វែងរកការងារធ្វើ ឬចង់ផ្លាស់ប្តូរការងារ អាចយកប្រវត្តិរូបសង្ខេប (CV) ដើម្បីចូលរួមដាក់ពាក្យ និងសម្ភាសផ្ទាល់ជាមួយអ្នកតំណាងក្រុមហ៊ុនទាំងនោះបាន ចាប់ពីពេលនេះ រហូតដល់ពេលល្ងាច និងឥតគិតថ្លៃ នៅក្នុងបរិវេណនៃវិទ្យាស្ថានជាតិពាណិជ្ជសាស្ត្រ ជាប់ផ្សារស្ទឹងមានជ័យថ្មី រាជធានីភ្នំពេញ៕
អត្ថបទ៖ ឈិត បូរ៉ាវី
-
ព័ត៌មាន2 days agoមេបញ្ជាការកងទ័ពជើងទឹកអញ្ជើញបិទវគ្គហ្វឹកហ្វឺនពលទាហានថ្មី វគ្គទី៧ បំពេញក្របខណ្ឌឲ្យកងទ័ពជើងគោក ឆ្នាំ២០២៦ និងបើកវគ្គហ្វឹកហ្វឺនបំប៉នជំនាញកាំភ្លើងការពារអាកាសឆ្នាំ២០២៦
-
ព័ត៌មាន4 days agoកម្ពុជាបានទាក់ទាញក្រុមហ៊ុនផលិតរថយន្តអន្តរជាតិ និងក្រុមហ៊ុនក្នុងស្រុកធំៗ១៣ មកបង្កើតរោងចក្រផ្គុំនិងដំឡើង
-
ព័ត៌មាន5 days agoសម្ដេចធិបតី៖ អត្ថប្រយោជន៍ពិតប្រាកដនៃយុគសម័យ AI មិនអាចសម្រេចបានពេញលេញ ដោយធ្វើសកម្មភាពឯកឯងនោះទេ
-
ព័ត៌មាន4 days agoកម្ពុជា-ស្វ៊ីស សាទរសមិទ្ធផលនៃគម្រោងគំនិតផ្ដួចផ្ដើម TVET អាស៊ាន-ស្វ៊ីស ដំណាក់កាលទី ១ និងឯកភាពបន្តដំណាក់កាលទី ២ ដើម្បីបន្តលើកកម្ពស់កម្មវិធី TVET នៅកម្ពុជា
-
ព័ត៌មាន1 week agoកងទ័ពជើងទឹកត្រៀមកម្លាំង និងសម្ភារៈសង្រ្គោះរួចជាស្រេចដើម្បីអន្តរាគមន៍ជួយពលរដ្ឋរងគ្រោះដោយទឹកជំនន់ និងគ្រោះមហន្តរាយផ្សេងៗទៀត
-
ព័ត៌មាន1 week agoសភាប្រើភាសាបារាំង គាំទ្រយ៉ាងរឹងមាំ និងឥតងាករេចំពោះអធិបតេយ្យភាព និងបូរណភាពទឹកដីកម្ពុជា
-
ព័ត៌មាន1 week agoកម្ពុជា-ហ្វីលីពីន ពង្រឹងកិច្ចសហប្រតិបត្តិការទ្វេភាគីលើវិស័យការងារ និងកិច្ចគាំពារជនទេសន្តរប្រវេសន៍
-
ព័ត៌មាន1 week agoក្រុមអ្នកសម្របសម្រួល (CLG) កម្ពុជាបានសម្របសម្រួលជូនក្រុមអ្នកសង្កេតការណ៍អាស៊ានប្រចាំកម្ពុជាចុះសួរសុខទុក្ខ និងពិនិត្យស្ថានភាពរស់នៅរបស់ប្រជាពលរដ្ឋដែលបានផ្លាស់ទីលំនៅជាបណ្តោះអាសន្ន នៅខេត្តព្រះវិហារ ចំនួន ៦៤៥គ្រួសារ