ព័ត៌មាន
មន្រ្តី NEA និងយុវជនស្ម័គ្រចិត្ត បន្តចុះផ្សព្វផ្សាយឱកាសការងារតាមគ្រឹះស្ថានសិក្សានៅរាជធានីភ្នំពេញ
គិតរហូតមកទល់បច្ចុប្បន្ននេះ មជ្ឈមណ្ឌលការងារចល័តរបស់ទីភ្នាក់ងារជាតិមុខរបរ និងការងារ (NEA) នៃក្រសួងការងារ និងបណ្ដុះបណ្ដាលវិជ្ជាជីវៈ បានបន្តចុះផ្សព្វផ្សាយឱកាសការងារនៅតាមសាកលវិទ្យាល័យ និងគ្រឹះស្ថានសិក្សានានា ដើម្បីផ្តល់ព័ត៌មានទីផ្សារការងារឲ្យកាន់តែខិតជិតដល់យុវជន និងអ្នកស្វែងរកការងារ ដើម្បីបង្កើនលទ្ធភាព នៃការទទួលបានការងារកាន់តែឆាប់រហ័ស។
ក្នុងបទសម្ភាសន៍ជាមួយ លោក ជិន ខិ អនុប្រធានមជ្ឈមណ្ឌលការងាររាជធានីភ្នំពេញរបស់ទីភ្នាក់ងារជាតិមុខរបរ និងការងារ នៅព្រឹកថ្ងៃទី១៦ តុលា ឆ្នាំ២០២៤នេះ លោកបានឲ្យព័ត៌មាន ប៊ីធីវី ដឹងថា គិតចាប់ពីដើមឆ្នាំរហូតមកដល់ពេលនេះ ក្រុមមន្រ្តីរបស់ NEA ក៏ដូចជាយុវជនស្ម័គ្រចិត្តមកពីសហភាពសហព័ន្ធយុវជនកម្ពុជា នៅតែបន្តសហការគ្នាក្នុងការចុះផ្សព្វផ្សាយអំពីឱកាសការងារនៅតាមទីសាធារណៈ ក៏ដូចជាបណ្តាសាកលវិទ្យាល័យ និងគ្រឹះស្ថានសិក្សា ដោយកត់សម្គាល់ឃើញថា មានការចាប់អារម្មណ៍យ៉ាងច្រើនពីសំណាក់យុវជន សិស្ស និស្សិត និងអ្នកកំពុងស្វែងរកការងារល្អធ្វើ។
លោកបានឲ្យដឹងថា ចំពោះកិច្ចសហការក្នុងការផ្សព្វផ្សាយនេះដែរ ក្រៅពីនេះក៏មានកិច្ចសហការជាមួយបណ្តាសាកលវិទ្យាល័យ និងគ្រឹះស្ថានសិក្សាចំនួនជាង២០ ហើយក៏កត់សម្គាល់ឃើញទៀតថា មានក្រុមហ៊ុនជាច្រើនផ្សេងៗទៀត បានស្នើសុំកិច្ចសហការជាមួយ NEA ដើម្បីបង្ហាញអំពីតម្រូវការកម្លាំងពលកម្មគ្រប់វិស័យ និងគ្រប់មុខតំណែងផងដែរ។
កំពុងបំពេញការងារផ្សព្វផ្សាយនេះ យុវជនស្ម័គ្រចិត្តចំនួន ២នាក់ គឺកញ្ញា ស៊ គីមឡាំង និងកញ្ញា យាន ស្រីនីន បានលើកឡើងថា ការចូលរួមដោយស្ម័គ្រចិត្តនេះ ពិតជាមានការសប្បាយចិត្ត ទោះពេលខ្លះជួបការលំបាកក្តី ប៉ុន្តែជាការងារសង្គមមួយដ៏ល្អ ដែលចាំបាច់ និងទាមទាឲ្យធ្វើការចែករំលែកនូវព័ត៌មានល្អៗ ជាពិសេសការផ្តល់ព័ត៌មានត្រឹមត្រូវ ច្បាស់លាស់ ពិតប្រាកដជូនដល់យុវជនទាំងឡាយដែលមមាញឹកក្នុងការសិក្សា និងអ្នកពុំទាន់ទទួលបានព័ត៌មានជាក់លាក់អំពីទីផ្សារការងារ ដែលកំពុងមានតម្រូវការជាច្រើនវិស័យ។
ក្រៅពីការងារផ្សព្វផ្សាយខាងលើនេះ ទីភ្នាក់ងារជាតិមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ ក៏មានរៀបចំជាវេទិកាការងារ ពិព័រណ៍ការងារ និងកិច្ចសម្ភាសការងារជាប្រចាំ ដើម្បីបង្កើតជាកន្លែងជួបជុំគ្នាដោយងាយស្រួល រវាងអ្នកស្វែងរកការងារធ្វើ និងនិយោជកដែលកំពុងត្រូវការជ្រើសរើសបុគ្គលិក អាចពិភាក្សា និងស្វែងយល់អំពីតម្រូវការជំនាញនៅក្នុងទីផ្សារការងារ៕ អត្ថបទ៖ ឈិត បូរ៉ាវី
-
PR NEWS6 days agoព្រឹត្តិការណ៍ប្រដាល់និងតន្ត្រីលំដាប់ប្រទេស «GANZBERG GOLD MEDAL TOUR KUN KHMER CONCERT» ខេត្តស្ទឹងត្រែងរយៈពេល២ថ្ងៃពេញ!
-
ព័ត៌មាន1 week agoសម្រាលការលំបាកពលរដ្ឋភៀសសឹក៖ យុវជនគណបក្សប្រជាជនកម្ពុជា អគ្គលេខាធិការដ្ឋានរដ្ឋសភា ផ្តល់ការបណ្តុះបណ្តាលជំនាញផលិតសាប៊ូលាងចាន ចែកកង់ សម្ភារៈសិក្សា ដាំដើមឈើ និងអំពូលសូឡា ក្នុងភូមិស្លក្រាម
-
ព័ត៌មាន5 days agoមន្ទីរពេទ្យព្រះអង្គឌួង ដាក់ឱ្យប្រើប្រាស់ជាផ្លូវការ នូវម៉ាស៊ីន Endoscope សំរាប់ពិនិត្យ ព្យាបាល បញ្ហាក្នុងបំពង់ទឹកប្រមាត់ និងលំពែង
-
ព័ត៌មាន1 week agoឯកឧត្តម ហេង សួរ ចូលរួមអបអរសាទរសិស្ស-និស្សិតជ័យលាភី TVET ជាង ២ពាន់នាក់ដែលជាកម្លាំងចលករថ្មីរួមចំណែកលើកកម្ពស់មុខមាត់ សេដ្ឋកិច្ច និងទាក់ទាញវិនិយោគនៅខេត្តស្វាយរៀង
-
ព័ត៌មាន1 week agoអន្តរក្រសួងចុះពិនិត្យវឌ្ឍនភាព ការអនុវត្តការងារសាងសង់គម្រោងគ្រប់គ្រងធនធានទឹកចម្រុះហ្វូណនតេជោ នៅស្រុកបូរីជលសារ ខេត្តតាកែវ
-
ព័ត៌មាន3 days agoបច្ចុប្បន្នភាពត្រឹមម៉ោង១២! គ្រោះថ្នាក់ចរាចរណ៍នៅខេត្តកំពង់ឆ្នាំង និងស្វាយរៀង “ស្លាប់ ១៤នាក់ របួសធ្ងន់-ស្រាល ៩៣នាក់”
-
ព័ត៌មាន3 days agoសម្តេចធិបតីផ្ញើសារច្បាស់លាស់ និងយ៉ាងម៉ឺងម៉ាត់ដល់អាជ្ញាធរមូលដ្ឋានឱ្យបង្ក្រាប Online Scams ឱ្យទាល់តែអស់ជាដាច់ខាតប្រកបដោយស្មារតីទទួលខុសត្រូវខ្ពស់បំផុត
-
ព័ត៌មាន2 days agoអ្នកនាំពាក្យក្រសួងការពារជាតិ៖ មានឮសំឡេងបាញ់កាំភ្លើងចំនួន ២២គ្រាប់ ពីសំណាក់យោធាថៃដោយគ្មានមូលហេតុ នៅតំបន់ច្រកអន្តរជាតិអូរស្មាច់