ព័ត៌មាន
យុវជនបោះជំរំជាសកលលើកទី១០ ចុះសិក្សាស្វែងយល់ពីការធ្វើធូបបុរាណ នៅសហគមន៍ធូបបុរាណ ឃុំព្រះដាក់ ស្រុកបន្ទាយស្រី
សម្រាប់ប្រតិភូបោះជំរំយុវជនជាសកលលើកទី១០ ឆ្នាំ២០២៤ បានចុះទៅ ស្វែងយល់ពីរបៀបធ្វើនំអាកោត្នោត ធ្វើនំបញ្ចុក ពិសេសពីរបៀបធ្វើធូបបុរាណរបស់សហគមន៍ធូបបុរាណ ដែលស្ថិត នៅឃុំព្រះដាក់ ស្រុកបន្ទាយស្រី ខេត្តសៀមរាបតែម្តង ក្នុងនេះយុវជនបានកោតសរសើជា ខ្លាំងចំពោះ ពលរដ្ឋក្នុងសហគមន៍ធូបបុរាណ ដែលនៅបន្តធ្វើធូបតាមបែបបុរាណ។
តំណាងយុវជនបោះជំរំចំនួន៣រូប បានប្រាប់ថា ពួកគេពិតជាសប្បាយរីករាយ ដែលបានចូលរួមកម្មវិធីបោះជំរំ និងបានចូលរួមឈ្វែងយល់ពីការធ្វើធូបបុរាណ ក្នុងសហគមន៍ធូបបុរាណ នៅឃុំព្រះដាក់ ស្រុកបន្ទាយស្រី ព្រោះកន្លងមក ពួកគេធ្លាប់តែទិញធូបយកទៅវត្ត ដើម្បីដុតធូបបួងសួងប្រាថ្នាសុំសុខ ចម្រើន ប៉ុន្តែមិនដែលបានដឹងពីរបៀបធ្វើធូបកន្លងមកទេ ទើបតែពេលនេះ បានធ្វើធូបដោយផ្ទាល់ដៃ និងជាធូបបុរាណទៀតផង ពួកគេ្តថា នៅេលបានធ្វើធូប ទើបដឹងថា ការដែលធ្វើធូបក៏ជារឿងលំបាកមួយដែរ ហើយពួកគេនៅតែលើកទឹកចិត្តឱ្យសហគមន៍ធូបបុរាណ និងភ្ញៀវទេសចរចូលរួមគំាទ្រធូប បុរាណមួយនេះ ឱ្យបាននៅជាប់លាប់ជាប្រចាំ ដើម្បីបន្តលើកទឹកចិត្ត និងរួមគ្នាអភិរក្ស។
ចំណែកលោកយាយ សៅ សែម ប្រជាពលរដ្ឋក្នុងសហគមន៍ធូបបុរាណ បានប្រាប់ថា រូបលោកយាយបានធ្វើធូបបុរាណនេះ តពីខ្មោចម្តាយរបស់លោកយាយបានជាង១០ឆ្នាំហើយ ដោយសារស្រឡាញ់ អាជីពមួយនេះ ហើយធូបបុរាណនេះ មានគ្រឿងផ្សំច្រើនយ៉ាង ដែលធ្វើឱ្យធូបក្រអូប នៅពេលដុត ក្នុងនេះលោកយាយចង់ឱ្យប្រជាពលរដ្ឋ និងយុវជនខ្មែរ ជួយគំាទ្រ និងបន្តលើកទឹកចិត្តដល់រូបគាត់ផង ដើម្បីបន្តអភិរក្សធូបបុរាណនេះតទៅមុខទៀត។
សូមបញ្ជាក់ថា មូលហេតុដែលគណៈកម្មការជំរំ នាំយុវជនឱ្យស្គាល់ពីរបៀបធ្វើនំអាកោត្នោត ធ្វើនំបញ្ចុក និងពីរបៀបធ្វើធូបបុរាណរបស់សហគមន៍ធូបបុរាណ នៅឃុំព្រះដាក់ ស្រុកបន្ទាយស្រី គឺដើម្បីចង់ឱ្យយុវជនបានដឹងពីអ្វីដែលយុវជនបានប្រើប្រាស់ និងបានហូបចុករាល់ថ្ងៃ បានកើតឡើងដោយរបៀប ណាខ្លះ និងត្រូវចេះចូលរួមថែរក្សា និងអភិរក្ស៕អត្ថបទ៖ គង់ រ៉េន
-
PR NEWS3 days agoព្រឹត្តិការណ៍ប្រដាល់និងតន្ត្រីលំដាប់ប្រទេស «GANZBERG GOLD MEDAL TOUR KUN KHMER CONCERT» ខេត្តស្ទឹងត្រែងរយៈពេល២ថ្ងៃពេញ!
-
ព័ត៌មាន1 week agoក្រសួងសុខាភិបាល ប្រគល់-ទទួលរថយន្តគិលានសង្គ្រោះចំនួន ១០គ្រឿង ដែលជាហិរញ្ញប្បទានឥណទានរបស់ធនាគារអភិវឌ្ឍន៍អាស៊ី (ADB Loan)
-
ព័ត៌មាន1 week agoសម្តេចតេជោ៖« ការដកមន្ត្រីផ្លែទុរេនចេញពីក្របខណ្ឌមិនទាន់គ្រប់គ្រាន់ទេ គួរបញ្ជូនទៅACU»
-
ព័ត៌មាន1 week agoសម្តេចធិបតី៖គុណតម្លៃមិនអាចកាត់ថ្លៃបានរបស់នគរបាលជាតិគឺការចូលរួមការពារបូរណភាពទឹកដី ដែលរងនូវការឈ្លានពានពីថៃ
-
ព័ត៌មាន7 days agoសម្រាលការលំបាកពលរដ្ឋភៀសសឹក៖ យុវជនគណបក្សប្រជាជនកម្ពុជា អគ្គលេខាធិការដ្ឋានរដ្ឋសភា ផ្តល់ការបណ្តុះបណ្តាលជំនាញផលិតសាប៊ូលាងចាន ចែកកង់ សម្ភារៈសិក្សា ដាំដើមឈើ និងអំពូលសូឡា ក្នុងភូមិស្លក្រាម
-
ព័ត៌មាន1 week agoអគ្គលេខាធិការដ្ឋានរដ្ឋសភា និងព្រឹទ្ធសភា បិទវគ្គបណ្តុះបណ្តាលស្តីពី “ការទូតសភា” ជូនដល់មន្ត្រីជំនាញនៃសភា កម្ពុជា-ឡាវ
-
កីឡា1 week agoជិះកង់ភ្នំពេញ-សៀមរាប ដើម្បីកុមារកម្ពុជា លើកទី៣ នឹងមកដល់នាចុងខែឧសភានេះ
-
ព័ត៌មាន1 week agoរដ្ឋសភាកម្ពុជាសហការជាមួយ AVI និងKASបើកវគ្គបណ្តុះបណ្តាលកសាងសមត្ថភាពមន្ត្រីនិងយុវជន ដើម្បីក្លាយជា«ខែលការពារសុចរិតភាពព័ត៌មាន» ក្នុងយុគសម័យបញ្ញាសិប្បនិម្មិត (AI)