ព័ត៌មាន

ចាប់ខ្លួនមន្ត្រីនគរបាល និងអាវុធហត្ថជាង ៣០នាក់នៅខេត្តកំពត កាត់សៀលចូលលួចសម្ភារក្នុងកាស៊ីណូនៅព្រែកចាក ក្រោយបង្ក្រាបបទល្មើស Online Scams

កម្លាំងស្នងការដ្ឋាននគរបាលខេត្តកំពត និងកម្លាំងកងរាជអាវុធហត្ថខេត្តកំពត បានឃាត់ខ្លួនស្នងការរង អធិការ អធិការរង មន្រ្តីនគរបាល រួមទាំងមន្រ្តីអាវុធហត្ថសរុបជាង ៣០នាក់ពាក់ព័ន្ធទៅនឹងករណីគប់គិតគ្នាកាត់សៀលចូលលួចសម្ភារក្នុងកាស៊ីណូនៅព្រែកចាក ក្រោយបង្ក្រាបការឆបោកតាមប្រព័ន្ធបច្ចេកវិទ្យានាពេលកន្លងមក។

ឧត្ដមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពតបានបញ្ជាក់នៅរសៀលនេះថា ស្នងការដ្ឋាននគរបាលខេត្តកំពតពិតជាបានចាប់ខ្លួនមន្ត្រីទាំងអស់នោះពិតមែន ក៏ប៉ុន្តែស្នងការដ្ឋាននគរបាលខេត្តមិនទាន់បានផ្សព្វផ្សាយពីព្រោះកំពុងបន្តនិតិវិធី។

ស្នងការនគរបាលខេត្តកំពតបានបញ្ជាក់ប្រាប់ BTV នៅរសៀលថ្ងៃទី២៧ ខែឧសភា ឆ្នាំ២០២៦ នេះថា “ខាងខ្ញុំកំពុងតែធ្វើការ អត់មានស្ថាប័នណាចុះមកទេ គឺខាងស្នងការដ្ឋានរបស់យើងជាអ្នកអនុវត្តការងារនឹងផ្ទាល់ ហើយខាងអាវុធហត្ថក៏អនុវត្តការងារនឹងផ្ទាល់ដែរ។ ហើយយើងកំពុងតែធ្វើការងារនេះ”៕ អត្ថបទៈវង្ស សុភាព