ព័ត៌មាន
មន្រ្តីជាន់ខ្ពស់ក្រសួងអប់រំយុវជននិងកីឡា រំពឹងថា បេស្បលហ្វាយនឹងក្លាយជាប្រភេទកីឡាសក្កានុពលនៅកម្ពុជា
ភ្នំពេញ៖ ឯកឧត្តម ប៊ូ ជុំសិរី អនុរដ្ឋលេខាធិការ ក្រសួងអប់រំយុវជន និងកីឡា បានបង្ហាញសុទិដ្ឋិនិយមថា កីឡាបេស្បលហ្វាយ ដែលទើបតែនាំមកដល់ប្រទេសកម្ពុជា ដោយសហព័ន្ធកីឡាបេស្បលកម្ពុជា នៅពេលខាងមុខនេះ នឹងក្លាយជាប្រភេទកីឡាសក្កានុពលមួយនៅកម្ពុជា ។ដ្បិតកីឡាមួយប្រភេទនេះ ងាយស្រួលលេង ដែលអាចលេងនៅតាមទីសាធារណៈក៏បាន មិនតម្រូវទីលានស្តង់ដា ដូចប្រភេទកីឡាមួយចំនួននោះឡើយ ។
ការថ្លែងលើកឡើងរបស់អនុរដ្ឋលេខាធិការ ក្រសួងងប់រំយុវជន និងកីឡា បានធ្វើឡើង នាឱកាសអញ្ជើញ ចូលរួមក្នុងកម្មវិធីប្រកួតបេស្បលហ្វាយមិត្តភាព ដើម្បីផ្សព្វផ្សាយ ការប្រកួតបេស្បលហ្វាយ នាចុងសប្តាហ៍កន្លងទៅ នៅតំបន់បឹងកក់ រាជធានីភ្នំពេញ។
ឯកឧត្តម បានបញ្ជាក់ទៀតថា ថ្វីដ្បិតប្រភេទកីឡាថ្មីមួយនេះ ក្រសួងអប់រំយុវជន និងកីឡា មិនទាន់បានចាត់ចែងដាក់បញ្ចូលទៅក្នុងកម្មវិធីសិក្សាយ៉ាងណាក្តី ក៏ប្រភេទកីឡាថ្មីនេះ អនុគ្រោះ និងមានភាពសមស្របអាចថា ជាប្រភេទកីឡាដែលមានប្រជាប្រិយភាពក្នុងការទាក់ទាញយុវជន និងកុមារា កុមារី ព្រោះវាបានផ្តល់នូវសុខមាលភាពកាយសម្បទារឹងមាំ ដល់កុមារា កុមារី និងយុវជនយុវនារីរបស់យើងផងដែរ។
ជាមួយនេះដែរ លោក ឆែម ដារ៉ា ប្រធានសហព័ន្ធកីឡាបេស្បល សុហ្វបលកម្ពុជា បានគូសបញ្ជាក់ថា ការប្រកួតបេស្បលហ្វាយមិត្តភាពនេះ សហព័ន្ធបានរៀបចំឡើង ដើម្បីពិនិត្យមើលសមត្ថភាពតាមបណ្តាក្លឹប បានត្រៀមខ្លួនរួចរាល់ហើយឬនៅ សម្រាប់ការប្រកួតផ្លូវការនាខែក្រោយនេះ។
ប្រធានសហព័ន្ធខាងលើ បានឱ្យដឹងទៀតថា សម្រាប់ការប្រកួតមិត្តភាពតាមបណ្តាសាលាអន្តរជាតិ និងផ្សារទំនើប មុនការប្រកួតផ្លូវការ ជាការផ្សព្វផ្សាយមួយ ដល់យុវជ និងយវនារី ឱ្យងាកមកចាប់អារម្មណ៍លេងកីឡា ជៀសឆ្ងាយអំពីអំពើរឧបាយមុខផ្សេងៗដែលនាំឱ្យមានលំបាកដល់គ្រួសារ និងសង្គមជាតិ។ ជាមួយគ្នានេះ ការប្រកួតនេះគឺដើម្បី ពង្រឹងទាំងកីឡាករ និងកីឡាការិនីឱ្យមានលទ្ធភាពគ្រប់គ្រាន់សម្រាប់ការប្រជែងមេដាយនៃការប្រកួតអន្តរជាតិនៅខែ វិច្ឆិកា ឆ្នាំ២០២៤ និង ប្រកួតអន្តរជាតិនៅឆ្នាំ ក្រោយបន្ទាប់ទៀតផងដែរ។
សូមបញ្ជាក់ថា ការប្រកួតបេស្បលហ្វាយមិត្តភាព តាមបណ្តាសាលារៀនអន្តរជាតិ និងផ្សារទំនើប ដែលរៀបចំដោយ សហព័ន្ធកីឡាបេសប្បលកម្ពុជា ជាបន្តបន្ទាប់នេះ គឺ ដើម្បីផ្សព្វផ្សាយដល់មហាជន អំពីការត្រៀមខ្លួន សម្រាប់ការប្រកួតលីគលើកទី១ជាផ្លូវការ គ្រោងធ្វើឡើង នៅពហុកីឡដ្ឋានជាតិអូឡាំពិក នាថ្ងៃទី២២ និង២៣ ខែ សីហា ឆ្នាំ២០២៤ខាងមុខនេះ៕
អត្ថបទ៖ BTV NEWS
-
PR NEWS5 days agoស្វាគមន៍បងប្អូនកំពង់ឆ្នាំង! ចុងសប្តាហ៍នេះ GANZBERG នឹងនាំមកនូវមហាព្រឹត្តិការណ៍ដ៏អស្ចារ្យមួយ!
-
កីឡា4 days agoមកហើយ!! ប្រជុំដោយកំពូលខ្លាំងគុនខ្មែរប៉ះខ្លាំងមកពីបរទេស វាយកក្រើកសង្វៀន “BOOSTRONG KUN KHMER SPECIAL BATTLE” នៅបាយ័នស្ទឹងមានជ័យ
-
ព័ត៌មាន1 week agoសម្ដេចតេជោ-ធិបតី តែងតែក្រើនរម្លឹកដល់អាជ្ញាធរគ្រប់លំដាប់ថ្នាក់ឱ្យបង្ក្រាបបទល្មើសតាមប្រព័ន្ធបច្ចេកវិទ្យាដោយវិធានការយ៉ាងតឹងរ៉ឹង និងម៉ឺងម៉ាត់បំផុត
-
ព័ត៌មាន1 week agoក្រុមគ្រូពេទ្យភ្នែកស្ម័គ្រចិត្តចុះពិនិត្យព្យាបាលភ្នែក និងផ្ដល់វ៉ែនតាជូនពលរដ្ឋស្រុកស្ទោងខេត្ដកំពង់ធំ
-
ព័ត៌មាន3 days agoលិខិតចំហស្តីពី «គំរូខ្នងផ្សារ»៖ ការអភិវឌ្ឍដែលស្តែងចេញពីបេះដូងមនុស្សធម៌
-
ព័ត៌មាន1 week agoសម្តេចតេជោ ហ៊ុន សែន ជម្រុញដល់មន្ត្រីខេត្តកណ្តាលខិតខំបំពេញការងារបម្រើប្រជាជនដោយស្មោះត្រង់ និងមានទំនាក់ទំនងល្អជាមួយប្រជាជន
-
ព័ត៌មាន1 week agoអ្នកនាំពាក្យ៖កម្លាំងមហាសាមគ្គីជាតិខ្មែរបានគាំទ្ររាជរដ្ឋាភិបាលក្នុងប្រើប្រាស់យន្តការផ្សះផ្សារដោយបង្ខំជាមួយថៃដើម្បីដោះស្រាយវិវាទទាមទារដែនសមុទ្រត្រួតស៊ីគ្នា
-
ព័ត៌មាន1 week agoលោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញចូលរួមកម្មវិធីបញ្ចុះបឋមសិលាកសាង «រតនមន្ទីរពុទ្ធមណ្ឌលវិបស្សនាឧដុង្គ» ពុទ្ធមណ្ឌលវិបស្សនាធុរៈ នៃព្រះរាជាណាចក្រកម្ពុជា